ହାଇଦ୍ରାବାଦ: ଦର୍ଶକଙ୍କ ଅପେକ୍ଷାର ଅନ୍ତ ହୋଇଛି । ଶେଷରେ ରାତି ଅଧରେ ରିଲିଜ୍ ହୋଇଛି ଜୁନିୟର ଏନଟିଆର୍ ଙ୍କ ଚଳଚ୍ଚିତ୍ର ‘ଦେବରା ପାର୍ଟ-୧’ । ଯାହାକୁ ନେଇ ଦର୍ଶକ ଏବଂ ବିଶେଷ କରି ଏନଟିଆରଙ୍କ ଫ୍ୟାନଙ୍କ ମଧ୍ୟର ନାହିଁ ନ ଥିବା ଉତ୍କଣ୍ଠା ଦେଖିବାକୁ ମିଳିଛି । ରାତିରୁ ସିନେମା ହଲରେ ଦର୍ଶକଙ୍କ ଖଚାଖଚ ଭିଡ଼ ଦେଖିବାକୁ ମିଳିଛି । ଆରମ୍ଭରୁ ହିଁ ଦେବରା ହିଟ୍ ହୋଇଛି । ଏହି ଚଳଚ୍ଚିତ୍ର ବକ୍ସ ଅଫିସରେ ଭଲ ବ୍ୟବସାୟ କରିବ ବୋଲି ଅନୁମାନ କରାଯାଉଛି । 

ପାନ୍ ଇଣ୍ଡିଆ ବ୍ୟାନରେ ନିର୍ମିତ ‘ଦେବରା ପାର୍ଟ-୧’ ରେ ମୁଖ୍ୟ ଭୂମିକାରେ ରହିଛନ୍ତି ଜୁନିୟର ଏଟିଆର୍ । ସେ ଦୁଇଟି ଭୂମିକାରେ ରହିଛି । ଏଥିରେ କୋରାଟାଲା ଶିବା ନିର୍ଦ୍ଦେଶନା ଦେଇଛନ୍ତି । ଏଥିରେ ବଲିଉଡର ଦୁଇ ନାମୀ ଦାମୀ କଳାକାର ଜାହ୍ନବୀ କାପୁର ଏବଂ ସୈଫ୍ ଅଲ୍ଲୀ ଖାନ୍ ଙ୍କୁ ମଧ୍ୟ ଦର୍ଶକମାନେ ଦେଖିବାକୁ ପାଇବେ । ଜାହ୍ନବୀ ଫିମେଲରେ ଲିଡ୍ ରୋଲରେ ଥିବା ବେଳେ ସୈଫ୍ ଅଲ୍ଲୀ ଖାନ୍ ନେଗେଟିଭ୍ କ୍ୟାରେକ୍ଟରରେ ନଜର ଆସିଛନ୍ତି । 

‘ଦେବରା ପାର୍ଟ-୧’ ଫିଲ୍ମ ତେଲୁଗୁ, ତାମିଲ, ହିନ୍ଦୀ, ମାଲାୟାଲମ ଏବଂ କନ୍ନଡ଼ ଭାଷାରେ ଦେଶର ବିଭିନ୍ନ ସିନେମା ହଲରେ ମୁକ୍ତିଲାଭ କରିଛି । ଆନ୍ଧ୍ର ପ୍ରଦେଶ ଏବଂ ତେଲେଙ୍ଗାନାରେ ୧୦ ଲକ୍ଷରୁ ଉର୍ଦ୍ଧ୍ୱ ବୁକିଂ ହୋଇଥିବାବେଳେ ହିନ୍ଦୀ ଭାଷାରେ ୪୦ ହଜାର ବୁକିଂ ହୋଇଛି । ଫଳରେ ପ୍ରଥମ ଦିନରେ ଏହି ଫିଲ୍ମ ୧୦୦ କୋଟି ପାର କରିବ ବୋଲି ଅନୁମାନ କରାଯାଉଛି ।