ନବରଙ୍ଗପୁର: ନିଶାଶକ୍ତ ଅବସ୍ଥାରେ ଯୁବକଙ୍କ ଉନ୍ମୁକ୍ତକାଣ୍ଡ । ବିଳମ୍ବିତ ରାତିରେ ସାମ୍ବାଦିକଙ୍କୁ ମରଣାନ୍ତକ ଆକ୍ରମଣ । ଏଭଳି ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ପାପଡାହାଣ୍ଡି ଗ୍ରାମରେ ।

ସୂଚନା ଅନୁସାରେ, ବିଳମ୍ବିତ ରାତିରେ ନବରଙ୍ଗପୁର ଅର୍ଗସ ଜିଲ୍ଲା ସାମ୍ବାଦିକ ସୁମିତ କୁମାର ଘଣ୍ଟ ନବରଙ୍ଗପୁରରୁ ନିଜ ଘର ପାପଡାହାଣ୍ଡିକୁ ମୋଟର ସାଇକଲ ଯୋଗେ ଫେରୁଥିବା ବେଳେ ଅଚାନକ ପାପଡାହାଣ୍ଡି ଥରେ ନିଶାସକ୍ତ ଯୁବକ ହରେକୃଷ୍ଣ ବେହେରା ସାମ୍ବାଦିକ ଙ୍କୁ ଖଣ୍ଡା ରେ ମରଣାନ୍ତକ ଆକ୍ରମଣ କରିଥିଲା । କୌଶଳ କ୍ରମେ ସୁମିତ ଆକ୍ରମଣକାରୀ ଙ୍କ ହାତକୁ ଧରି ଖଣ୍ଡାକୁ କାବୁ କରିଥିବା ବେଳେ ଅନ୍ୟ ହାତରେ ଧରିଥିବା ଚାକୁରେ ଆକ୍ରମଣକାରି ସୁମିତଙ୍କ ଶରୀରର ବିଭିନ୍ନ ସ୍ଥାନରେ ଆକ୍ରମଣ କରିଥିଲା । ଏହାପରେ  ଯନ୍ତ୍ରଣାରେ ଛଟପଟ ହୋଇ ସାମ୍ବାଦିକ ସୁମିତ ଚିତ୍କାର କରି ଦୌଡ଼ି ଥିବା ବେଳେ ଆଖ ପାଖ ଲୋକ ଉଠି ଆସି ସାମ୍ବାଦିକ କୁ ଉଦ୍ଧାର କରି ପାପଡାହାଣ୍ଡି ମେଡିକାଲରେ ଭର୍ତି କରିଥିଲେ । ପରେ ତାଙ୍କ ଅବସ୍ଥା ଗୁରୁତର ହେବାରୁ ଡାକ୍ତର ପ୍ରାଥମିକ ଚିକିତ୍ସା କରିବା ପରେ ଜିଲ୍ଲା ମୁଖ୍ୟ ଚିକିତ୍ସାଳୟ କୁ ପଠାଇଥିଲେ  । ସେଠାରେ ତାଙ୍କ ସ୍ୱାସ୍ଥ୍ୟ ବସ୍ଥା ଉନ୍ନତି ନହେବାରୁ ଡାକ୍ତର ତୁରନ୍ତ ତାଙ୍କୁ ବିଶାଖାପାଟଣାକୁ ସ୍ଥାନାନ୍ତର କରାଯାଇଛି । 

 ଅଧିକ ପଢନ୍ତୁ: ରାଜ୍ୟରେ ସାରର ଅଭାବ ନାହିଁ : ଯୋଗାଣ ମନ୍ତ୍ରୀ