ଦୁର୍ଗା ପୂଜା ପେଣ୍ଡାଲରେ ପୋଷା ଜୀବ । ପଣ୍ଡାଲରେ ବୁଲିବେ ଆଉ ଭୋଗ ଖାଇବେ ଗୃହପାଳିତ ପଶୁ । କଥାଟା ଟିକିଏ ଅଜବ ଶୁଭୁ ଥିଲେ ମଧ୍ୟ ନିରାଟ ସତ୍ୟ । ପ୍ରତିବର୍ଷ ସାରାଦେଶରେ ମା ଦୁର୍ଗାଙ୍କ ପୂଜା ବେଶ ଆଡ଼ମ୍ବର ସହକାରେ ପାଳନ କରାଯାଉଥିଲାବେଳେ ପଶ୍ଚିମବଙ୍ଗ ଏବଂ ବିଶେଷକରି ଏହାର ରାଜଧାନୀ କୋଲକାତା ଦେଶର ବିଭିନ୍ନ ସ୍ଥାନରୁ ଲୋକଙ୍କୁ ଆକର୍ଷିତ କରୁଥିବା ବୃହତ ତୋରଣ ଏବଂ  ପୂଜାପାଠ ପାଇଁ ପ୍ରସିଦ୍ଧ । କେବଳ ଦେଶରେ ନୁହେଁ, ସର୍ବଭାରତୀୟ ସ୍ତରରେ ମଧ୍ୟ କୋଲକାତାର ଦୁର୍ଗା ପୂଜା ପାଣ୍ଡାଲ ଏବଂ ଉତ୍ସବ ପ୍ରସିଦ୍ଧ ଅଟେ। ଏହାରି ମଧ୍ୟରେ କୋଲକାତାର ବିଧାନ ସାରଣୀ ଆଟଲାସ କ୍ଲବ ତରଫରୁ ନିଆରା ଶୈଳୀରେ ମାଙ୍କ ପୂଜା କରାଯାଉଛି । ପୂଜା ମଣ୍ଡପରେ ଦେବୀ ଦୁର୍ଗାଙ୍କ ସହ  ପୂଜା ପାଉଛନ୍ତି ମାଧବ । ଆଉ ସବୁଠାରୁ ଖାସ କଥା ହେଲା ଏହି ମଣ୍ଡପକୁ ପୋଷା ବିରାଡ଼ି, କୁକୁର, ପକ୍ଷୀ ଯିବାର ମଧ୍ୟ ସୁବିଧା ଅଛି | 

କୋଲକାତା ନଗରୀରେ ଦୁର୍ଗାପୂଜାରେ ତିଆରି ହୋଇଛି ସୁଉଚ୍ଚ ତୋରଣ। ତୋରଣମାନଙ୍କରେ ହୋଇଥିବା ଏହିସବୁ କାରୁକାର୍ଯ୍ୟ ଦେଖିବା ପାଇଁ ଦେଶବିଦେଶରୁ ଅନେକ ଭକ୍ତ କୋଲକାତା ବୁଲିବାକୁ ଆସୁଛନ୍ତି । ଏହି ସବୁ ତୋରଣଗୁଡ଼ିକୁ ଦେଖିବାକୁ ଲୋକମାନେ ଲମ୍ବାଲାଇନରେ ଧାଡ଼ି ମଧ୍ୟ ବାନ୍ଧିଛନ୍ତି । ଏହାରି ମଧ୍ୟରେ କୋଲକାତାର ବିଧାନ ସାରଣୀ ଆଟଲାସ କ୍ଲବ ତରଫରୁ ନିଆରା ଶୈଳୀରେ ମାଙ୍କ ପୂଜା କରାଯାଉଛି । ପୂଜା ମଣ୍ଡପରେ ଜଗନ୍ନାଥଙ୍କୁ ସ୍ଥାପନ କରାଯାଇ ମାଙ୍କ ପୂଜା କରାଯାଉଛି ।

ଦୁର୍ଗା ପୂଜା ଅବସରରେ ସମସ୍ତେ ସୁସ୍ୱାଦୁ ଖାଦ୍ୟ ଖାଇବା ସହିତ ପର୍ବକୁ ଉପଭୋଗ କରୁଛନ୍ତି ତେବେ ପୋଷ୍ୟ ଜୀବଜନ୍ତୁଙ୍କୁ ଏହି ପର୍ବକୁ ଉପଭୋଗ କରିବା ପାଇଁ ବିଧାନ ସାରଣୀ ଆଟଲାସ କ୍ଲବର ଏକ ଛୋଟ ପ୍ରୟାସ ଯାହା ଶ୍ରଦ୍ଧାଳୁଙ୍କୁ ଆକର୍ଷିତ କରୁଛି ।  କେବଳ ଗୃହପାଳିତ ପଶୁ ନୁହେଁ ବରଂ ପ୍ରତ୍ୟେକ କୁକୁରକୁ ମଧ୍ୟ ସେହି ପେଣ୍ଡାଲରେ ଗୁରୁତ୍ୱ ଦିଆଯିବା ସହ  ସେମାନଙ୍କ ପାଇଁ ଉତ୍ତମ ଖାଦ୍ୟ ମଧ୍ୟ ଯୋଗାଇ ଦିଆଯାଉଛି । ଗତ ବର୍ଷ ମଧ୍ୟ କମିଟି ଏକ ଗୃହପାଳିତ ବନ୍ଧୁ ଦୁର୍ଗା ପୂଜା ପେଣ୍ଡାଲ ସୃଷ୍ଟି କରିଥିଲା, ଏହାର ସଫଳତା ପରେ ଚଳିତ ବର୍ଷ ଗୃହପାଳିତ ପଶୁମାନଙ୍କ ପାଇଁ ସ୍ୱତନ୍ତ୍ର 'ଦୁର୍ଗା ପୂଜା ଭୋଗ' ମଧ୍ୟ ବ୍ୟବସ୍ଥା କରାଯାଇଛି।

