ଗଞ୍ଜାମ: ଖଲ୍ଲିକୋଟ ନିକଟସ୍ଥ ଭରାସା ଗ୍ରାମ ନିକଟରେ ବଜରଙ୍ଗ ଦଳ ସଦସ୍ୟ ଗୋ ମାଂସ ଜବତ କରିଛନ୍ତି । ଜଣେ ବ୍ୟକ୍ତି ଏକ ସ୍କୁଟିରେ ମାଂସ ନେଇ ଯାଉଥିବା ବେଳେ ଜବତ କରିଛନ୍ତି ବଜରଙ୍ଗ ଦଳ । ବ୍ୟକ୍ତି ଜଣକ ହେଲେ ଖୋର୍ଦ୍ଧାର ଆକ୍ରମ୍ ଖାନ୍ । ସେ ଖୋର୍ଦ୍ଧା ଜଟଣୀରୁ ମାଂସ ନେଇ ବ୍ରହ୍ମପୁର ଯାଉଥିବା ଜଣାପଡ଼ିଛି । 

ଖଲ୍ଲିକୋଟ ଅବକାରୀ ବିଭାଗ ପକ୍ଷରୁ ଚୋରା ମଦ ପାଇଁ ଚେକିଂ କରାଯାଉଥିଲା । ଏହି ସମୟରେ ଆକ୍ରମ ଖାନ ସନ୍ଦେହ ଘେରକୁ ଆସିଥିଲେ । ଚେକିଂ ବେଳେ ମଦ ବଦଳରେ ଗୋ ମାଂସ ବାହାରିଥିଲା । ଏନେଇ ବଜରଙ୍ଗ ଦଳ ଖବର ପାଇବା ପରେ କରିଥିଲେ ସମ୍ପୃକ୍ତ ବ୍ୟକ୍ତିଙ୍କୁ ଅଟକ ରଖିଥିଲେ । 

ସ୍କୁଟିରେ ଗୋମାଂସ ଥିବା ନେଇ ବଜରଙ୍ଗ ସଦସ୍ୟମାନେ ଖଲ୍ଲିକୋଟ ପୁଲିସକୁ ଜଣାଇଥିଲେ । ଗୋ ମାଂସ ସହ ସଂପୃକ୍ତ ବ୍ୟକ୍ତିଙ୍କୁ ପୁଲିସକୁ ହସ୍ତାନ୍ତର କରାଯାଇଛି । ଜବତ ଗୋ ମାଂସର ଓଜନ ପ୍ରାୟ ଏକ କ୍ୟୁଣ୍ଟାଲ ହେବ ବୋଲି ଅନୁମାନ କରାଯାଉଛି। ତେବେ ଏତେ ପରିମାଣର ଗୋମାଂସ କେଉଁଠୁ ଆସିଲା, ସେ ନେଇ ପୁଲିସ ଖୋଳତାଡ଼ କରୁଛି ।