ମୁମ୍ବାଇ: ବଲିଉଡ ଅଭିନେତ୍ରୀ ଦିଶା ପଟାନିଙ୍କ ଘରେ ଗୁଳିକାଣ୍ତ ଘଟଣାର ତଦନ୍ତ ସମୟରେ ଏକ ବଡ଼ ଖୁଲାସା ହୋଇଛି। ରିପୋର୍ଟ ଅନୁଯାୟୀ, କୁଖ୍ୟାତ ଗ୍ୟାଙ୍ଗଷ୍ଟର ଗୋଲ୍ଡୀ ବ୍ରାରଙ୍କ ଗ୍ୟାଙ୍ଗର ମୋଟ ୫ ଜଣ ଶୁଟର ଏହି ଘଟଣା ଘଟାଇବା ପାଇଁ ଆସିଥିଲେ। ଏହି ଶୁଟରମାନଙ୍କ ମଧ୍ୟରୁ ଦୁଇଜଣଙ୍କୁ ଏନକାଉଣ୍ଟରରେ  ମୃତ୍ୟୁ ହୋଇଯାଇଛି ଏବଂ ଅନ୍ୟ ଦୁଇ ଜଣ ସନ୍ଦିଗ୍ଧଙ୍କୁ ଖୋଜା ଚାଲିଛି ।

ଏହି ଘଟଣାରେ ପାଞ୍ଚ ଜଣ ଶୁଟର ସାମିଲ ଥିଲେ

ସୂଚନା ଅନୁଯାୟୀ, ବିଦେଶରେ ଥିବା ଗୋଲଡି ବ୍ରାର ଏବଂ ରୋହିତ ଗୋଡାରା ସେପ୍ଟେମ୍ବର ୧୧ ତାରିଖରେ ସେମାନଙ୍କର ହ୍ୟାଣ୍ଡଲର ମାଧ୍ୟମରେ ପାଞ୍ଚ ଜଣ ଶୁଟରଙ୍କୁ ବରେଲି ପଠାଇଥିଲେ। ସେମାନେ ବରେଲିର ପଞ୍ଜାବ ହୋଟେଲରେ ରହିଥିଲେ। ଏହି ସମୟ ମଧ୍ୟରେ, ଜଣେ ଶୁଟର ଅସୁସ୍ଥତା ଯୋଗୁଁ ଘରକୁ ଫେରି ଆସିଥିଲେ। ଏହା ପରେ, ଚାରି ଜଣ ଅପରାଧୀ ମିଶନ କରିଥିଲେ। ସେପ୍ଟେମ୍ବର ୧୧ ତାରିଖରେ ଚାରି ଜଣ ଅପରାଧୀ ଏକ କଳା ସ୍ପ୍ଲେଣ୍ଡର ମୋଟରସାଇକେଲ ଏବଂ ଏକ ଧଳା ଆପାଚି ମୋଟରସାଇକେଲରେ ଦିଶା ପାଟନୀଙ୍କ ଘରେ ପହଞ୍ଚି ଥିଲେ । ଆପାଚି ବାଇକ୍ ରେ ଆସିଥିବା ଅରୁଣ ଏବଂ ରବିନ୍ଦ୍ର ଏନକାଉଣ୍ଟରରେ ନିହତ ହୋଇଥିଲେ। ସ୍ପ୍ଲେଣ୍ଡର ବାଇକରେ ଆସିଥିବା ଦୁଇ ଅପରାଧି ନିଖୋଜ ଅଛନ୍ତି ।

ଦିଶା ପାଟନୀଙ୍କ ଘରେ ଅନେକ ରାଉଣ୍ଡ ଗୁଳି ଚାଳନା ହୋଇଥିଲା

ସେପ୍ଟେମ୍ବର ୧୨ ତାରିଖରେ ସେହି ଚାରି ଜଣ ସୁଟର ଅଭିନେତ୍ରୀଙ୍କ ଘରେ ପହଞ୍ଚି ଗୁଳି ଚାଳନା କରିଥିଲେ। ରବିନ୍ଦ୍ର ହିଁ ଗୁଳି ଚଳାଇଥିଲେ, ତଦନ୍ତ ସମୟରେ, ପୋଲିସ ୨୦୦୦ ରୁ ଅଧିକ ସିସିଟିଭି ଫୁଟେଜ୍ ଯାଞ୍ଚ କରିଥିଲା, ଯାହା ଫଳରେ ଏହି ଅପରାଧୀମାନେ ଧରାପଡ଼ିଥିଲେ।

ତଦନ୍ତ ସମୟରେ, ୯ ତାରିଖରେ ଗୁଳି ଚାଳନା ପୂର୍ବରୁ ଏକ ପେଟ୍ରୋଲ ପମ୍ପରେ ଥିବା ସିସିଟିଭି କ୍ୟାମେରାରେ ଅପରାଧୀମାନେ କଏଦ ହୋଇଥିଲେ। ବର୍ତ୍ତମାନ, ପୋଲିସ ଅପରାଧୀ ନକୁଳ ଏବଂ ବିଜୟଙ୍କୁ ଖୋଜୁଛି। ପୋଲିସ ମାମଲାର ତଦନ୍ତ କରୁଛି। ସେମାନେ କହିଛନ୍ତି ଯେ ଅନ୍ୟ ଦୁଇ ଅପରାଧୀଙ୍କୁ ଖୁବ୍ ଶୀଘ୍ର ଗିରଫ କରାଯିବ। ପୋଲିସ ଦୁଇ ଅଭିଯୁକ୍ତଙ୍କ ମୃତଦେହକୁ ପୋଷ୍ଟମର୍ଟମ ପାଇଁ ଗାଜିଆବାଦର ଏକ ହସ୍ପିଟାଲକୁ ପଠାଇଛି। ଏହି ମାମଲାରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି

ଅଧିକା ପଢନ୍ତୁ:ଦିଶା ପଟାନୀଙ୍କ ଘରକୁ ଗୁଳି ମାଡ଼: ନିଜକୁ ଦାୟୀ କଲା ଗୋଲ୍ଡି ବ୍ରାର୍ ଗ୍ୟାଙ୍ଗ, ଧର୍ମ ରକ୍ଷା ପାଇଁ କିଛି ବି କରିବୁ