ମୁମ୍ବାଇ: ବଲିଉଡ୍ ଅଭିନେତା କାର୍ତ୍ତିକ ଆର୍ୟନଙ୍କ ଅଭିନୀତ ‘ଭୂଲ ଭୂଲେୟା-୩’ ଦୀପାବଳୀରେ ପରଦାକୁ ଆସିବାକୁ ଯାଉଛି । ଯାହାକୁ ଦର୍ଶକ ଉତ୍କଣ୍ଠାର ସହିତ ଅପେକ୍ଷା କରିଛନ୍ତି । କାରଣ ଏହାର ପ୍ରଥମ ଝଲକ ଦର୍ଶକଙ୍କୁ ପସନ୍ଦ ଆସିଛି । ତେବେ ଏହି ଫିଲ୍ମ ରିଲିଜ ହେବା ପୂର୍ବରୁ ‘ଭୂଲ ଭୂଲେୟା-୪’ ପାଇଁ ପ୍ରସ୍ତୁତି ଆରମ୍ଭ ହୋଇଯାଇଥିବା ଜଣାପଡ଼ିଛି । 

ରିପୋର୍ଟ ମୁତାବକ, ‘ଭୂଲ ଭୂଲେୟା-୩’ର ପ୍ରଯୋଜନା ସଂସ୍ଥା ଟି-ସିରିଜ୍ ଆଗାମୀ ଫିଲ୍ମ ‘ଭୂଲ ଭୂଲେୟା-୪’ ପାଇଁ କାର୍ତ୍ତିକ ଆର୍ୟନଙ୍କ ସହିତ ଚୁକ୍ତି ସ୍ୱାକ୍ଷର କରିଥିବା ଜଣାପଡ଼ିଛି । ପ୍ରଡକ୍ସନ୍ ହାଉସ ‘ଭୂଲ ଭୂଲେୟା-୩’ର ସୁପର ଡୁପର୍ ହିଟ୍ ହେବ ବୋଲି ଦୃଢ଼ ବିଶ୍ୱାସ ରଖିଛି । ସେଥିପାଇଁ ଆଗାମୀ ଫିଲ୍ମ ପାଇଁ ଯୋଜନା ପ୍ରସ୍ତୁତ କରିଛି । 

କୋଭିଡ୍ ପରେ ‘ଭୂଲ ଭୂଲେୟା-୨’ ମୁକ୍ତିଲାଭ କରିଥିଲା । ଯେଉଁଥିରେ କାର୍ତ୍ତିକ ଆର୍ୟନଙ୍କ ଦମଦାର ଅଭିନୟ ଦେଖିବାକୁ ମିଳିଥିଲା । ଫିଲ୍ମଟି ବକ୍ସ ଅଫିସରେ ଭଲ ବ୍ୟବସାୟ କରିଥିଲା । ଏହା ପରେ ପୁଣି ଥରେ ‘ଭୂଲ ଭୂଲେୟା-୩’ରେ ନିର୍ମାତା କାର୍ତ୍ତିକଙ୍କୁ ମୁଖ୍ୟ ଭୂମିକାରେ ନେଇଛି । ଆଉ ଏଥିରେ ‘ଭୂଲ ଭୂଲେୟା’ର ମଞ୍ଜୁଲିକା ବିଦ୍ୟା ବାଲାନଙ୍କୁ ପୁଣି ଥରେ ଦର୍ଶକ ଦେଖିବାକୁ ପାଇବେ ।