ମୁୁମ୍ବାଇ: ବକ୍ସ ଅଫିସରେ ଗୋଟିଏ ପରେ ଗୋଟିଏ ରେକର୍ଡ ଧ୍ୱସ୍ତ କରି ଚାଲିଛି ଶ୍ରଦ୍ଧା କପୁର ଓ ରାଜକୁମାର ରାଓଙ୍କ ହରର କମେଡି ଫିଲ୍ମ ‘ସ୍ତ୍ରୀ ୨’ ।ଏବେ ଏହି ଫିଲ୍ମ ଆଉ ଏକ ବର୍ଡ ରେକର୍ଡ ଭାଙ୍ଗିଛି । ‘ସ୍ତ୍ରୀ ୨’ ମଙ୍ଗଳବାର କଲେକ୍ସନ ସହ ଆଉ ଏକ ବଡ ରେକର୍ଡ ନିଜ ନାମରେ କରିଛି । ଶାହରୁଖ ଖାନଙ୍କ ଫିଲ୍ମ ଯବାନର ରେକର୍ଡ ଧ୍ୱସ୍ତ କରି ହିନ୍ଦୀ ସିନେମାରେ ଇତିହାସ ରଚିଛି ‘ସ୍ତ୍ରୀ ୨’ ।

ଫିଲ୍ମ ସମୀକ୍ଷକ ତରଣ ଆଦର୍ଶଙ୍କ ତଥ୍ୟ ଅନୁଯାୟୀ, ସୋମବାର ସୁଦ୍ଧା ‘ସ୍ତ୍ରୀ ୨’ର ମୋଟ୍ ଆୟ ୫୮୩.୩୫ କୋଟି ରହିଥିଲା । ଏବେ ସାକନିଲକର ରିପୋର୍ଟ ମୁତାବକ ‘ସ୍ତ୍ରୀ ୨’ ିଜର ୩୪ତମ(ମଙ୍ଗଳବାର) ଦିନ ରାତି ୯ଟା ୫୦ ମିନିଟ୍ ସୁଦ୍ଧା ୨ କୋଟି ଆୟ କରିଥିଲା । ଏହାକୁ ମିଶାଇ ‘ସ୍ତ୍ରୀ ୨’ର ମୋଟ୍ ବକ୍ସଅଫିସ କଲେକ୍ସନ ୫୮୫.୩୫ କୋଟିରେ ପହଞ୍ଚିଛି । 

ଉଲ୍ଲେଖନୀୟ ଶାହରୁଖ ଖାନଙ୍କ ଫିଲ୍ମ ଯବାନ ଏ ପର୍ଯ୍ୟନ୍ତ ହିନ୍ଦୀ ଭର୍ସନରେ ଘରୋଇ ବକ୍ସ ଅଫିସରେ ସବୁଠୁ ଅଧିକ ଆୟ କରିଥିବା ଫିଲ୍ମ ତାଲିକାରେ ଶୀର୍ଷରେ ଥିଲା । ଏବେ ‘ସ୍ତ୍ରୀ ୨’ ଯବାନର ଏହି ରେକର୍ଡ ଧ୍ୱସ୍ତ କରି ଏକ ନମ୍ବରକୁ  ଉଠିଛି । ଯବାନର ହିନ୍ଦୀ ଭର୍ସନରେ ଆୟ ୫୮୪ କୋଟି ଟଙ୍କା ରହିଥିବା ବେଳେ ‘ସ୍ତ୍ରୀ ୨’ ଏହାକୁ ଟପି ସାରିଛି । 

‘ସ୍ତ୍ରୀ ୨’ର ନଜର ଏବେ ୬୦୦ କୋଟି କ୍ଲବରେ ସାମିଲ ହେବା ଉପରେ ରହିଛି । ବର୍ତ୍ତମାନ ‘ସ୍ତ୍ରୀ ୨’ ଶାହରୁଖ ଖାନଙ୍କ ଯବାନ ପରେ ଇଣ୍ଡିଆନ ବକ୍ସ ଅଫିସରେ ସବୁଠୁ ଅଧିକ ଆୟ କରିବାରେ ଦ୍ୱିତୀୟ ବଲିଉଡ ଫିଲ୍ମ ହୋଇଛି । ଗତ ଦିନରେ ସ୍ତ୍ରୀ ୨ ରଣବୀର କପୁରଙ୍କ ଏନିମଲ ଏବଂ ସନି ଦେଓଲଙ୍କ ଗଦର ୨ର ରେକର୍ଡ ଭାଙ୍ଗିଥିଲା ।

ଶାହରୁଖ ଖାନଙ୍କ ଯବାନ ସମଗ୍ର ଦୁନିଆରେ ୧୧୪୮ କୋଟି ଟଙ୍କାର ଆୟ କରିଥିଲା । ଫିଲ୍ମ ଭାରତୀୟ ବକ୍ସ ଅଫିସରେ ସବୁ ଭାଷାରେ ୬୪୦ କୋଟି ଟଙ୍କା ବକ୍ସଅଫିସ କଲେକ୍ସନ କରିଥିଲା । ଏଥିରୁ କେବଳ ହିନ୍ଦୀ ଭର୍ସନରେ ୫୮୪ କୋଟି ରହିଛି ।