ନିକଟରେ ଫିଲ୍ମ ନିର୍ମାତା ଫିରୋଜ ନଡ଼ିୟାଡୱାଲା ତାଙ୍କର ଅପକମିଙ୍ଗ ଫିଲ୍ମର ଘୋଷଣା କରିଛନ୍ତି । ଯେଉଁଥିରେ କି ପ୍ରଥମ ଥର ପାଇଁ ଟାଇଗରଙ୍କ ସହ ସଞ୍ଜୟଙ୍କୁ ଦେଖା ଯିବ । ତାଙ୍କର ଆଗାମୀ ଫିଲ୍ମର ଟାଇଟେଲ 'ମାଷ୍ଟ୍ରର ବ୍ଲାଷ୍ଟର' ରଖାଯାଇଛି । ଏହି ଫିଲ୍ମଟି ଆକ୍ସନ- କମେଡି ପ୍ରସଙ୍ଗରେ ତିଆରି କରାଯିବ । ଏଥିପାଇଁ ଫିଲ୍ମର ଷ୍ଟାରକାଷ୍ଟ ମଧ୍ୟ ଫାଇନାଲ ହୋଇସାରିଛି । ଯେଉଥିରେ ଦର୍ଶକମାନେ ରୂପେଲି ପରଦାରେ ଟାଇଗର-ସଞ୍ଜୟଙ୍କ ଯୋଡ଼ି କୁ ଦେଖିବାକୁ ପାଇବେ ।

ବଡ଼ ପରଦାରେ ଦର୍ଶକମାନେ ଏହି କଳାକାରଙ୍କର ଜବରଦସ୍ତ ଅଭିନୟକୁ ଦେଖି ପାରିବେ । ପରବର୍ତ୍ତୀ ସମୟରେ ଅଭିନେତ୍ରୀ ଓ ନିର୍ଦ୍ଦେଶକଙ୍କ ନାମ ଘୋଷଣା କରାଯିବ । ଏହି ଫିଲ୍ମର ଶୁଟିଂ ଚୀନ, ହଂକଂ ଓ ଲସ୍ ଆଞ୍ଜେଲସ୍ ପରି ସ୍ଥାନଗୁଡିକରେ କରାଯିବା ସହ ଏହା ହିନ୍ଦୀ ସିନେମା ଇତିହାସରେ ପ୍ରଥମ ଥର ପାଇଁ ହେବାକୁ ଯାଉଛି  ।

ନିର୍ମାତା ଫିରୋଜ ନଡ଼ିୟାଡୱାଲାଙ୍କ ଫିଲ୍ମ 'ୱେଲକମ୍ ଟୁ ଦ ଜଙ୍ଗଲ' ରେ ମଧ୍ୟ ସଞ୍ଜୟ ଦତ୍ତଙ୍କୁ ମୁଖ୍ୟ ଭୂମିକାରେ ଦେଖାଯିବେ । ଏହି ଫିଲ୍ମଟି କୁ ଡ଼ିସେମ୍ବର 20,2024 ରେ ରିଲିଜ କରାଯିବ । ଏହାସହ ଟାଇଗରଙ୍କୁ ତାଙ୍କ ଅପକମିଙ୍ଗ ଫିଲ୍ମ 'ଗଣପତ' ରେ ଦେଖାଯିବ । ଏହି ଫିଲ୍ମଟି କୁ ଆସନ୍ତା ମାସ ଅକ୍ଟୋବର 20 ରେ ପ୍ରେକ୍ଷାଳୟ ଗୁଡ଼ିକରେ ରିଲିଜ କରାଯିବ । 

ଅଧିକ ପଢ଼ନ୍ତୁ: ସାମ୍ନାକୁ ଆସିଲା ରଶ୍ମିକା ମନ୍ଦାନାଙ୍କ ଫାଷ୍ଟ ଲୁକ୍‌