ଥିରୁଅନନ୍ତପୁରମ: ମାଲୟାଲମ ଫିଲ୍ମ ଇଣ୍ଡିଷ୍ଟ୍ରିର ଦିଗ୍ଗଜ ଅଭିନେତା ମୋହନ ରାଜଙ୍କର ଦେହାନ୍ତ ହୋଇଯାଇଛି । ଗୁରୁବାର ମୋହନ ରାଜଙ୍କର ୭୦ ବର୍ଷ ବୟସରେ ନିଧନ ହୋଇଛି । ମୋହନଙ୍କ ଦେହାନ୍ତର ସାଉଥ ସିନେମା ଜଗତରେ ଶୋକର ଛାୟା ଖେଳି ଯାଇଛି । ସେ ମାଲୟାଲମ, ତାମିଲ ଏବଂ ତେଲୁଗୁ ଭାଷାରେ ଅନେକ ଚଳଚ୍ଚିତ୍ରରେ ଅଭିନୟ କରି ପ୍ରଶଂସା ସାଉଁଟିଛନ୍ତି । ଶୁକ୍ରାବର କେରଳରେ ତାଙ୍କର ଅନ୍ତିମ ସଂସ୍କାର କରାଯିବ ।
ମୋହନ ରାଜ ବହୁତ ଦିନରେ ରୋଗରେ ପୀଡ଼ିତ ଥିଲେ । ଥିରୁଅନନ୍ତପୁରମରେ ଥିବା ଏକ ଆର୍ୟୁବେଦିକ ମେଡ଼ିକାଲରେ ତାଙ୍କର ଚିକିସ୍ଚା ଚାଲିଥିଲା । ତେବେ ଗତକାଲି ତାଙ୍କର ଦେହାନ୍ତ ହୋଇଯାଇଛି । ମୋହନ ରାଜ ତାଙ୍କର ଲମ୍ବା କ୍ୟାରିୟରରେ ୩୦୦ ଅଧିକରୁ ଚଳଚ୍ଚିତ୍ରରେ ଅଭିନୟ କରିଛନ୍ତି । ନିଜର ଖଳନାୟକ ଭୂମିକା ପାଇଁ ସେ ବେଶ ପରିଚିତ ଥିଲେ ।