ମୁମ୍ବାଇ: ସାଜିଦ ନାଡିଆଡୱାଲା ଏବଂ ତରୁଣ ମନସୁଖାନିଙ୍କ ଫିଲ୍ମ 'ହାଉସଫୁଲ ୫' ବକ୍ସ ଅଫିସରେ ଭଲ ପ୍ରଦର୍ଶନ କରୁଛି। ଏହି ଫିଲ୍ମ ମାତ୍ର ୪ ଦିନ ମଧ୍ୟରେ ୧୦୦ କୋଟି ରୋଜଗାର କରିଛି । ଲୋକମାନେ ଅକ୍ଷୟ କୁମାର, ନର୍ଗିସ ଫଖରୀ, ଅଭିଷେକ ବଚ୍ଚନ, ଜ୍ୟାକଲିନ ଫର୍ଣ୍ଣାଣ୍ଡିଜ, ରିତେଶ ଦେଶମୁଖ, ସୋନମ ବାଜୱା, ଚିତ୍ରାଙ୍ଗଦା ସେନ ଏବଂ ସୌନ୍ଦର୍ଯ୍ୟା ଶର୍ମାଙ୍କ ଅଭିନୟକୁ ପସନ୍ଦ କରୁଛନ୍ତି।

'ହାଉସଫୁଲ ୫' ରିଲିଜର ଚତୁର୍ଥ ଦିନ ଅର୍ଥାତ୍ ପ୍ରଥମ ସୋମବାର ଦିନ ଆନୁମାନିକ ୧୩.୫୦ କୋଟି ଟଙ୍କା ସଂଗ୍ରହ କରିଥିଲା। ସୋମବାର ଛୁଟିଦିନ ନଥିବାରୁ କଲେକ୍ସନରେ ହ୍ରାସ ଆଶା କରାଯାଉଥିଲା, କିନ୍ତୁ ଫିଲ୍ମଟି ସ୍ଥିରତା ଏବେ ବି ବଜାୟ ରଖିଛି। ରବିବାର 'ହାଉସଫୁଲ ୫' ସର୍ବାଧିକ ୩୨.୫ କୋଟି ଟଙ୍କା ଏକ ଦିନରେ କଲେକ୍ସନ କରିଥିଲା।

sacnilkର ରିପୋର୍ଟ ଅନୁଯାୟୀ, 'ହାଉସଫୁଲ ୫' ସୋମବାର ବକ୍ସ ଅଫିସରେ ଆନୁମାନିକ ୧୩.୫୦ କୋଟି ଟଙ୍କା ସଂଗ୍ରହ କରିଥିଲା। ରବିବାର ଫିଲ୍ମଟି ୩୨.୫ କୋଟି ଟଙ୍କା ରୋଜଗାର କରିଥିଲା। ଅନ୍ୟପକ୍ଷରେ, ଦ୍ୱିତୀୟ ଦିନ ଅର୍ଥାତ୍ ଶନିବାର ଫିଲ୍ମର କଲେକ୍ସନ ୩୧ କୋଟି ଟଙ୍କା ଥିଲା। ପ୍ରଥମ ଦିନରେ ଫିଲ୍ମଟି ୨୪ କୋଟି ଟଙ୍କା ରୋଜଗାର କରିଥିଲା। ଚାରି ଦିନରେ ଫିଲ୍ମର ମୋଟ କଲେକ୍ସନ ୧୦୧.୨୬ କୋଟି ହୋଇଛି।

'ହାଉସଫୁଲ ୫' ଏବଂ ଅକ୍ଷୟ କୁମାର ମଧ୍ୟ ରେକର୍ଡ ସ୍ଥାପନ କରିଛନ୍ତି। ଏହା ଅକ୍ଷୟଙ୍କ କ୍ୟାରିଅରରେ ଦ୍ୱିତୀୟ ଏପରି ଫିଲ୍ମ, ଯାହା ଚାରି ଦିନରେ ୧୦୦ କୋଟି ଟଙ୍କାରୁ ଅଧିକ ସଂଗ୍ରହ କରିଛି। ଏହା ପୂର୍ବରୁ ୨୦୧୯ ମସିହାରେ ଆସିଥିବା ମିଶନ ମଙ୍ଗଲ ଚାରି ଦିନରେ ୧୧୫ କୋଟି ଟଙ୍କା ସଂଗ୍ରହ କରିଥିଲା।