ରାୟପୁର: ଛତିଶଗଡ଼ର ମହାସମୁନ୍ଦ ଜିଲ୍ଲାରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ପୋଲିସ ମାନବ ଚାଲାଣ ଏବଂ ବନ୍ଧକ ଶ୍ରମିକଙ୍କ ଏକ ଅନ୍ଧକାର ନେଟୱାର୍କର ପର୍ଦ୍ଦାଫାସ କରିଛି। ଏହି ମାମଲା ପୋଲିସ ଅଧିକାରୀମାନଙ୍କୁ ମଧ୍ୟ ଆଶ୍ଚର୍ଯ୍ୟ କରିଦେଇଛି। ଗରିବଙ୍କ ଅସହାୟତାକୁ ଶୋଷଣ କରି ସେମାନଙ୍କୁ ଆର୍ଥିକ ଫାଶରେ ପକାଇଥିବା ଏହି ବିଶାଳ ରାକେଟର ପର୍ଦ୍ଦାଫାସ ସେତେବେଳେ ହୋଇଥିଲା ଯେତେବେଳେ ଉତ୍ତର ପ୍ରଦେଶର ଏକ ଇଟା ଭାଟିରେ କାମ କରୁଥିବା ଜଣେ ୧୫ ବର୍ଷୀୟା ନାବାଳିକା ଗର୍ଭବତୀ ହୋଇଥିଲେ।

ସମଗ୍ର ମାମଲା ସେପ୍ଟେମ୍ବର ୨୧ ତାରିଖରେ ଏକ ହସ୍ପିଟାଲରୁ ମିଳିଥିବା ଏକ ମେଡିକାଲ ମେମୋରୁ ଆରମ୍ଭ ହୋଇଥିଲା। ପୋଲିସ ସୂଚନା ପାଇଥିଲା ଯେ ଜଣେ ୧୫ ବର୍ଷୀୟା ନାବାଳିକା ଗର୍ଭବତୀ ହୋଇ ଶାରୀରିକ ନିର୍ଯାତନାର ଶିକାର ହୋଇଥିଲା। ପୋଲିସ ତଦନ୍ତ ବେଳେ ଜାଣିବାକୁ ପାଇଥିଲା ଯେ, ଅଭିଯୁକ୍ତମାନେ ଗରିବ ଏବଂ ଅଭାବୀ ଶ୍ରମିକ ପରିବାରକୁ କିଛି ହଜାର ଟଙ୍କା ଆଗୁଆ ପ୍ରଲୋଭିତ କରିଥିଲେ। ଟଙ୍କା ଦେବା ପରେ ଶ୍ରମିକମାନଙ୍କୁ ଏକ ବିପୁଳ ଋଣ ନେବାକୁ ଚାପ ଦେଇଥିଲେ। ଏହା ପରେ ସେମାନଙ୍କୁ ମହାସମୁନ୍ଦରୁ ବାହାରକୁ ନିଆଯାଇ ଉତ୍ତର ପ୍ରଦେଶ, ହରିୟାଣା, ପଞ୍ଜାବ, ଜମ୍ମୁ ଓ କାଶ୍ମୀର ଏବଂ ଗୁଜରାଟ ଭଳି ରାଜ୍ୟରେ ଇଟା ଭାଟିରେ କାମ କରିବାକୁ ପଠାଯାଇଥିଲା।

ଏହି ନେଟୱାର୍କର ଅଂଶ ଭାବରେ ୧୫ ବର୍ଷୀୟା ନାବାଳିକାକୁ ତାଙ୍କ ପରିବାର ସହିତ ଉତ୍ତର ପ୍ରଦେଶର ଏକ ଇଟା ଭାଟିକୁ ମଧ୍ୟ ପଠାଯାଇଥିଲା। ଅଭିଯୋଗ ହୋଇଛି ଯେ ଭାଟିରେ ଜଣେ ଜେସିବି ଡ୍ରାଇଭର ତାଙ୍କୁ କୌଶଳ କ୍ରମେ ଶାରୀରିକ ସଂପର୍କ ରଖିଥିଲେ, ଯାହା ଫଳରେ ସେ ଗର୍ଭବତୀ ହୋଇଥିଲେ। ଏହା ଜଣାପଡ଼ିବା ପରେ ପୋଲିସ ଦ୍ରୁତ କାର୍ଯ୍ୟାନୁଷ୍ଠାନ ଆରମ୍ଭ କରିଥିଲା।

ମାମଲା ସାମ୍ନାକୁ ଆସିବା ପରେ ମହାସମୁନ୍ଦ ପୋଲିସ ଘଟଣାର ତଦନ୍ତ କରିଥିଲା ଏବଂ ଓଡ଼ିଶା ପର୍ଯ୍ୟନ୍ତ ବ୍ୟାପିଥିବା ଏହି ନେଟୱାର୍କ ବିଷୟରେ ତଥ୍ୟ ସଂଗ୍ରହ କରିଥିଲା। ପୋଲିସ ଏକକାଳୀନ ୧୦ଟି ସ୍ଥାନରେ ଚଢାଉ କରିଥିଲା। ଏହି ଅଭିଯାନ ସମୟରେ ଜବତ ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା। ଚଢାଉ ସମୟରେ ପୋଲିସ ୧୪୮,୫୪,୭୫୦ ନଗଦ, ଏକ ନୋଟ୍ ଗଣନା ମେସିନ୍, ପ୍ରବାସୀ ଶ୍ରମିକଙ୍କ ରେକର୍ଡ ସମ୍ବଳିତ ଡାଏରୀ ଏବଂ ରେଜିଷ୍ଟର, ବ୍ୟାଙ୍କ ପାସବୁକ୍, ଚେକବୁକ୍, ଏଟିଏମ୍‌ କାର୍ଡ, ଅନ୍ୟାନ୍ୟ ଡକ୍ୟୁମେଣ୍ଟ ଜବତ କରିଥିଲା। ପୋଲିସ ଏହି ମାମଲାରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ୫ ମୁଖ୍ୟ ଅଭିଯୁକ୍ତଙ୍କୁ ଗିରଫ କରିଛି।

ଅଧିକ ପଢ଼ନ୍ତୁ: 'ଟ୍ରମ୍ପ୍ ଷ୍ଟ୍ରେଟ୍': ହର୍ମୁଜ୍ ପ୍ରଣାଳୀର ନାମ ପରିବର୍ତ୍ତନ କଲେ ଆମେରିକା ରାଷ୍ଟ୍ରପତି