ମୁମ୍ବାଇ: ବଲିଉଡ୍ ଅଭିନେତ୍ରୀ ଶିଳ୍ପା ସେଟ୍ଟୀ ଏବଂ ସ୍ୱାମୀ ରାଜ କୁନ୍ଦ୍ରା ବର୍ତ୍ତମାନ ଏକ ବିବାଦରେ ଫସିଛନ୍ତି । ବଲିଉଡ୍ ଅଭିନେତ୍ରୀ ଏବଂ ତାଙ୍କ ବ୍ୟବସାୟୀ ସ୍ୱାମୀ ରାଜ କୁନ୍ଦ୍ରାଙ୍କ ବିରୋଧରେ ଠକେଇ ଅଭିଯୋଗ ଆସିବାର ସପ୍ତାହ ପରେ, ଶିଳ୍ପା ଏବେ ତାଙ୍କର ମୁମ୍ବାଇର ବାନ୍ଦ୍ରାରେ ଥିବା ତାଙ୍କ ରେଷ୍ଟୁରାଣ୍ଟ ବାଷ୍ଟିଆନ୍ ବନ୍ଦ କରୁଛନ୍ତି। ଯଦିଓ ସେ ରେଷ୍ଟୁରାଣ୍ଟ ବନ୍ଦ କରିବାର କାରଣ ଉଲ୍ଲେଖ କରି ନାହାଁନ୍ତି । ସେ ତାଙ୍କ ଇନଷ୍ଟାଗ୍ରାମରର ଷ୍ଟୋରି ଜରିଆରେ ଏକ ଭାବ ପ୍ରବଣ ପୋଷ୍ଟ ସେୟାର କରିଛନ୍ତି।

ରେଷ୍ଟୁରାଣ୍ଟ ବନ୍ଦକୁ ନେଇ ଭାବପ୍ରବଣ ହୋଇଗଲେ ଶିଳ୍ପା ଶେଟ୍ଟୀ

ମଙ୍ଗଳବାର ଦିନ, ଶିଳ୍ପା ଶେଟ୍ଟୀ ତାଙ୍କ ଇନଷ୍ଟାଗ୍ରାମ ଷ୍ଟୋରିରେ ଏକ ଲମ୍ବା ନୋଟ୍ ସେୟାର କରି ତାଙ୍କ ପ୍ରଶଂସକ ଏବଂ ଅନୁଗାମୀମାନଙ୍କ ସହିତ ଏହି ଖବର ସେୟାର କରିଛନ୍ତି। ସେ ଲେଖିଛନ୍ତି, "ଏହି ଗୁରୁବାର ଏହାର ଅନ୍ତ ହେବ, ମୁମ୍ବାଇର ସବୁଠାରୁ ପ୍ରତୀକାତ୍ମକ ଗନ୍ତବ୍ୟସ୍ଥଳ, ବାଷ୍ଟିଆନ୍ ବାନ୍ଦ୍ରାକୁ ବିଦାୟ ଦେଉଛି। ଏହି ସ୍ଥାନ ଆମକୁ ଅଗଣିତ ସ୍ମୃତି, ଅବିସ୍ମରଣୀୟ ରାତି ଏବଂ ମୁହୂର୍ତ୍ତ ଦେଇଥିଲା, ହେଲେ ଏବେ ସେ ବିଦାୟ ନେଉଛି"।

ଆମେ ଆପଣଙ୍କୁ କହି ରଖୁଛୁ ଯେ ବାଷ୍ଟିଅନ୍ ବାନ୍ଦ୍ରା ହେଉଛି ଅଭିନେତ୍ରୀ ଶିଳ୍ପା ଶେଟ୍ଟୀ ଏବଂ ରେଷ୍ଟୁରାଣ୍ଟ ମାଲିକ ରଞ୍ଜିତ ବିନ୍ଦ୍ରାଙ୍କ ଏକ ସହଭାଗୀତା ପ୍ରକଳ୍ପ। ଏହି ରେଷ୍ଟୁରାଣ୍ଟ ୨୦୧୬ରେ ଆରମ୍ଭ ହୋଇଥିଲା ଏବଂ ଏହା see food ଖାଦ୍ୟ ପାଇଁ ପ୍ରସିଦ୍ଧ।

