ବଲିଉଡରୁ ଆସିଛି ଏକ ଖୁସି ଖବର । ବଲିଉଡର ମୋଷ୍ଟ ହ୍ୟାଣ୍ଡସମ ଏବଂ ଟ୍ୟାଲେଣ୍ଟେଡ ଗାୟକ ଅରମାନ ମଲିକ ଏବେ ଚର୍ଚ୍ଚାରେ  । ଅରମାନଙ୍କ ଗୀତ ସହ ତାଙ୍କ ଲୁକ ପାଇଁ ଝିଅ ଫ୍ୟାନ୍ସମାନଙ୍କ ଭିତରେ ତାଙ୍କର ଅଲଗା ହିଁ କ୍ରେଜ ରହିଛି । ସୋସିଆଲ ମିଡିଆରେ ମଧ୍ୟ ତାଙ୍କର ବହୁତ ଫ୍ୟାନ୍ସ ଫଲୋର୍ସ ଅଛନ୍ତି । ତେବେ ସମସ୍ତଙ୍କ ମନକୁ ଭାଙ୍ଗି ଅରମାନ ନିଜ ଲଙ୍ଗ ଟାଇମ ଗାର୍ଲଫ୍ରେଣ୍ଡ ଆଶନାଙ୍କ ସହ ନିର୍ବନ୍ଧ କରିଛନ୍ତି । 28 ବର୍ଷୀୟ ଅରମାନ ଆଶନାଙ୍କୁ ବଲିଉଡ ଷ୍ଟାଇଲରେ ପ୍ରପୋଜ କରିଛନ୍ତି । ହାତରେ ରିଙ୍ଗ ଏବଂ ଗୋଟିଏ ଆଣ୍ଠୁରେ ବସି ଆଶନାଙ୍କୁ ନିଜ ମନ କଥା କହିଲେ ଅରମାନ ।ଏହାର ଫଟୋ ଅରମାନ ନିଜ ସୋସିଆଲ ମିଡ଼ିଆରେ ସେୟାର କରି ଲେଖିଛନ୍ତି, 'ଆମର ସବୁଦିନ ପାଇଁ ମିଳିତତା ଏବେଠାରୁ ଆରମ୍ଭ ହୋଇଛି' । ଫଟୋରେ ଦୁହେଁ ବହୁତ ଖୁସି ମଧ୍ୟ ଦେଖାଯାଉଛନ୍ତି । ଏହି ଫଟୋ ଟି ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଫଟୋ ଟିକୁ ଦେଖି ୟୁଜର୍ସମାନଙ୍କ ସହ ତାଙ୍କ ଫ୍ରେଣ୍ଡମାନେ ତାଙ୍କୁ ଅନେକ ଶୁଭେଚ୍ଛା ଜଣାଇଛନ୍ତି । ଆଶନା ୟୁଟ୍ୟୁବର, ବ୍ଲଗର, ଏବଂ ସୋସିଆଲ ମିଡ଼ିଆ ସେଲେବ୍ରେଟି ଭାବରେ ବେଶ ଜଣାଶୁଣା । ଅରମାନ ଏବଂ ଆଶନା 2019ରୁ ପରସ୍ପରକୁ ଡେଟ କରିବାକୁ ଆରମ୍ଭ କରିଥିଲେ । ଏମାନେ କେବେ ବି ମିଡ଼ିଆ ଠାରୁ ନିଜ ସମ୍ପର୍କକୁ ଲୁଚାଇ ରଖିବାକୁ ଚେଷ୍ଟା ନ କରୁଥିବା ବେଳେ ଦୁହେଁ ସବୁବେଳେ ନିଜ ସୋସିଆଲ ମିଡ଼ିଆରେ ଫଟୋ ସେୟାର କରିଥାନ୍ତି । ବହୁତ ସମୟରେ ସେମାନଙ୍କର ଯୋଡ଼ିକୁ ଫ୍ୟାନ୍ସମାନଙ୍କର ଭଲପାଇବା ମିଳିବାର ମଧ୍ୟ ଦେଖା ଯାଇଛି ।