ବଣାଇ: ସୁନ୍ଦରଗଡ଼ ଜିଲ୍ଲା ଗୁରୁଣ୍ଡିଆ ବ୍ଲକର ଏକ ଉଚ୍ଚ ବିଦ୍ୟାଳୟରେ ଛାତ୍ରୀଙ୍କୁ ଅସଦାଚରଣ ଅଭିଯୋଗରେ ସଂସ୍କୃତ ଶିକ୍ଷକ ଆଦିତ୍ୟ ପ୍ରଧାନଙ୍କୁ ନିଲମ୍ବିତ କରାଯାଇଛି । ଉକ୍ତ ଶିକ୍ଷକଙ୍କ ନାଁରେ ୬ରୁ ୭ ଜଣ ଛାତ୍ରୀ ସାଙ୍ଘାତିକ ଅଭିଯୋଗ ଆଣିଥିଲେ । ଗୁରୁଣ୍ଡିଆ ଥାନାରେ ଉକ୍ତ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ଅଭିଯୋଗ ଦେବା ପରେ ସୁନ୍ଦରଗଡ଼ ଡିଇଓ ତାଙ୍କୁ  ନିଲମ୍ବିତ କରିଛନ୍ତି । 

ସୂଚନା ଯୋଗ୍ୟ, ଗୁରୁଣ୍ଡିଆ ବ୍ଲକର ଏକ ଉଚ୍ଚ ବିଦ୍ୟାଳୟର ଛାତ୍ରୀଙ୍କୁ ଅସଦାଚରଣ କରୁଥିବା ନେଇ ୭ ଛାତ୍ରୀ ସଂସ୍କୃତ ଶିକ୍ଷକଙ୍କ ନାଁରେ ଅଭିଯୋଗ ଆଣିଥିଲେ । ସ୍କୁଲ ପ୍ରଶାସନ ପକ୍ଷରୁ ଉକ୍ତ  ଶିକ୍ଷକଙ୍କୁ ତାଗିଦ କରାଯାଇଥିଲା କିନ୍ତୁ କିଛି ବି ସୁଧାର ଆସିନଥିଲା । ଏନେଇ ଗୁରୁଣ୍ଡିଆ ଥାନାରେ ଉକ୍ତ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ଏତଲା ଦେଇଥିଲେ । ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି କିନ୍ତୁ ସ୍କୁଲ ବନ୍ଦ ଥିବା କାରଣରୁ ତଦନ୍ତ ଠିକ ଭାବରେ ହୋଇପାରୁନଥିଲା । ତୁରନ୍ତ ଉକ୍ତ ଶିକ୍ଷକଙ୍କ ବିରୋଧରେ ସୁନ୍ଦରଗଡ଼ ଡିଇଓ ଦୃଢ କାର୍ଯ୍ୟନୁଷ୍ଠାନ ନେଇ  ନିଲମ୍ବିତ କରିଛନ୍ତି । 

ଅଧିକ ପଢନ୍ତୁ : ସଂସ୍କୃତ ଶିକ୍ଷକଙ୍କ ନାଁରେ ସାଙ୍ଘାତିକ ଅଭିଯୋଗ ଆଣିଲେ ୭ ଛାତ୍ରୀ, ଥାନାରେ ଏତଲା ଦେଲେ ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