ନୂଆଦିଲ୍ଲୀ, ଏପ୍ରିଲ ୨୧ (ଖବର ଓଡ଼ିଶା): ଦେଶର ସର୍ବବୃହତ୍ତ ଷ୍ଟିଲ କଂପାନୀ ‘ଟାଟା ଷ୍ଟିଲ୍’ ଖୁବ ଶୀଘ୍ର ରୁଷିଆ ସହିତ ନିଜର ବ୍ୟବସାୟ ବନ୍ଦ କରିବ । ରୁଷିଆ-ୟୁକ୍ରେନ୍ ଯୁଦ୍ଧ କାରଣରୁ ଅନେକଗୁଡ଼ିଏ ଅନ୍ତର୍ଜାତୀୟ କଂପାନୀ ରୁଷିଆରେ ନିଜର ବ୍ୟବସାୟ ବନ୍ଦ କରିସାରିଛନ୍ତି । ଏହି କ୍ରମରେ ଟାଟା ଷ୍ଟିଲ ମଧ୍ୟ ରୁଷିଆ ସହିତ ବ୍ୟବସାୟ ବନ୍ଦ କରିବାକୁ ନିଷ୍ପତ୍ତି ନେଇଛି ।
ଟାଟା ଷ୍ଟିଲ ଏକ ବୟାନରେ କହିଛି ଯେ, ରୁଷିଆରେ ଏବେ ଆମେ କୌଣସି କଂପାନୀ ପରିଚାଳନା କରୁନାହିଁ । ସେଠାରେ ଆମର କୌଣସି ଅପରେସନ ନାହିଁ । ରୁଷିଆରେ ଆମର କୌଣସି କର୍ମଚାରୀ ନାହାନ୍ତି । ରୁଷିଆ ସହିତ ବ୍ୟବସାୟ ବନ୍ଦ କରିବା ନେଇ ବହୁତ ଚିନ୍ତା କରାଯାଇଛି ।
ଗଣମାଧ୍ୟମର ଖବର ଅନୁସାରେ ରୁଷିଆରୁ ଟାଟା ଷ୍ଟିଲ କୋଇଲା ଆମଦାନୀ କରିଥାଏ । ଟାଟା ଷ୍ଟିଲର କଂପାନୀ ରୁଷିଆ ବ୍ୟତୀତ ବ୍ରିଟେନ ଓ ନେଦରଲାଣ୍ଡର ମଧ୍ୟ ଅଛି । କଂପାନୀ ପକ୍ଷରୁ କୁହାଯାଇଛି ଯେ, କାରଖାନାରୁ ରପ୍ତାନୀ ଠିକ ରଖିବା ପାଇଁ ବିକଳ୍ପ ରାସ୍ତା ଖୋଜାଯାଉଛି ।