ମୁୁମ୍ବାଇ: ଅଲ୍ଲୁ ଅର୍ଜୁନ ଅଭିନୀତ ପୁଷ୍ପା ୨ର କ୍ରେଜ ଥମିବାର ନାଁ ନେଉନି । ଫିଲ୍ମ ଦିନକୁ ଦିନ ରେକର୍ଡ ଭାଙ୍ଗିବା ସହ ଇତିହାସ ରଚିଛି । ୩୨ତମ ଦିନରେ ପୁଷ୍ପା ୨ ଭାରତୀୟ ବକ୍ସ ଅଫିସରେ ୧୨୦୦ କୋଟିର ମାଇଲଖୁଣ୍ଟ ଅତିକ୍ରମ କରିଛି । ଏହା ଭାରତର ସବୁଠୁ ସର୍ବାଧିକ ଆୟକାରୀ ଫିଲ୍ମ ହୋଇ ସାରିଛି ।
ଅଲ୍ଲୁଙ୍କ ଏହି ଫିଲ୍ମର ୱାର୍ଲ୍ୱାଇଡ କଲେକ୍ସନରେ ଭାରତ ଦ୍ୱିତୀୟ ସର୍ବାଧିକ ଆୟକାରୀ ଫିଲ୍ମ ହୋଇଛି । ନିକଟରେ ବାହୁବଳୀ ୨ର ରେକର୍ଡ ଭାଙ୍ଗିଥିବା ବେଳେ ଆଗରେ କେବଳ ଦଙ୍ଗଲ ରହିଛି । ଏହି ସବୁ ମଧ୍ୟରେ ପୁଷ୍ପା ୨ ଭାରତୀୟ ବକ୍ସ ଅଫିସରେ ଆଉ ଏକ ରେକର୍ଡ କରିଛି । ଫିଲ୍ମ ଗତ ୩୦ ବର୍ଷରେ ସବୁଠୁ ଅଧିକ ଦେଖା ଯାଇଥିବା ତୃତୀୟ ଭାରତୀୟ ଫିଲ୍ମ ହେବାର ରେକର୍ଡ କରିଛି ।
ପୁଷ୍ପାର ସଫଳତା ପରେ ପୁଷ୍ପା ୨କୁ ଏହାର ଆଶାତୀତ ଫାଇଦା ମିଳିଛି । ୧୯୯୪ରେ ରିଲିଜ୍ ସଲମାନ ଖାନଙ୍କ ଫିଲ୍ମ ହମ ଆପକେ ହେ କୌନକୁ ୭.୪ କୋଟି କୋଟି ଲୋକ ଦେଖିଥିଲେ । ଏହାକୁ ବାହୁବଳୀ ୨ ଅତିକ୍ରମ କରିଥିଲା । ପ୍ରଭାସଙ୍କ ଏହି ଫିଲ୍ମକୁ ୧୦.୭ କୋଟି ଲୋକ ଦେଖିଥିଲେ । ଏବେ ପୁଷ୍ପା ୨କୁ ୬ କୋଟିରୁ ଅଧିକ ଦର୍ଶକ ଦେଖି ସାରିଛନ୍ତି । ଏହି ହିସାବରେ ଫିଲ୍ମ ତାଲିକାରେ ତୃତୀୟ ସ୍ଥାନରେ ରହିଛି ।