ଫିଲ୍ମ 'ଜୱାନ'ର ଜବରଦସ୍ତ ସଫଳତା ପରେ ଚର୍ଚ୍ଚାରେ ରହିଛନ୍ତି ବଲିଉଡ୍ ବାଦଶାହ ଶାହରୁଖ ଖାନ । ଇଣ୍ଟେରଷ୍ଟିଙ୍ଗ କାହାଣୀ ସହ ଶାହରୁଖ ଖାନଙ୍କ ଦମଦାର ଆକ୍ଟିଙ୍ଗ ଫିଲ୍ମଟି କୁ ଚାରଚାନ୍ଦ ଲଗେଇ ଦେଇଛି । ଏଥି ମଧ୍ୟରେ ଶାହରୁଖ ଖାନଙ୍କ ଜଣେ ଫ୍ୟାନ ତାଙ୍କ ଘର ମନ୍ନତକୁ ଦେଖିବା ପାଇଁ ଯାଇଥିଲେ ।

ଏହାପରେ ମନ୍ନତ ସହ ଏକ ଫଟୋ ଉଠାଇ ଏକ୍ସରେ ଏକ ପୋଷ୍ଟ କରିଥିଲେ । ଫ୍ୟାନ୍ସ ଜଣକ ପୋଷ୍ଟରେ ଶାହରୁଖଙ୍କୁ ହ୍ୟାସଟ୍ୟାଗ ସହ ଲେଖିଥିଲେ, ଶାହାରୁଖ, ମୁଁ ବର୍ତ୍ତମାନ ଆପଣଙ୍କ ମନ୍ନତ ପାଖରେ ହିଁ ଅଛି ।ସେଠାରେ ଆପଣଙ୍କ ଠାରୁ ବର୍ତ୍ତମାନ ମୁଁ ଗୋଟେ ହ୍ୟାଲୋ ଆଶା କରି ପାରିବି କି ? କିମ୍ବା ଟ୍ବିଟରରେ ଗୋଟେ ରିପ୍ଲାଏ ପାଇ ପାରିବି କି ?

ଏହାର ପ୍ରତିଉତ୍ତର ରେ ଶାହରୁଖ ଏହାକୁ ନେଇ ମଜାଦାର ରିପ୍ଲାଇ ଦେଇଛନ୍ତି । ଶାହରୁଖ ରିପ୍ଲାଏ ଦେଇ ଲେଖିଥିଲେ, "ମୁଁ ବର୍ତ୍ତମାନ ମୋ କାମରେ ଅଛି, ମନ୍ନତରେ ନାହିଁ. ଚେକ କରନ୍ତୁ ତ ସେଠାରୁ ସବୁ ଠିକଠାକ ଅଛି କି ନାହିଁ" । ଶାହରୁଖଙ୍କର ଏହି ରିପ୍ଲାଏଟି ସୋସିଆଲ ମିଡ଼ିଆରେ ବେଶ ଭାଇରାଲ ହେବାରେ ଲାଗିଛି । ଏମିତି ବହୁତ ସମୟ ଦେଖାଯାଏ, ଯେତେବେଳେ ଶାହରୁଖ ନିଜ ଫ୍ୟାନ୍ସଙ୍କୁ ସ୍ପେସିଆଲ ଫିଲ କରେଇବା ପାଇଁ ବହୁତ କିଛି କରିଥାନ୍ତି | କେବଳ ଫ୍ୟାନ୍ସମାନେ ଶାହରୁଖଙ୍କୁ ନୁହଁ ଶାହରୁଖ  ମଧ୍ୟ ତାଙ୍କ ଫ୍ୟାନ୍ସ ମାନଙ୍କୁ ବହୁତ ଭଲ ପାଉଛନ୍ତି । 

ଫିଲ୍ମ 'ଜୱାନ'ର ଜବରଦସ୍ତ ସଫଳତା ପରେ ଶାହରୁଖ ଖାନ ତାଙ୍କ ଅପକମିଙ୍ଗ ଫିଲ୍ମ 'ଡଙ୍କି'ର ଶୁଟିଂ ରେ ବ୍ୟସ୍ତ ଅଛନ୍ତି । ଏହି ଫିଲ୍ମ ଟିକୁ ରାଜକୁମାର ହିରାନୀ ନିର୍ଦ୍ଦେଶନା ଦେଇଛନ୍ତି । ଏଥିରେ ଶାହରୁଖ ଖାନଙ୍କ ଅପୋଜିଟ ରେ ତାପସି ପାନୁଙ୍କୁ ଦେଖା ଯିବ । ଏହି ଫିଲ୍ମଟି 22 ଡ଼ିସେମ୍ବର ରେ ପ୍ରେକ୍ଷାଳୟ ଗୁଡ଼ିକରେ ରିଲିଜ କରାଯିବ ।     

ଅଧିକ ପଢ଼ନ୍ତୁ : 2 ଘଣ୍ଟା ମଧ୍ୟରେ1 ମିଲିଅନ Views