ଏକ ସଡକ ଦୁର୍ଘଟଣାରେ ଚାଲିଗଲା ବଲିଉଡ ଅଭିନେତା ପଙ୍କଜ ତ୍ରିପାଠୀଙ୍କ ଭେଣେଇଙ୍କ ଜୀବନ । ପଙ୍କଜ ତ୍ରୀପାଠୀଙ୍କ ଭଉଣୀ ଏବଂ ତାଙ୍କ ଭେଣେଇ ନିଜ ଘରକୁ ଫେରୁଥିବା ବେଳେ ତାଙ୍କ କାର୍ ଦୁର୍ଘଟଣାଗ୍ରସ୍ତ ହୋଇଛି । ତେବେ ଏହି ଦୁର୍ଘଟଣାରେ ତାଙ୍କ ଭେଣେଇ ରାଜେଶ ତିୱାରୀଙ୍କ ମୃତ୍ୟୁ ହୋଇଥିବା ବେଳେ ଭଉଣୀ ସରିତା ଗୁରୁତର ଅଛନ୍ତି ।
ଅଭିନେତା ପଙ୍କଜଙ୍କ ଭିଣେଇ ରାଜେଶ ଓରଫ ମୁନ୍ନା ଶନିବାର ପତ୍ନୀ ସରିତାଙ୍କୁ ନେଇ ସେ ନିଜ ଗାଁ କମଲପୁରରୁ ଚିତରଞ୍ଜନ ଯାଉଥିଲେ। ତେବେ ଜିଟି ରୋଡ୍ ସ୍ଥିତ ନିରସା ମାର୍କେଟ ଛକରେ ପହଞ୍ଚିବା ପୂର୍ବରୁ ତାଙ୍କ କାର୍ ଡିଭାଇଡର୍ରେ ପିଟି ହୋଇଥିଲା। ଏହାପରେ ନିୟନ୍ତ୍ରଣ ହରାଇ କାର୍ଟି ଏକ ପୋଲ ଖମ୍ବକୁ ବାଡେଇ ହୋଇ ଦୁର୍ଘଟଣାଗ୍ରସ୍ତ ହୋଇଥିଲା। ଶନିବାର ଅପରାହ୍ନ ୪ଟାରେ ଏହି ଦୁର୍ଘଟଣା ଘଟିଥିଲା। ଏହି ପୂରା ଦୁର୍ଘଟଣା ବେଳର ଦୃଶ୍ୟ ସିସିଟିଭିରେ କଏଦ ହୋଇଛି।
ସୂଚନା ପାଇ ପୁଲିସ ଘଟଣାସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ରାଜେଶ ଓ ସରିତାଙ୍କୁ କାର୍ ଭିତରୁ ବାହାର କରିଥିଲା। ଉଭୟଙ୍କୁ ଧନବାଦ ମେଡିକାଲ କଲେଜ ନିଆଯାଇଥିଲା। ତେବେ ରାଜେଶଙ୍କ ମୃତ୍ୟୁ ହୋଇସାରିଥିବା ବେଳେ ପଙ୍କଜ ତ୍ରିପାଠୀଙ୍କ ଭଉଣୀଙ୍କ ଅବସ୍ଥା ଗୁରୁତର ରହିଛି। ତାଙ୍କୁ ଆଇସିୟୁରେ ଭର୍ତ୍ତି କରାଯାଇଛି। ତାଙ୍କ ଅବସ୍ଥା ସଙ୍କଟାପନ୍ନ ଥିବା ସୂଚନା ମିଳିଛି।
ଅଧିକା ପଢନ୍ତୁ: ଆସୁଛି ଭାଇଜାନଙ୍କ “ବଜରଙ୍ଗୀ ୨”