ଅଧିକ ପଢନ୍ତୁ: ବାଗି-୪ ଟିଜର୍ ରିଲିଜ୍: ଦର୍ଶକ କହିଲେ ‘ଆନିମଲ୍’ର କପି

ଠକେଇ ଅଭିଯୋଗରେ ଶିଳ୍ପା ଶେଟ୍ଟୀ, ରାଜ କୁନ୍ଦ୍ରା

ସୂଚନାଯୋଗ୍ୟ ଯେ ଶିଳ୍ପା ଶେଟ୍ଟୀ ଏବଂ ତାଙ୍କ ସ୍ୱାମୀ ରାଜ କୁନ୍ଦ୍ରାଙ୍କ ବିରୁଦ୍ଧରେ ଆର୍ଥିକ ଅପରାଧ ଶାଖା (EOW) ଦ୍ୱାରା ମୁମ୍ବାଇର ଜଣେ ବ୍ୟବସାୟୀଙ୍କଠାରୁ ଋଣ ଏବଂ ନିବେଶ ଚୁକ୍ତି ବାହାନାରେ ୬୦.୪ କୋଟି ଟଙ୍କାର ଠକେଇ ଅଭିଯୋଗରେ ମାମଲା ରୁଜୁ କରାଯାଇଛି। ଏହି ମାମଲାରେ ଆଉ ଜଣେ ଅଜ୍ଞାତ ଅଭିଯୁକ୍ତ ଅଛନ୍ତି।

ଅଭିଯୋଗକାରୀ ଦୀପକ କୋଠାରୀ ଅଭିଯୋଗ କରିଛନ୍ତି ଯେ ଦମ୍ପତି ତାଙ୍କୁ ୬୦ କୋଟିରୁ ଅଧିକ ଟଙ୍କା ଠକିଛନ୍ତି, ଯେଉଁଥିରେ ଶେଟ୍ଟି ଏବଂ କୁନ୍ଦ୍ରାଙ୍କ ବର୍ତ୍ତମାନ ବନ୍ଦ ହୋଇଯାଇଥିବା କମ୍ପାନୀ, ବେଷ୍ଟ ଡିଲ୍ ଟିଭି ପ୍ରାଇଭେଟ୍ ଲିମିଟେଡ୍ ସାମିଲ ଅଛି। କୋଠାରୀଙ୍କ ଅନୁଯାୟୀ, ସେ ୨୦୧୫ରୁ ୨୦୨୩ ମଧ୍ୟରେ ବ୍ୟବସାୟ ବୃଦ୍ଧି କରିବା ବାହାନାରେ ଏହି ରାଶି ନିବେଶ କରିଥିଲେ କିନ୍ତୁ ଏହି ରାଶିକୁ ବ୍ୟକ୍ତିଗତ ଖର୍ଚ୍ଚ ପାଇଁ ଅପବ୍ୟବହାର କରାଯାଇଥିବା ସେ ଅଭିଯୋଗ କରିଛନ୍ତି। EOW ବର୍ତ୍ତମାନ ମାମଲାର ତଦନ୍ତ କରୁଛି। ଶିଳ୍ପା ଶେଟ୍ଟି ଏବଂ ରାଜ କୁନ୍ଦ୍ରା ଅଭିଯୋଗଗୁଡ଼ିକୁ ଭିତ୍ତିହୀନ ବୋଲି କହିଛନ୍ତି।

 

 

 

 

View this post on Instagram

 

 

 

 

 

 

 

 

 

 

 

A post shared by Shilpa Shetty Kundra (@theshilpashetty)