ଇସଲାମାବାଦ: ପାକିସ୍ତାନର ଏକ ଆତଙ୍କବାଦ ନିରୋଧୀ ଅଦାଲତ ଗତ ସପ୍ତାହରେ ଇସଲାମାବାଦରେ ତାଙ୍କ ଦଳର ସମର୍ଥକଙ୍କ ବିକ୍ଷୋଭ ସମ୍ପର୍କିତ ଏକ ମାମଲାରେ ଇମ୍ରାନ୍ ଖାନ୍, ତାଙ୍କ ପତ୍ନୀ ବୁଶ୍ରା ବିବି, ଖୈବର ପଖ୍ତୁନଖୱା ମୁଖ୍ୟମନ୍ତ୍ରୀ ଅଲ୍ଲୀ ଅମିନ ଗଣ୍ଡାପୁର ଏବଂ ଅନ୍ୟ ୯୩ ଜଣଙ୍କ ବିରୋଧରେ ଜାମିନ ବିହୀନ ଗିରଫ ପରୱାନା ଜାରି କରିଛନ୍ତି।

ବିକ୍ଷୋଭ ସମୟରେ ହିଂସା, ଦଙ୍ଗା ଏବଂ ଅନ୍ୟାନ୍ୟ ଅପରାଧ ଅଭିଯୋଗର ଜବାବରେ ଏହି ୱାରେଣ୍ଟ ଜାରି କରାଯାଇଛି। ୨୦୨୩ରୁ ଜେଲରେ ଥିବା ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ ନଭେମ୍ବର ୨୪ରେ ହୋଇଥିବା ଦେଶବ୍ୟାପୀ ବିକ୍ଷୋଭ ପାଇଁ ନଭେମ୍ବର ୧୩ରେ ଚୂଡ଼ାନ୍ତ ଘୋଷଣା କରିଥିଲେ। 

ପିଟିଆଇର ନିର୍ବାଚନୀ ଜନାଦେଶ ପୁନରୁଦ୍ଧାର, ଅଟକ ଦଳୀୟ ସଦସ୍ୟଙ୍କୁ ମୁକ୍ତ କରିବା ଏବଂ ୨୬ତମ ସମ୍ବିଧାନ ସଂଶୋଧନ ଆଇନକୁ ପ୍ରତ୍ୟାହାର କରିବାକୁ ଦାବି କରାଯାଇଛି। ଇସଲାମାବାଦରେ ମୁଖ୍ୟ ବିକ୍ଷୋଭ ସଂଘର୍ଷରେ ଶେଷ ହୋଇଥିବା ବେଳେ ପିଟିଆଇର ୧୨ ଜଣ ସମର୍ଥକଙ୍କ ମୃତ୍ୟୁ ଘଟିଥିବା ବେଳେ ଶତାଧିକ ଲୋକଙ୍କୁ ଗିରଫ କରାଯାଇଛି।

ଇସଲାମାବାଦ ପୁଲିସ ୯୬ ଜଣ ସନ୍ଦିଗ୍ଧଙ୍କ ତାଲିକା ଇସଲାମାବାଦ ଆତଙ୍କବାଦ ନିରୋଧୀ ଅଦାଲତ (ଏଟିସି)କୁ ହସ୍ତାନ୍ତର କରିଛି, ଯେଉଁଥିରେ ଖାନ୍, ବିବି, ଗଣ୍ଡାପୁର, ପୂର୍ବତନ ରାଷ୍ଟ୍ରପତି ଆରିଫ୍ ଆଲଭି, ନ୍ୟାସନାଲ ଆସେମ୍ବ୍ଲିର ପୂର୍ବତନ ବାଚସ୍ପତି ଅସଦ କୈସର, ପିଟିଆଇ ଅଧ୍ୟକ୍ଷ ଗୌର ଖାନ୍, ନ୍ୟାସନାଲ୍ ଆସେମ୍ବଲିର ବିରୋଧୀ ଦଳ ନେତା ଓମାର ଆୟୁବ୍ ଖାନ୍ ଏବଂ ଅନ୍ୟମାନେ ରହିଛନ୍ତି। 

୯୬ ଜଣ ସନ୍ଦିଗ୍ଧଙ୍କ ତାଲିକା ପ୍ରଦାନ କରିବା ପରେ ଇସଲାମାବାଦ ପୁଲିସ ଏଟିସିକୁ ସେମାନଙ୍କ ବିରୋଧରେ ଗିରଫ ପରୱାନା ଜାରି କରିବାକୁ ଅନୁରୋଧ କରିଥିଲା। ଏଟିସି ବିଚାରପତି ତାହିର ଅବ୍ବାସ ସିପ୍ରା ପୋଲିସର ଅନୁରୋଧକୁ ଗ୍ରହଣ କରି ସମସ୍ତ ସନ୍ଦିଗ୍ଧଙ୍କ ପାଇଁ ଜାମିନ ବିହୀନ ୱାରେଣ୍ଟ ଜାରି କରିଛନ୍ତି।

ବିକ୍ଷୋଭ ପରେ ଦାଖଲ ହୋଇଥିବା ପ୍ରଥମ ସୂଚନା ରିପୋର୍ଟ (ଏଫଆଇଆର)ରେ ପାକିସ୍ତାନ ଦଣ୍ଡବିଧି ସଂହିତା, ଆତଙ୍କବାଦ ନିରୋଧୀ ଆଇନ ସେପ୍ଟେମ୍ବର ୨୮ରୁ ଅକ୍ଟୋବର ୫ ମଧ୍ୟରେ ହୋଇଥିବା ବିକ୍ଷୋଭ ସଂକ୍ରାନ୍ତ ୭ଟି ମାମଲାରେ ଇମ୍ରାନ୍ ଖାନ୍ ଙ୍କୁ ବିଚାର ବିଭାଗୀୟ ରିମାଣ୍ଡରେ ଜେଲ୍ ପଠାଇ ଦିଆଯାଇଛି।

୨୦୨୨ ଏପ୍ରିଲରେ ଅନାସ୍ଥା ଭୋଟ ଯୋଗୁଁ ତାଙ୍କ ସରକାର ଭାଙ୍ଗିବା ପରେ ତାଙ୍କ ବିରୋଧରେ ଡଜନାଧିକ ମାମଲା ରୁଜୁ ହୋଇଛି। ଉଭୟ ଇମ୍ରାନ ଖାନ ଏବଂ ବୁଶ୍ରା  ବିବିଙ୍କ ବିରୋଧରେ ବ୍ରିଟେନର ନ୍ୟାସନାଲ କ୍ରାଇମ ଏଜେନ୍ସି ଦ୍ୱାରା ପାକିସ୍ତାନକୁ ଫେରାଇ ଦିଆଯାଇଥିବା ୫୦ ବିଲିୟନ ପାକିସ୍ତାନୀ ଟଙ୍କା (୧୯୦ ନିୟୁତ ପାଉଣ୍ଡ)ର ଅପବ୍ୟବହାର କରିଥିବା ଅଭିଯୋଗ ହୋଇଛି।

ଅଧିକ ପଢ଼ନ୍ତୁ: ମହମ୍ମଦ ୟୁନୁସଙ୍କୁ ଏମତି କହିଲେ ଶେଖ୍‌ ହସିନା