ମୁମ୍ବାଇ: ବକ୍ସ ଅଫିସରେ ଧମାଲ କରିବାକୁ ‘ଭୂଲ୍ ଭୁଲୈୟା-୩’ ର ଟିଜର୍ ରିଲିଜ୍ ହୋଇଯାଇଛି । ଯାହାକୁ ଦର୍ଶକମାନେ ଉତ୍କଣ୍ଠାର ସହିତ ଅପେକ୍ଷା କରି ବସିଛନ୍ତି । ତେବେ ଟିଜର୍ ରେ ଦେଖିବାକୁ ମିଳିଛି କି ମଞ୍ଜୁଲିକା ନିଜ ସିଂହାସନ ପାଇଁ ପୁଣି ଥରେ ଫେରିଛି । 

ଏଥିରେ ପ୍ରଥମ ଭାଗରେ ମଞ୍ଜୁଲିକା ଭୂମିକାରେ ଅଭିନୟ କରିଥିବା ବିଦ୍ୟା ବାଲାନଙ୍କୁ ତୃତୀୟ ଭାଗରେ ପୁଣି ଥରେ ଦେଖିବାକୁ ମିଳିଛି । ଏହା ସହିତ ରୁହ ବାବା ଭୂମିକାରେ ନଜର ଆସିଛନ୍ତି କାର୍ତ୍ତିକ ଆର‌୍ୟନ । ପ୍ରଥମ ଥର ପାଇଁ ଏହି ଫିଲ୍ମରେ ତୃପ୍ତି ଡିମ୍ରିଙ୍କୁ ଦେଖିବାକୁ ମିଳିବ । ଟିଜର୍ ଟି ବେଶ୍ ମନଛୁଆଁ ହୋଇଥିବାବେଳେ ଫିଲ୍ମ ବି ସେତିକି ଆକର୍ଷଣୀୟ ହେବ ବୋଲି ଦର୍ଶକ ଆଶା ରଖିଛନ୍ତି । ଏହି ଫିଲ୍ମରେ ରାଜପାଲ ଯାଦବ, ସଂଜୟ ମିଶ୍ର ଏବଂ ଅଶ୍ୱିନୀ କଲସେକରଙ୍କୁ ମଧ୍ୟ ଦେଖିବାକୁ ପାଇବେ ଦର୍ଶକ । 

ଆସନ୍ତା ଦୀପାବଳୀରେ ‘ଭୂଲ୍ ଭୁଲୈୟା-୩’ ରିଲିଜ୍ ହେବାକୁ ଯାଉଛି । ତେବେ ଗୋଟିଏ ଦିନରେ ‘ଭୂଲ୍ ଭୁଲୈୟା-୩’ ଓ ଅଜୟ ଦେବଗନଙ୍କ ‘ସିଂଘମ୍-୩’ ରିଲିଜ ହେବାର ରହିଛି । ନଭେମ୍ବର ପହିଲାରେ ‘ଭୂଲ୍ ଭୁଲୈୟା-୩’ ଏବଂ ‘ସିଂଘମ୍-୩’ ପରଦାକୁ ଆସିବ । 

ପୂର୍ବରୁ ‘ଭୂଲ୍ ଭୁଲୈୟା-୩’ର ୨ ଟି ପାର୍ଟ୍ ଦର୍ଶକମାନଙ୍କୁ ବେଶ ପସନ୍ଦ ଆସିଥିଲା । ପ୍ରଥମରେ ଅକ୍ଷୟ କୁମାର ଏବଂ ବିଦ୍ୟା ବାଲାନ ଅଭିନୟ କରିଥିଲେ । ବିଦ୍ୟା ବାଲାନଙ୍କ ଦମଦାର ଅଭିନୟ ଦର୍ଶକଙ୍କ ପ୍ରସଂଶା ସାଉଁଟି ଥିଲା । ସେହିପରି ଦ୍ୱିତୀୟ ଭାଗରେ କାର୍ତ୍ତିକ ଆର‌୍ୟନ୍, ତବୁ ଏବଂ କିଆରା ଆଡଭାନୀ ଅଭିନୟ କରିଥିଲେ । ଏଥିରେ ତବୁଙ୍କୁ ମଞ୍ଜୁଲିକା ଚରିତ୍ରରେ ଦେଖିବାକୁ ମିଳିଥିଲା ।