ଆମେରିକା ସଂସଦ ଏକ ବିଲ୍ ପାରିତ କରିଛି, ଯାହା ଦ୍ୱାରା ରୁଷରୁ ତେଲ ଓ ଗ୍ୟାସ୍ କିଣୁଥିବା ଦେଶଗୁଡ଼ିକ ଉପରେ ୧୦୦ ପ୍ରତିଶତ ଟ୍ୟାରିଫ୍ ଲଗାଇବାର ବାଟ ସଫା ହୋଇଯାଇଛି। ଏହି ବିଲ୍ ପାରିତ ହେବା ଦ୍ୱାରା ଭାରତ ଉପରେ ୧୦୦ ପ୍ରତିଶତ ଟ୍ୟାରିଫ୍ ଲାଗିବାର ବିପଦ ମାଡ଼ିଆସିଛି।

ଆମେରିକା ସଂସଦ ଗତକାଲି ଏକ ସଂଶୋଧନ ବିଲ୍ ପାରିତ କରିଛି, ଯାହା ଦ୍ୱାରା ରୁଷରୁ ତେଲ ଓ ଗ୍ୟାସ୍ କିଣୁଥିବା ଦେଶଗୁଡ଼ିକ ଉପରେ ୧୦୦ ପ୍ରତିଶତ ଟ୍ୟାରିଫ୍ ଲଗାଇବାର ବାଟ ସଫା ହୋଇଯାଇଛି। ଏହି ବିଲ୍ ପାରିତ ହେବା ଦ୍ୱାରା ଭାରତ ଉପରେ ୧୦୦ ପ୍ରତିଶତ ଟ୍ୟାରିଫ୍ ଲାଗିବାର ବିପଦ ମାଡ଼ିଆସିଛି। ବିରୋଧୀ ଦଳ କଂଗ୍ରେସ ଏହାକୁ ନେଇ କେନ୍ଦ୍ର ସରକାରଙ୍କୁ ନିଶାନା କରୁଛି। ଏବେ ସରକାରଙ୍କ ପକ୍ଷରୁ କୁହାଯାଇଛି ଯେ ଏହି ବିଲ୍ ପାରିତ ହେବା ବିଷୟରେ ସରକାର ସଂଜ୍ଞାନ ନେଇଛନ୍ତି, କିନ୍ତୁ ସେ କୌଣସି ବୁଝାମଣା କରିବେ ନାହିଁ। ଆମର ନଜର ପରବର୍ତ୍ତୀ ପଦକ୍ଷେପ ଉପରେ ରହିବ।

ବୈଦେଶିକ ବ୍ୟାପାର ମନ୍ତ୍ରଣାଳୟ ଆଜି ଗୁରୁବାର ଏହି ସମ୍ପର୍କରେ କହିଛି, “ଭାରତ ଆମେରିକୀୟ କଂଗ୍ରେସରେ ରୁଷ ଓ ଇରାନ ଉପରେ ପ୍ରତିବନ୍ଧକ ଲଗାଇବା ସମ୍ବନ୍ଧୀୟ ଅଧିନିୟମ ପାରିତ ହେବାର ସଂଜ୍ଞାନ ନେଇଛି।”

ଆମେରିକୀୟ କଂଗ୍ରେସରେ "Sanctioning Russia and Iran Act" (ରୁଷ ଓ ଇରାନ ଉପରେ ପ୍ରତିବନ୍ଧକ ଅଧିନିୟମ) ପାରିତ ହେବା ପରେ ଭାରତ ପକ୍ଷରୁ ପ୍ରତିକ୍ରିୟା ଦିଆଯାଇଛି। ଭାରତ ସରକାର କହିଛନ୍ତି ଯେ ସେ ଆମେରିକୀୟ କଂଗ୍ରେସରେ ଏହି ଆଇନ ପାରିତ ହେବାର ସଂଜ୍ଞାନ ନେଇଛନ୍ତି ଏବଂ ଏହି ମାମଲାରେ ଆଗକୁ ହେବାକୁ ଥିବା ଘଟଣାବଳୀ ଉପରେ ନଜର ରଖାଯାଇଛି।