ଖୁବ ଶୀଘ୍ର ମୁକ୍ତିଲାଭ କରିବାକୁ ଯାଉଛି ବିକାଶ ବହଲଙ୍କ ନିର୍ଦ୍ଦେଶନା ରୁ ତିଆରି ଫିଲ୍ମ'ଗଣପତ ପାର୍ଟ-୧' । ଏହି ଫିଲ୍ମଟି ଆକ୍ସନ ପ୍ରସଙ୍ଗରେ ତିଆରି ହୋଇଛି । ଏହି ଫିଲ୍ମର ମୁଖ୍ୟ ଭୂମିକାରେ  କଙ୍ଗନା ରନାୱତ, ଟାଇଗର ଶ୍ରଫ, କ୍ରିତି ସାନନ, ଅମିତାଭ ବଚ୍ଚନ ରହିଛନ୍ତି । ସୂଚନା ଅନୁଯାୟୀ, ଭବିଷ୍ୟତରେ ସହରକୁ ଭୟଭୀତ କରିଥିବା ଏକ ଶକ୍ତିଶାଳୀ ଅପରାଧିକ ସାମ୍ରାଜ୍ୟକୁ ଭାଙ୍ଗିବା ପାଇଁ ଗଣପତ ମିଶନ ଆରମ୍ଭ କରିଥିବାର ଦେଖିବାକୁ ମିଳିବ। ଶେଷରେ ଗରିବଙ୍କ ଆଶାର ସାହାରା ପାଲଟି ଯାଇଛନ୍ତି । ଏହାର ପାର୍ଟ-୨ ପରେ ନିର୍ମାଣ କରାଯିବ। ଫିଲ୍ମର ବଜେଟ ୧୫୦ କୋଟି ଟଙ୍କା ରହିଛି । ଏହି ଫିଲ୍ମଟିକୁ ହିନ୍ଦୀ, କନ୍ନଡ଼, ମାଲାୟାଲାମ, ତେଲୁଗୁ, ତାମିଲ ଭାଷାରେ ରିଲିଜ କରାଯିବ । ତେବେ ନିକଟରେ ଏହି ଫିଲ୍ମର ଫାଷ୍ଟ ଲୁକ ରିଲିଜ କରାଯାଇଥିଲା । ଏହାକୁ ଦେଖିବା ପରେ ଦର୍ଶକମାନଙ୍କୁ ବେଶ ପସନ୍ଦ ମଧ୍ୟ ଆସିଛି । ତେବେ ଫିଲ୍ମଟି ୨୦ ଅକ୍ଟୋବର ରେ ରିଲିଜ କରାଯିବ । 

ଏହାସହ କଙ୍ଗନାଙ୍କର ଅନ୍ୟ ଏକ ଫିଲ୍ମ 'ଚନ୍ଦ୍ରମୁଖୀ-2' ଖୁବ ଶୀଘ୍ର ରିଲିଜ ହେବାକୁ ଯାଉଛି । ଫିଲ୍ମ 'ଜୱାନ' ପାଇଁ ଏହାର ରିଲିଜ ଡେଟକୁ ଘୁଞ୍ଚେଇ ଦିଆ ଯାଇଥିବା ବେଳେ ଆସନ୍ତା 28 ସେପ୍ଟେମ୍ବର ରେ ଏହାକୁ ରିଲିଜ କରାଯିବ । ଏହି ଫିଲ୍ମରେ କଙ୍ଗନାଙ୍କ ସହ ରାଘବଙ୍କୁ ଦେଖାଯିବ । ଫିଲ୍ମଟି ବକ୍ସ ଅଫିସରେ ରିଲିଜ ହେବା ପରେ କଣ କମାଲ କରିବ ଦେଖିବାକୁ ବାକି ରହିଲା ।

ଅଧିକ ପଢ଼ନ୍ତୁ: ଗଣେଶ ଚତୁର୍ଥୀକୁ ଧୁମଧାମ ରେ ପାଳନ କରୁଛନ୍ତି ଶିଳ୍ପା...