ଆଇପିଏଲ-୧୦ରେ ଫିକ୍ସିଂର ଭୟ: କାନପୁରରେ ଖେଳାଳି ରହୁଥିବା ହୋଟେଲରୁ ୨ ବୁକି ଗିରଫ
Khabar Odisha:IPL10-2-bukees-arrested-in-kanpur
କାନପୁର,ମେ୧୧(ଖବର ଓଡ଼ିଶା): ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ)-୧୦ରେ ପୁଣି ଥରେ ମ୍ୟାଚ ଫିକ୍ସରଙ୍କ ଗତିବିଧି ଦେଖିବାକୁ ମିଳିଛି। କାନପୁରରେ ଆଇପିଏଲ ମ୍ୟାଚ ପରେ ପୋଲିସ ଖେଳାଳି ରହୁଥିବା ହୋଟେଲରୁ ଦୁଇ ବୁକିକୁ ଗିରଫ କରିଛି। ଏହା ସହ ପୋଲିସ ସେମାନଙ୍କ ଠାରୁ ୬୦ ଲକ୍ଷ ଟଙ୍କା ଜବତ କରିଛି। ଏହି ବୁକି ମାନେ ଖେଳାଳିଙ୍କୁ ସେମାନଙ୍କ ସଂସ୍ପର୍ଶରେ ଆଣି ମ୍ୟାଚ ଫିକ୍ସିଂ ପାଇଁ ପ୍ରୟାସ କରୁଥିବା ଜଣାପଡ଼ିଛି।
 
କାନପୁର ଏସଏସପି କହିଛନ୍ତି ଯେ ଏହି ମାମଲାରେ ଗିରଫ ହୋଇଥିଵା ବୁକିଙ୍କର ବୟାନ ରେକର୍ଡ କରାଯାଇଛି। ପରେ ଦୁଇ ବୁକିଙ୍କୁ ସାମ୍ନା-ସାମ୍ନି ବସାଇ ପଚରାଉଚୁରା କରାଯିବ ବୋଲି ସେ କହିଛନ୍ତି। ପୋଲିସ ଏହି ଦୁଇ ଵୁକିଙ୍କ ପରିଚୟ ସାର୍ବଜନୀନ କରିନାହିଁ।
 
ଏସଏସପିଙ୍କ ମୁତାବକ ଖେଳାଳି ଯେଉଁ ହୋଟେଲରେ ରହୁଥିଲେ, ସେହି ହୋଟେଲରେ ବୁକି ରହୁଥିଲେ। ଖେଳାଳି ୧୨ ଓ ୧୪ ତମ ମହଲାରେ ରହୁଥିବା ବେଳେ ଆଇପିଏଲ ଷ୍ଟାଫ  ୧୭ ତମ ମହଲାରେ ରହୁଥିଲେ।  ଯେଉଁଠି ଦୁଇ ବୁକିକୁ ଗିରଫ କରାଯାଇଛି। ଏହି ସମ୍ବେଦନଶୀଳ ମାମଲାରେ ୨ ଜଣ ଖେଳାଳିଙ୍କ ନାମ ସାମ୍ନାକୁ ଆସିଥିବା ପୋଲିସ କହିଛି। ମାତ୍ର ଏହି ଖେଳାଳିଙ୍କ ଚିହ୍ନଟ ହୋଇପାରିନାହିଁ।
 
ଏହି ମାମଲାରେ କୌଣସି ଖେଲାଳି ସାମିଲ ନଥିବା ବିସିସିଆଇ କହିଛି।
  • Tags:

Subscribe

National International State Sports Entertainment