ନୂଆଦିଲ୍ଲୀ: ବିବାହିତ ଗୀତ ‘ସରକେ ଚୂନରୀ ତେରୀ’ ଗୀତକୁ ବ୍ୟାନ୍ କରିଦିଆଯାଇଛି । ଏ ନେଇ ବୁଧବାର ସଂସଦରେ ସୂଚନା ଦେଇଛନ୍ତି କେନ୍ଦ୍ର ମନ୍ତ୍ରୀ ଅଶ୍ୱନୀ ବୈଷ୍ଣବ । 

ସମାଜବାଦୀ ପାର୍ଟି ସାଂସଦ ଆନନ୍ଦ ଭାଦୌରିଆ ସରକେ ଚୂନରୀ ତେରୀ ଗୀତକୁ ଲୋକସଭାରେ ଉଠାଇଥିଲେ। ସେ ଏହି ବିବାଦୀୟ ଗୀତ ସମ୍ପର୍କରେ ସରକାରଙ୍କଠାରୁ ସ୍ପଷ୍ଟୀକରଣ ମାଗିଥିଲେ । ଆଜି କେନ୍ଦ୍ର ମନ୍ତ୍ରୀ ଏହି ଗୀତ ଉପରେ କଟକଣା ଜାରି କରାଯାଇବାର ସୂଚନା ଦେଇଛନ୍ତି । ମନ୍ତ୍ରୀ ଗୃହକୁ କହିଛନ୍ତି, ବାକ୍ ସ୍ୱାଧୀନତାକୁ ସମ୍ପୂର୍ଣ୍ଣ ଭାବରେ ଅପ୍ରତିବନ୍ଧିତ କରାଯାଇପାରିବ ନାହିଁ । ଆମକୁ ବାକ୍ ସ୍ୱାଧୀନତା ଅଧୀନରେ ପ୍ରତିଷ୍ଠିତ ଯୁକ୍ତିଯୁକ୍ତ କଟକଣାର ସୀମା ମଧ୍ୟରେ କଠୋର ଭାବରେ କାର୍ଯ୍ୟ କରିବାକୁ ପଡିବ। ବାକ୍ ସ୍ୱାଧୀନତାକୁ ସମ୍ପୂର୍ଣ୍ଣ ଭାବରେ ଅବାଧ କରାଯାଇପାରିବ ନାହିଁ; ଏହାକୁ ସମାଜ ଏବଂ ସଂସ୍କୃତିର ପରିପ୍ରେକ୍ଷୀରେ ଦେଖାଯିବା ଉଚିତ।"

ଏହି ଗୀତରେ ଅଭିନେତ୍ରୀ ନୋରା ଫତେହୀ ଏବଂ ସଞ୍ଜୟ ଦତ୍ତ ଅଭିନୟ କରିଛନ୍ତି । ଆଗାମୀ କନ୍ନଡ ଚଳଚ୍ଚିତ୍ର ‘KD: The Devil’ ର ଅଟେ । ଗୀତଟି ରିଲିଜ୍ ହେବା ମାତ୍ରେ ବିବାଦକୁ ଟାଣି ହୋଇ ଆସିଥିଲା । ଅନେକ ଦର୍ଶକ ଏହାର ଗୀତ ଲେଖାକୁ ସବୁଠାରୁ ଅଶ୍ଳୀଳ ଏବଂ ଏହାର ଦୃଶ୍ୟକୁ ଅତ୍ୟନ୍ତ ଯୌନପ୍ରବଣ ବୋଲି ବର୍ଣ୍ଣନା କରି ଆପତ୍ତି ଉଠାଇଥିଲେ।