ପ୍ରଧାନମନ୍ତ୍ରୀଙ୍କ ଲେହ ଗସ୍ତ ପରେ ଚୀନ ଓ ପାକିସ୍ତାନ ଛାନିଆ, ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ଡାକିଲେ ଜରୁରୀ ସୁରକ୍ଷା ବୈଠକ
Khabar Odisha:After-the-PMs-visit-to-Leh-China-and-Pakistan-called-for-an-emergency-security-meeting
ନୂଆଦିଲ୍ଲୀ, ଜୁଲାଇ ୦୪ (ଖବର ଓଡ଼ିଶା):

ଗତକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଲଦାଖ ଗସ୍ତ ପରେ ଚୀନ୍ ଏବଂ ପାକିସ୍ତାନରେ ହଇଚଇ ସୃଷ୍ଟି ହୋଇଛି । ସ୍ଥିତି ଏଭଳି ହୋଇଥିଲା ଯେ ପ୍ରଧାନମନ୍ତ୍ରୀ ମୋଦୀଙ୍କ ବିବୃତ୍ତି ଉପରେ ଚୀନକୁ ନିଜ ପକ୍ଷ ସ୍ପଷ୍ଟ କରିବାକୁ ପଡିଥିଲା । ଚୀନ୍ କହିଛି ଯେ ଆମେ ବିସ୍ତାରବାଦୀ ନୁହେଁ । ଚୀନ୍‌ର ବୈଦେଶିକ ମନ୍ତ୍ରଣାଳୟ କହିଛି ଯେ ଉଭୟ ଦେଶରେ ସାମରିକ ଏବଂ କୂଟନୈତିକ ସ୍ତରରେ ଆଲୋଚନା ହେଉଛି । ତେବେ ସବୁଠୁ ଅଧିକ ଯଦି କିଏ ଛାନିଆ ହୋଇଛି ତେବେ ସେ ହେଉଛନ୍ତି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ । ପ୍ରଧାନମନ୍ତ୍ରୀ ମୋଦୀଙ୍କ ଲଦାଖ ଗସ୍ତକୁ ନେଇ ଇମ୍ରାନ ଖାନ ସମ୍ପୂର୍ଣ୍ଣ ଭାବରେ ଛାନିଆ ହୋଇପଡିଛନ୍ତି । ପାକିସ୍ତାନକୁ କେବଳ ବର୍ତ୍ତମାନ ଭାରତର ଆକ୍ରମଣ ଆଶଙ୍କା ଘାରୁଛି । ଭାରତର ସାମ୍ଭାବ୍ୟ ଆକ୍ରମଣକୁ ଦୃଷ୍ଟିରେ ରଖି ଦେଶର ସୁରକ୍ଷା ନେଇ ଇମ୍ରାନ ଖାନ ଗତକାଲି ଏକ ଗୁରୁତ୍ୱପୂର୍ଣ୍ଣ ବୈଠକ କରିଥିଲା ନେଇ ସୂଚନା ମିଳିଛି । ଏଥି ସହ ପାକିସ୍ତାନୀ ଗଣମାଧ୍ୟମ ମଧ୍ୟ ପ୍ରଧାନମନ୍ତ୍ରୀ ମୋଦୀଙ୍କୁ ପ୍ରଶଂସା କରିବା ସହ ଚୀନ୍‌କୁ ସେ ସବୁଠାରୁ ଶକ୍ତିଶାଳୀ ବାର୍ତ୍ତା ଦେଇଛନ୍ତି ବୋଲି କହିଛନ୍ତି ।

ସୂଚନାଯୋଗ୍ୟ, ଶୁକ୍ରବାର ପୂର୍ବାହ୍ନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ହଠାତ୍ ଲଦାଖରେ ଭାରତୀୟ ସେନାର ଅଗ୍ରୀମ ପୋଷ୍ଟର ପରିଦର୍ଶନ କରିବାକୁ ପହଞ୍ଚିଥିଲେ । କେବଳ ପରିଦର୍ଶନ କରିନଥିଲେ ବରଂ ସୀମା ଉପରେ ଛିଡା ହୋଇ ଶତୃ ଦେଶମାନଙ୍କୁ ମୋଦୀ ଯେଉଁଭଳି ବାର୍ତ୍ତା ଦେଇଥିଲେ ସମଗ୍ର ବିଶ୍ୱ ଆଶ୍ଚର୍ଯ୍ୟ ପ୍ରକଟ କରିଛି ଏହି ବାର୍ତ୍ତାରେ ଶତୃ ମନରେ ଭୟ ସୃଷ୍ଟି କରିବା ସହ ସୀମାରେ ଜଗିଥିବା ସମସ୍ତ ଭାରତୀୟ ବୀର ସୈନିକଙ୍କ ମନୋବଳ ମଧ୍ୟ ଖୁବ ବୃଦ୍ଧି ପାଇଛି । ଆଜି ପର୍ଯ୍ୟନ୍ତ ସୀମାରେ ଠିଆ ହୋଇ କୌଣସି ପ୍ରଧାନମନ୍ତ୍ରୀ ଶତ୍ରୁଙ୍କୁ ଏଭଳି ସ୍ପଷ୍ଟ ବାର୍ତ୍ତା ଦେଇ ନାହାଁନ୍ତି ।

