ଟେଲିଭିଜନ ଅଭିନେତ୍ରୀ ଶୁଭାଙ୍ଗୀ ଅତ୍ରେ 'ଭାବିଜୀ ଘର୍ ପର୍ ହୈ' ମାଧ୍ୟମରେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି। ଏପ୍ରିଲ ୧୧ ତାରିଖରେ ସେ ନିଜର ୪୫ତମ ଜନ୍ମଦିନ ପାଳନ କରୁଛନ୍ତି। ଏହି ଅବସରରେ ଆସନ୍ତୁ ଜାଣିବା ତାଙ୍କର ବିବାହ, କ୍ୟାରିୟର ଏବଂ ବ୍ୟକ୍ତିଗତ ଜୀବନର କିଛି ଗୁରୁତ୍ୱପୂର୍ଣ୍ଣ ତଥ୍ୟ।

ଶୁଭାଙ୍ଗୀ ଅତ୍ରେଙ୍କ କ୍ୟାରିୟର

ଶୁଭାଙ୍ଗୀ ନିଜ ଅଭିନୟ ଜୀବନର ଆରମ୍ଭ ୨୦୦୭ ମସିହାରେ ଏକତା କପୁରଙ୍କ ଲୋକପ୍ରିୟ ସୋ’ ‘କସୌଟୀ ଜିନ୍ଦେଗୀ କୀ’ ରୁ କରିଥିଲେ। ଏହାପରେ ସେ ‘କସ୍ତୁରୀ’, ‘କୁମକୁମ’, ‘ୟେ ରିଶ୍ତା କ୍ୟା କହଲାତା ହୈ’ ଏବଂ ‘ଚିଡ଼ିଆ ଘର’ ଭଳି ଅନେକ ସିରିଏଲ୍‌ରେ କାମ କରିଛନ୍ତି। ତେବେ ‘ଭାବିଜୀ ଘର୍ ପର୍ ହୈ’ର ଅଙ୍ଗୁରୀ ଭାବି ଚରିତ୍ର ତାଙ୍କୁ ସଫଳତାର ଶୀର୍ଷରେ ପହଞ୍ଚାଇଥିଲା। ପ୍ରାୟ ୧୦ ବର୍ଷ ଧରି ସେ ଏହି ଭୂମିକା ନିଭାଇ କୋଟି କୋଟି ଦର୍ଶକଙ୍କ ହୃଦୟ ଜିତିଛନ୍ତି।

ଶିକ୍ଷାଗତ ଯୋଗ୍ୟତା

ଭାରତରେ ପାକ୍ ସେଲିବ୍ରିଟିହକ୍ ଇନଷ୍ଟା ଆକାଉଣ୍ଟ ଆକ୍ଟିଭ୍ ହେଲାଣି କି? ଜାଣନ୍ତୁ କ’ଣ ଏହି ପୂରା ଘଟଣାକ୍ରମ

ଇନ୍ଦୋରର ବାସିନ୍ଦା ଶୁଭାଙ୍ଗୀ ଅଭିନୟ ଦୁନିଆକୁ ଆସିବା ପୂର୍ବରୁ MBA ଡିଗ୍ରୀ ହାସଲ କରିଥିଲେ। ସେ ସବୁବେଳେ ଜଣେ ଅଭିନେତ୍ରୀ ହେବାକୁ ଚାହୁଁଥିଲେ ମଧ୍ୟ ନିଜ ପାଠପଢ଼ାକୁ କେବେ ଅବହେଳା କରିନଥିଲେ। MBA ସାରିବା ପରେ ସେ ପୁଣେ ଆସି ଏକ ଆକ୍ଟିଂ ସ୍କୁଲରେ ଅଭିନୟ ଶିଖିଥିଲେ।

୧୯ ବର୍ଷରେ ବିବାହ ଓ ପରେ ବିଚ୍ଛେଦ

ମାତ୍ର ୧୯ ବର୍ଷ ବୟସରେ ଶୁଭାଙ୍ଗୀ ୨୦୦୩ ମସିହାରେ ନିଜ ସ୍କୁଲ୍ ସମୟର ପ୍ରେମିକ ପୀୟୂଷଙ୍କୁ ବିବାହ କରିଥିଲେ। ୨୦୦୫ରେ ସେମାନଙ୍କର ଏକ କନ୍ୟା ସନ୍ତାନ ଜନ୍ମ ହୋଇଥିଲା। ଦୀର୍ଘ ୧୯-୨୦ ବର୍ଷ ସାଥୀରେ ରହିବା ପରେ ଉଭୟଙ୍କ ମଧ୍ୟରେ ମତଭେଦ ଦେଖାଦେଇଥିଲା। ପୀୟୂଷଙ୍କ ମଦ୍ୟପାନ ଅଭ୍ୟାସ ଏବଂ ବୈଚାରିକ ପାର୍ଥକ୍ୟ ଯୋଗୁଁ ସେମାନେ ଅଲଗା ହୋଇଯାଇଥିଲେ। ଫେବୃଆରୀ ୨୦୨୫ରେ ସେମାନଙ୍କର ଆଇନଗତ ଭାବେ ଛାଡ଼ପତ୍ର ହୋଇଥିଲା। ଛାଡ଼ପତ୍ରର ମାତ୍ର ୨ ମାସ ପରେ, ଏପ୍ରିଲ ୨୦୨୫ରେ ତାଙ୍କ ପୂର୍ବତନ ସ୍ୱାମୀ ପୀୟୂଷଙ୍କର ଦେହାନ୍ତ ହୋଇଥିଲା।