ନୂଆଦିଲ୍ଲୀ: ଜୁନିୟର ଏନଟିଆରଙ୍କ ଫିଲ୍ମ ‘ଦେବରା-ପାର୍ଟ ୧’ ବକ୍ସ ଅଫିସରେ ଛାଇ ଯାଇଛି । ଫିଲ୍ମ ରିଲିଜ ପରଠୁ ବକ୍ସ ଅଫିସରେ ନିଜର ଧମାଲ ଜାରି ରଖିଛି । ଅନ୍ୟପଟେ ଗୋଟିଏ ପରେ ଗୋଟିଏ ରେକର୍ଡ କାଟି ଚାଲିଛି । ‘ଦେବରା-ପାର୍ଟ ୧’ ଗତ ମାସ ସେପ୍ଟେମ୍ବର ୨୭ ତାରିଖରେ ରିଲିଜ ହୋଇଥିଲା ଏବଂ ଓପନିଂ ଦିନରେ ଦମଦାର ବ୍ୟବସାୟ କରିଥିଲା । ଏବେ ଫିଲ୍ମକୁ ରିଲିଜର ୮ ଦିନ ହୋଇଛି ।  ଫିଲ୍ମ ଋତିକ ରୋଶନଙ୍କ ଫିଲ୍ମ ଫାଇଟରଙ୍କୁ ମାତ୍ ଦେଇଛି ।

ସାକନିଲକର ରିପୋର୍ଟ ଅନୁଯାୟୀ, ‘ଦେବରା-ପାର୍ଟ ୧’ ପ୍ରଥମ ଦିନ ୮୨.୫ କୋଟି ଟଙ୍କାର ଘରୋଇ ବକ୍ସ ଅଫିସରେ କାରବାର କରିଥିଲା । ଦ୍ୱିତୀୟ ଦିନ ଫିଲ୍ମ ୩୮.୨ କୋଟି, ତୃତୀୟ ଦିନରେ ୩୯.୯ କୋଟି, ଚତୁର୍ଥ ଦିନ ୧୨.୭୫ କୋଟି ଓ ପଞ୍ଚମ ଦିନ ୧୪ କୋଟି ଟଙ୍କାର କଲେକ୍ସନ କରିଥିଲା ।  ଷଷ୍ଠ ଦିନରେ ‘ଦେବରା-ପାର୍ଟ ୧’ ୨୧ କୋଟି ଓ ସପ୍ତମ ଦିନ ୭.୨୫ କୋଟି ଟଙ୍କା ଆୟ କରିଥିଲା । ଏବେ ଅଷ୍ଟମ ଦିନରେ ପ୍ରାରମ୍ଭିକ ୨.୧୩ କୋଟି ଟଙ୍କା କାରବାର କରି ସାରିଛି । 

ଏସବୁକୁ ମିଶାଇ ଘରୋଇ ବକ୍ସଅଫିସରେ ଫିଲ୍ମ ୨୧୭.୭୩ କୋଟି ଟଙ୍କା ଆୟ କରି ସାରିଛି । ଜୁନିୟଏ ଏନଟିଆରଙ୍କ ଫିଲ୍ମ ଏହି କଲେକ୍ସନ ସହିତ ଋତିକ ରୋଶନ ଷ୍ଟାରର ଫାଇଟରର ଲାଇଫଟାଇମ  କଲେକ୍ସନକୁ ପଛରେ ପକାଇ ଦେଇଛି । ଚଳିତ ବର୍ଷ ପରଦାକୁ ଆସିଥିବା ଫିଲ୍ମ ଫାଇଟର ଭାରତରେ ମୋଟ୍ ୨୧୨.୫ କୋଟି ଟଙ୍କା ଆୟ କରିଥିଲା । 

ଜୁନିୟର ଏନଟିଆର ଷ୍ଟାରର ‘ଦେବରା-ପାର୍ଟ ୧’ ଏକ ତେଲୁଗୁ ଆକ୍ସନ ଥ୍ରୀଲର ଫିଲ୍ମ, ଯାହାର ନିର୍ଦ୍ଦେଶନା କୋରତାଲା ଶିବା ନିର୍ଦ୍ଦେଶନା ଦେଇଛନ୍ତି । ଫିଲ୍ମ ତେଲୁଗୁ ବ୍ୟତୀତ ତାମିଲ, ହିନ୍ଦୀ, କନ୍ନଡ ଓ ମାଲାୟାଲମରେ ମଧ୍ୟ ରିଲିଜ ହୋଇଛି । ଜୁନିୟର ଏନଟିଆରଙ୍କ ସହିତ ମୁଖ୍ୟ ଭୂମିକାରେ ସୈଫ ଅଲ୍ଲୀ ଖାନ ଅଭିନୟ କରିଛନ୍ତି ।