ସୋସିଆଲ ମିଡ଼ିଆରେ ଅନେକ ସମୟରେ ଭିନ୍ନ ଭିନ୍ନ ଭିଡ଼ିଓ ଭାଇରାଲ ହେଉଥିବାର ନଜିର ରହିଛି । ତେବେ ଏହାରି ଭିତରେ ଏବେ ଆହୁରି ଏକ ଭିଡ଼ିଓ ଭାଇରାଲ ହେଉଛି, ଯାହାକୁ ଦେଖିବା ମାତ୍ରେ ଆପଣ ଆଖି ବୁଜି ଦେବେ ।
ଥରେ ଚିନ୍ତା କରନ୍ତୁ, ଆପଣ ବିମାନରେ ବସି ଯାତ୍ରା କରୁଥିବେ । ଆଉ ସେହି ସମୟରେ ବିମାନ ଉପରେ ହିଁ ଭୟଙ୍କର ବେଗରେ ମାରିବ ବିଜୁଳି । ଏମିତି ଏକ ଘଟଣା ଘଟିଛି ବ୍ରାଜିଲରେ । ବ୍ରିଟିଶର ଏକ ଆନ୍ତଜାତୀୟ ଯାତ୍ରୀବାହୀ ବିମାନ ବ୍ରାଜିଲରେ ଯାଉଥିବା ସମୟରେ ଯେଭଳି ଭୟଙ୍କର ବିଜୁଳି ମାରିଥିଲେ ଏଥିରେ ଥରହର ହୋଇଯାଇଥିଲେ ଯାତ୍ରୀ । ଚାରିଆଡେ ଏହାର ରଶ୍ମୀ ବିଛେଇ ହୋଇଯାଇଥିଲା । ହେଲେ ସୌଭାଗ୍ୟ ବଶତଃ କାହାରି କିଛି କ୍ଷତି ହୋଇନାହିଁ । ତେବେ ଏହି ବିମାନ ଉପରେ ବିଜୁଳି ମାରୁଥିବାର ଭିଡ଼ିଓ ଏବେ ସୋସିଆଲ ମିଡ଼ିଆରେ କ୍ଷୀପ୍ର ଗତିରେ ଭାଇରାଲ ହେବାରେ ଲାଗିଛି ।