ଅନ୍ତର୍ଜାତୀୟ ମଂଚରେ ଚୀନ ବିପକ୍ଷରେ ଜିତିଲା ଭାରତ, ହେଲା ମହିଳା ସ୍ଥିତି ଆୟୋଗର ସଦସ୍ୟ
Khabar Odisha:International-India-wins-agains-China-in-international-platform-and-seat-in-prestigious-ecosoc-body

ଜେନିଭା, ସେପ୍ଟେମ୍ବର ୧୫ (ଖବର ଓଡ଼ିଶା): ସୀମା ଠାରୁ ଆରମ୍ଭ କରି ଅନ୍ତର୍ଜାତୀୟ ମଂଚ ପର୍ଯ୍ୟନ୍ତ ଚୀନକୁ ଭାରତ ପରାସ୍ତ କରିବାରେ ଲାଗିଛି । ଚୀନକୁ ପଛରେ ପକାଇ ଭାରତ ପ୍ରତିଷ୍ଠିତ ଇକୋନୋମିକ ଆଣ୍ଡ ସୋସିଆଲ କାଉନସିଲ (ଇକୋସୋକ)ରେ ନିଜର ସ୍ଥାନ ଦୃଢ଼ କରିଛି । ଭାରତ କାଉନସିଲ ସହିତ ଜଡ଼ିତ ମହିଳା ସ୍ଥିତି ଆୟୋଗର ସଦସ୍ୟ ହୋଇପାରିଛି । 

ଆୟୋଗରେ ଏହି ସିଟ ଲାଗି ଭାରତ, ଚୀନ ଓ ଆଫଗାନିସ୍ତାନ ମଧ୍ୟରେ ମୁକାବିଲା ହୋଇଥିଲା । ଭାରତ ଏବଂ ଆଫଗାନିସ୍ତାନଙ୍କୁ ୫୪ରୁ ଅଧିକ ସଦସ୍ୟଙ୍କ ସମର୍ଥନ ମିଳିଛି । କିନ୍ତୁ ଚୀନକୁ ଖାଲି ହାତରେ ଫେରିବାକୁ ପଡ଼ିଛି ।  ସଂଯୁକ୍ତ ରାଷ୍ଟ୍ରରେ ଭାରତର ସ୍ଥାୟୀ ପ୍ରତିନିଧି ଟିଏସ ତିରୁମୂର୍ତ୍ତି ଟୁଇଟ କରି ଏହି ସୂଚନା ପ୍ରଦାନ କରିଛନ୍ତି । 

ତିରୁମୂର୍ତ୍ତି ଖୁସିରେ କହିଛନ୍ତି, ଭାରତ ପ୍ରତିଷ୍ଠିତ ଇକୋସୋକରେ ଆସନ ପାଇଛି । ଭାରତ ମହିଳାଙ୍କର ସ୍ଥିତି ଉପରେ ଆୟୋଗର ସଦସ୍ୟ ଭାବେ ଚୟନିତ ହୋଇଛି । ସେ କହିଛନ୍ତି ଯେ, ମହିଳାଙ୍କୁ ନେଇ ଆମର ପ୍ରତିବଦ୍ଧତା କିପରି ଏବଂ ମହିଳା ସଶକ୍ତିକରଣ ଦିଗରେ ଆମେ କେତେ କାମ କରୁଛେ । ଆମ ସମସ୍ତ ସଦସ୍ୟଙ୍କୁ ଏଥିଲାଗି ଧନ୍ୟବାଦ ଜଣାଉଛୁ ବୋଲି ସେ କହିଛନ୍ତି । ସୂଚନାଯୋଗ୍ୟ, ଭାରତ ଏହି ଆୟୋଗରେ ୪ ବର୍ଷ ଯାଏଁ ସଦସ୍ୟ ରହିବ । 

 

  • Tags:

Subscribe

National International State Sports Entertainment