ଭୁବନେଶ୍ୱର : ରାଜ୍ୟରେ ନାହିଁ ସାରର ଅଭାବ। ଯେଉଁ ସବୁ ଜାଗାରେ ଅଭାବ ନେଇ ଖବର ଆସୁଛି ସେଠାକୁ କୌଣସି ଅସୁବିଧା କାରଣରୁ ସାର ନ ପହଞ୍ଚି ଥାଇପାରେ ବୋଲି ଯୋଗାଣ ମନ୍ତ୍ରୀ କହିଛନ୍ତି। 

ସୂଚନା ଥାଉକି ବର୍ତ୍ତମାନ ସାରା ରାଜ୍ୟରେ ସାରର ଘୋର ଅଭାବ ଦେଖା ଦେଇଛି। କେଉଁଠି ୟୁରିଆ ସାର ପାଇଁ ରାସ୍ତା ରୋକ ହେଲାଣି ତ ଆଉ କେଉଁଠି ବିକ୍ଷୋଭ । ସେହିପରି କେତେକ ଆରସିଏମଏସ ରେ ୟୁରିଆ ପାଇଁ ଧାଡି ଲାଗିଲା ପରେ ରାତି ଅନିଦ୍ରା ରହିଛନ୍ତି ଚାଷୀ। କେବଳ ପୁରଷ ଚାଷୀ ନୁହଁ ମହିଳା ଚାଷ ବି ରାତି ଅନିଦ୍ରା ରହୁଛନ୍ତି । ଦୀର୍ଘ ୨୪ ଘଣ୍ଟା ଲାଇନରେ ଲାଗିଲା ପରେ ବି ମିଲୁନି ୟୁରିଆ ସାର। ରାଜ୍ୟରେ ସାର ଯୋଗାଣରେ ବ୍ୟାପକ ଅବ୍ୟବସ୍ଥା, କଳାବଜାର, ଅପମିଶ୍ରଣ ଏବଂ ବଜାରରେ ୟୁରିଆ ମିଳୁନଥିବାରୁ ଚାଷୀ କୂଳ ଏକପ୍ରକାର ହନ୍ତସନ୍ତ ହେଉଛନ୍ତି।

ଅନ୍ୟପଟେ ସାର ଅଭାବ ନେଇ ବିରୋଧୀ ଦଳ ନେତା ନବୀନ ପଟ୍ଟନାୟକ। କେନ୍ଦ୍ର ସାର ଓ ରସାୟନ ମନ୍ତ୍ରୀ ଜେ.ପି ନଡ୍ଡାଙ୍କୁ ପତ୍ର ଲେଖି ସାର ଯୋଗାଣରେ ଅବ୍ୟବସ୍ଥା ସମ୍ପର୍କରେ ଅବଗତ କରାଇବା ସହ ଓଡିଶା ଚାଷୀ କୂଳର ବୃହତ୍ତର ସ୍ୱାର୍ଥ ଦୃଷ୍ଟିରୁ ତୁରନ୍ତ ଆବଶ୍ୟକ ୟୁରିଆ ଯୋଗାଣ ସୁନିଶ୍ଚିତ କରିବାକୁ ଦାବି କରିଛନ୍ତି। ଏହି ଘଟଣାରେ ଯୋଗାଣ ମନ୍ତ୍ରୀ କହିଛନ୍ତି ଯେ ନବୀନ ବାବୁ କେବଳ ଚିଠି ଲେଖନ୍ତି, ପୂର୍ବରୁ ଦିଦିଙ୍କୁ ବି ଚିଠି ଲେଖିଥିଲେ କିନ୍ତୁ ଫଳ କଣ ହେଲା ସମସ୍ତେ ଜାଣିଛନ୍ତି ।