ପିଏମ ମୋଦୀ 11000 ଫୁଟ ଉଚ୍ଚରେ ଥିବା ପୋଷ୍ଟକୁ ଗସ୍ତ କରିଥିଲେ । 11000 ଫୁଟ ଉଚ୍ଚରେ ଅମ୍ଳଜାନର ଅଭାବ ମଧ୍ୟ ପରିଲିକ୍ଷିତ ହେଉଥିଲା | ନିମୁ ଅଞ୍ଚଳ ଏକ ଶୀତଳ ମରୁଭୂମି | ସର୍ବାଧିକ ତାପମାତ୍ରା 40 ଡିଗ୍ରୀ ଏବଂ ସର୍ବନିମ୍ନ -29 ଡିଗ୍ରୀ ସେଲସିୟସ ରହିଥାଏ | କୌଣସି ବାହାର ଅଞ୍ଚଳର ଲୋକ ଏହି ଅଞ୍ଚଳକୁ ପ୍ରଥମ ଥର ପାଇଁ ଆସିଲେ ଏହି ପ୍ରତିକୂଳ ପାଗ ସହିତ ଖାପ ଖୁଆଇବା ପାଇଁ ଯାହାବି ହେଲେ ଦୁଇ ଦିନ ସମୟ ଲାଗିଥାଏ ହେଲେ ପ୍ରଧାନମନ୍ତ୍ରୀ ମୋଦୀ ଏହି ବୟସରେ ମଧ୍ୟ ଏଭଳି ସ୍ଥାନକୁ ଗସ୍ତ କରିଥିଲେ ଓ ଭାରତୀୟ ଯବାନଙ୍କ ମନୋବଳକୁ ବଢାଇଥିଲେ ।

ଭାରତ ଲଦାଖରେ ଆଉ ଏକ ସେନା ଡିଭିଜନ ନିୟୋଜିତ କରିଛି । ଏହା ସହିତ କେବଳ ପୂର୍ବ ଲଦାଖରେ ଭାରତୀୟ ସେନାର ମୋଟ ଚାରିଟି ଡିଭିଜନ ଅଛି । ବର୍ତ୍ତମାନ ଲଦାଖରେ ଭାରତୀୟ ସନିକଙ୍କ ସଂଖ୍ୟା 60 ହଜାରକୁ ବୃଦ୍ଧି ପାଇଛି । ଆକସାଇ ଚିନ୍ ଠାରେ ଅବସ୍ଥିତ ଲାଇନ୍ ଅଫ୍ ଆକ୍ଟୁଆଲ୍ କଣ୍ଟ୍ରୋଲରେ ମଧ୍ୟ ସେନା ସମସ୍ତ ମୁକାବିଲା କରିବା ପାଇଁ ସମ୍ପୂର୍ଣ୍ଣ ଭାବରେ ପ୍ରସ୍ତୁତ ଅଛନ୍ତି |

ତେବେ ପ୍ରଧାନମନ୍ତ୍ରୀ ଗସ୍ତ କରିଥିବା ନିମୋ ପୋଷ୍ଟ ବିଷୟରେ ଆସନ୍ତୁ ଜାଣିବା -

1. ଭାରତୀୟ ସେନା ପାଇଁ ଏହା ଏକ ଗୁରୁତ୍ୱପୂର୍ଣ୍ଣ ଅଗ୍ରଗାମୀ ପୋଷ୍ଟ |

2. 1999 ପରେ ଆବଶ୍ୟକତାକୁ ଦୃଷ୍ଟିରେ ରଖି ଏହି ସାମରିକ ବେସ୍ ନିର୍ମାଣ କରାଯାଇଥିଲା |

3. 14 ତମ କର୍ପସ ଅଧୀନରେ ଏଠାରେ ଦୁଇଟି ସାମରିକ ବେସ୍ ପରିଚାଳିତ ହେଉଛି |

4. ନିମୁ ପୋଷ୍ଟ ଗାଲଭାନ୍ ଉପତ୍ୟକା ଠାରୁ 250 କିଲୋମିଟର ଦୂରତାରେ ଅବସ୍ଥିତ |

5. ନିମୁରୁ ଉଭୟ ଚୀନ୍ ଏବଂ ପାକିସ୍ଥାନ ଉପରେ ନଜର ରଖା ଯାଇପାରିବ |

6. ନିମୁରେ ଅନେକ ସେନା ରେଜିମେଣ୍ଟର ବାଟାଲିଅନ୍ ରହିଛି |

ଆସନ୍ତୁ ଜାଣିବା ନିମୁର ଭୌଗଳିକ ଅବସ୍ଥିତି ସମ୍ପର୍କରେ -

ଏହା ଲେହ ଜିଲ୍ଲାରେ ଅବସ୍ଥିତ | ଏହା ଲେହ ଠାରୁ 35 କିଲୋମିଟର ଦୂରରେ | 11 ହଜାର ଫୁଟ ଉଚ୍ଚତାରେ ଅବସ୍ଥିତ | ସିନ୍ଧୂ ନଦୀ କୂଳରେ ଏହା ଅବସ୍ଥିତ । ଏଠାରେ ଜନସ୍କର ନଦୀ ସିନ୍ଧୂ ନଦୀ ସହ ମିଶିଛି । ନିମୁ ଜନସ୍କାର ପାର୍ବତ୍ୟ ସୀମା ଦ୍ୱାରା ଘେରି ରହିଛି | ଏହା ଠାରୁ 8 କିଲୋମିଟର ଦୂରରେ ଏକ ଚୁମ୍ବକୀୟ ପାହାଡ ଅଛି |

  • Tags:

Subscribe

National International State Sports Entertainment