ମୁମ୍ବାଇ: ଚଳିତ ବର୍ଷ ଇଦ୍ ଅବସରରେ ସଲମାନ ଖାନଙ୍କ ସିକନ୍ଦର ମୁଭି ମୁକ୍ତିଲାଭ କରିଥିଲା । ଏହି ଫିଲ୍ମରୁ ଦର୍ଶକ ମାନେ ଅନେକ ଆଶା ବାନ୍ଧି ଥିଲେ । କିନ୍ତୁ ବକ୍ସ ଅଫିସରେ ‘ସିକନ୍ଦର’ର ଭଲ ପ୍ରଦର୍ଶନ ହୋଇନଥିଲା । ସଲମାନ ଖାନଙ୍କ ନିକଟରେ ଅନେକ ମୁଭି ଫ୍ଲପ ହୋଇଛି । ତାଙ୍କ ମୁଭି ବକ୍ସ ଅଫିସରେ କୌଣସି ଚତ୍ମକାର କରିପାରୁନି । ଅନେକ ଫ୍ଲପ୍ ମୁଭି ପରେ ସଲମାନ ଖୋଜୁଥିଲେ ଗୋଟିଏ ଜବରଦସ୍ତ ସ୍କ୍ରିପ୍ଟ ଖୋଜୁଥିଲେ । ସେ ୨୦୨୦ ମସିହାରେ ହୋଇଥିବା ଗଲୱାନ ଘାଟି ସଂଘର୍ଷ ଉପରେ ଆଧାରିତ ଏକ ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ ।

ଅପୂର୍ବ ଲାଖିଆଙ୍କ ନିର୍ଦ୍ଦେଶିତ "ଇଣ୍ଡିଆଜ୍ ମୋଷ୍ଟ ଫିୟରଲେସ୍-୩" (୨୦୨୨) ପୁସ୍ତକର ପ୍ରଥମ ଅଧ୍ୟାୟ ଯାହା କର୍ଣ୍ଣେଲ ବିକୁମଲ୍ଲା ସନ୍ତୋଷ ବାବୁଙ୍କ ଜୀବନୀ ଉପରେ ଆଧାରିତ । ୨୦୨୦ ଗଲୱାନ ସଂଘର୍ଷ ସମୟରେ ୧୬ ବିହାର ରେଜିମେଣ୍ଟର ନେତୃତ୍ୱ ନେଇଥିବା କର୍ଣ୍ଣେଲ ବାବୁ ୧୪ ଜୁନ୍ ୨୦୨୦ରେ ଲଦାଖର ଗଲୱାନ ଉପତ୍ୟକା ଅଞ୍ଚଳରେ ଚୀନ୍ ସୈନ୍ୟଙ୍କ ସହ ମୁକାବିଲା କରୁଥିବା ସମୟରେ ସହିଦ ହୋଇଥିଲେ। ସେ ଚୀନ୍ ପିପୁଲ୍ସ ଲିବରେସନ ଆର୍ମି (ପିଏଲଏ) ବିରୁଦ୍ଧରେ କାର୍ଯ୍ୟାନୁଷ୍ଠାନରେ ସହିଦ ହୋଇଥିବା ଭାରତୀୟ ସୈନିକଙ୍କ ମଧ୍ୟରୁ ଜଣେ ଥିଲେ। ୨୦୨୧ ମସିହାରେ, ତାଙ୍କୁ ମରଣୋତ୍ତର ଭାବରେ ଭାରତର ଦ୍ୱିତୀୟ ସର୍ବୋଚ୍ଚ ଯୁଦ୍ଧକାଳୀନ ସାହସିକତା ପୁରସ୍କାର, ମହାବୀର ଚକ୍ର ପ୍ରଦାନ କରାଯାଇଥିଲା।

ରିପୋର୍ଟ ଅନୁଯାୟୀ, ଜୁନ୍ ୧୪, ୨୦୨୦ରେ, ଚୀନ୍ ସୈନିକମାନେ ଭାରତ ଏବଂ ଚୀନ୍ ମଧ୍ୟରେ ହୋଇଥିବା ପାରସ୍ପରିକ ଚୁକ୍ତିନାମା ଉଲ୍ଲଂଘନ କରି LAC (ପ୍ରକୃତ ନିୟନ୍ତ୍ରଣ ରେଖା) ଅକ୍ତିଆର କରିଥିଲେ। କର୍ଣ୍ଣେଲ ବିକୁମଲ୍ଲ ସନ୍ତୋଷ ବାବୁ ଚୀନ୍ ସୈନ୍ୟଙ୍କ ସହ ଆଲୋଚନା ଆରମ୍ଭ କରିବାକୁ ଚେଷ୍ଟା କରିଥିଲେ କିନ୍ତୁ ପରିସ୍ଥିତି ହିଂସାତ୍ମକ ସଂଘର୍ଷରେ ପରିଣତ ହୋଇଥିଲା, ଯାହା ଫଳରେ ଉଭୟ ପକ୍ଷରୁ ଅନେକ ମୃତ ଏବଂ ଆହତ ହୋଇଥିଲେ। ମୁଣ୍ଡରେ ଗଭୀର ଆଘାତ ଲାଗିବା ସତ୍ତ୍ୱେ, କର୍ଣ୍ଣେଲ ବାବୁ ତାଙ୍କ ଶେଷ ନିଶ୍ୱାସ ପର୍ଯ୍ୟନ୍ତ ସାମ୍ନାରୁ ନେତୃତ୍ୱ ନେଇଥିଲେ ଏବଂ ତାଙ୍କ ସୈନ୍ୟମାନଙ୍କୁ ପ୍ରେରଣା ଦେଇଥିଲେ । ୧୮ ଜୁନ୍ ୨୦୨୦ରେ ପୂର୍ଣ୍ଣ ସାମରିକ ସମ୍ମାନ ସହିତ ତାଙ୍କ ପାର୍ଥିବ ଶରୀରର ସଂସ୍କାର କରାଯାଇଥିଲା।