ପ୍ରତାପଗଡ଼: ବିବାହ ଶୋଭାଯାତ୍ରାରେ ଧସ୍ତାଧସ୍ତି ବେଳେ ଗୁରୁତର ଆହତ ୨ ଯୁବକଙ୍କ ଡାକ୍ତରଖାନାରେ ମୃତ୍ୟୁ ହୋଇଛି। ଶନିବାର ରାତିରେ ଲାଲଗଞ୍ଜ କୋତଓ୍ଵାଲିର ଚକାଉଡିଆ ଗ୍ରାମରେ ବିଦେଶୀଙ୍କ ଝିଅର ବାହାଘର ଅନୁଷ୍ଠିତ ହୋଇଥିଲା। ପଂଜାବର ଲୁଧିଆନାରୁ କିଛି ସମ୍ପର୍କୀୟ ମଧ୍ୟ ଶୋଭାଯାତ୍ରାରେ ଯୋଗ ଦେବାକୁ ଆସିଥିଲେ।

ଲୀଳାପୁର ଥାନା ଅନ୍ତର୍ଗତ ଚିତ୍ରିରୁ ଆସୁଥିବା ବିବାହ ଶୋଭାଯାତ୍ରାରେ ରାତି ପ୍ରାୟ ୧୨ଟାବେଳେ ଡିଜେରେ ଗୀତ ବଜାଇବାକୁ ନେଇ ବିବାହ ଶୋଭାଯାତ୍ରା ମଧ୍ୟରେ ଝଗଡ଼ା ହୋଇଥିଲା। ସେଠାରେ ପ୍ରବଳ ସଂଘର୍ଷ ହୋଇଥିଲା। ଆକ୍ରମଣରେ ଗୁରୁତର ଆହତ ହୋଇଥିବା ପୱନ (୨୮) ଓ ପ୍ରୀତ (୩୩) ନାମକ ଦୁଇ ଯୁବକଙ୍କର ଡାକ୍ତରଖାନାରେ ମୃତ୍ୟୁ ଘଟିଛି। ପୁଲିସ ଘଟଣାର ତଦନ୍ତ ଚଳାଇଛି।

ଅନ୍ୟ ଏକ ଘଟଣାକୁ କେନ୍ଦ୍ର କରି ଶୁକ୍ରବାର ବିଳମ୍ବିତ ରାତିରେ ପ୍ରତାପଗଡ଼ସ୍ଥିତ ରାଜା ପ୍ରତାପ ବାହାଦୁର ହସ୍ପିଟାଲର ଜରୁରୀକାଳୀନ କକ୍ଷରେ ଜଣେ ରୋଗୀଙ୍କୁ ଡାକ୍ତରୀ ମାଇନାରେ ଗୁଳି ମାଡ଼ କରାଯିବା ଘଟଣାକୁ ନେଇ କିଛି ଲୋକ ହଙ୍ଗାମା କରିଥିଲେ। ଡାକ୍ତର ସେଠାରୁ ଫେରାର ହୋଇଯାଇଥିଲେ। ପ୍ରାୟ ସାଢ଼େ ୩ ଘଣ୍ଟା ଧରି ଜରୁରୀକାଳୀନ ପରିସ୍ଥିତି ବାଧାପ୍ରାପ୍ତ ହୋଇଥିଲା।