କମିଟିର ତରଫରୁ କୁହାଯାଇଛି କି ୨୦୨୨ ମସିହାରେ ଗୃହପାଳିତ ପଶୁ ପୂଜା କରିଥିଲେ ଯାହା ସମଗ୍ର ଦୁର୍ଗା ପୂଜା ଇତିହାସରେ ପ୍ରଥମ ଥିଲା, ତେଣୁ ଏଥର ମଧ୍ୟ ସେଠାରେ ଗୃହପାଳିତ ବନ୍ଧୁକୁ ଗୁରୁତ୍ୱ ଦିଆଯାଇଛି । ଏହା ସହିତ ଏଥର ସେଠାରେ  ଆଉ ଗୋଟିଏ ଜିନିଷ ଯୋଡାଯାଇଛି ଚଳିତ ବର୍ଷ ଭୋଜି ପ୍ରସ୍ତୁତ କରାଯାଇଛି । ଏହି ପ୍ରସାଦ ସମସ୍ତେ ପାଇବା ସହ ଯଦି କୌଣସି ବ୍ୟକ୍ତି  ଗୃହପାଳିତ ପଶୁ କୁକୁର, ବିଲେଇ କିମ୍ବା ପକ୍ଷୀ, ଯେ କୌଣସି ଗୃହପାଳିତ ପଶୁ, ଯଦି ସେମାନଙ୍କୁ ଆଣନ୍ତି, ତେବେ କମିଟି ତରଫରୁ  ସେମାନଙ୍କ ପାଇଁ କିଛି ଖାଇବାକୁ ରଖାଯିବ । 

ଏହା ସହ ପେଣ୍ଡାଲରେ ଏକ ସ୍ୱତନ୍ତ୍ର ସେଲଫି ବୁଥ୍ ମଧ୍ୟ ସ୍ଥାପନ କରାଯାଇଛି, ଯାହା ସୁନ୍ଦର ଭାବରେ ପରିକଳ୍ପିତ ହୋଇଛି ଏବଂ କୋଲକାତାର ବିଭିନ୍ନ ସ୍ଥାନରୁ ଲୋକଙ୍କୁ ଆକର୍ଷିତ କରୁଛି। ଏଠାରେ ଏକ ନିଆରା ବ୍ୟବସ୍ଥା ହୋଇଛି କି ଶ୍ରଦ୍ଧାଳୁମାନେ ଗୃହପାଳିତ ପଶୁମାନଙ୍କୁ ଏଠାକୁ ଆଣିପାରିବେ । ସାଧାରଣତଃ ସମସ୍ତ ସ୍ଥାନରେ ମାଙ୍କ ପ୍ରସାଦ ଶ୍ରଦ୍ଧାଳୁମାନଙ୍କୁ ଦିଆଯାଏ  କିନ୍ତୁ ଏଠାରେ ପ୍ରସାଦ  ଗୃହପାଳିତ ପଶୁମାନଙ୍କୁ ଦିଆଯାଉଛି । ତେବେ ଏହି ପୂଜା ମଣ୍ଡପର ଦୃଶ୍ୟ ମନୁଷ୍ୟ ଓ ଜୀବଜନ୍ତୁଙ୍କ ଭିତରେ ଥିବା ନିବିଡ ସମ୍ପର୍କକୁ ଦର୍ଶାଉଛି । ଏହି ନିଆରା ଵ୍ୟଵସ୍ଥା ପାଇଁ ସେଠାରେ ଶ୍ରଦ୍ଧାଳୁଙ୍କ ଭିଡ ଲାଗିବ ସହ ପୋଷ୍ୟ ଜୀବଜନ୍ତୁଙ୍କୁ ଶ୍ରଦ୍ଧାଳୁମାନେ କରିଥିବା ପ୍ରସାଦ ଖାଇବାକୁ ଦେଉଛନ୍ତି ।

ଅଧିକ ପଢନ୍ତୁ :ଦୁର୍ଗା ପୂଜା ପାଇଁ ପ୍ରସିଦ୍ଧ କୋଲକାତା