ଶ୍ରୀନଗର: ଜମ୍ମୁ କାଶ୍ମୀର ସୁରକ୍ଷାବଳଙ୍କୁ ଏକ ବଡ଼ ସଫଳତା ମିଳିଛି । ଗୁରେଜ ସେକ୍ଟରରେ ସୁରକ୍ଷାକର୍ମୀଙ୍କ ଗୁଳିରେ ଆତଙ୍କବାଦୀଙ୍କ ବଡ଼ ସହଯୋଗୀ କୁହାଯାଉଥିବା ବାଗୁ ଖାନ ଓରଫ୍ ସମୁଦ୍ର ଚାଚା ଟଳିଛି । ଯାହାକୁ ଆତଙ୍କବାଦୀମାନେ କହୁଥିଲେ ହ୍ୟୁମାନ୍ ଜିପିଏସ୍ । ବାଗୁ ଖାନ ସହିତ ଜଣେ ପାକିସ୍ତାନ ଅନୁପ୍ରବେଶକାରୀକୁ ମଧ୍ୟ ଏନକାଉଣ୍ଟର କରାଯାଇଛି ।
ପ୍ରାପ୍ତ ସୂଚନା ଅନୁସାରେ ଅଗଷ୍ଟ ୨୮ ତାରିଖ, ଗୁରୁବାର ବିଳମ୍ବିତ ରାତିରେ ନୌଶେରା ନାର ଅଞ୍ଚଳରେ କିଛି ପାକିସ୍ତାନୀ ଅନୁପ୍ରବେଶ କରିବାକୁ ଉଦ୍ୟମ କରୁଥିଲେ । ସେଠାରେ ଉପସ୍ଥିତ ଭାରତୀୟ ଯବାନ ସେମାନଙ୍କୁ ଘେରିଯାଇଥିଲେ । ଶୁକ୍ରବାର ସକାଳ ପର୍ୟ୍ୟନ୍ତ ଗୁଳି ଚାଳନା ଏବଂ ତଲାସୀ ଅଭିଯାନ ଜାରି ରହିଥିଲା । ଏହି ଏନକାଉଣ୍ଟରେ ବାଗୁ ଖାନକ ନିପାତ କରିବାରେ ସୁରକ୍ଷାବାହିନୀ ସଫଳତା ହାସଲ କରିଛନ୍ତି ।
ବାଗୁ ଖାନ ଆରମ୍ଭରୁ ହିଜବୁଲ କମାଣ୍ଡର ଥିଲା । କିନ୍ତୁ ପରବର୍ତ୍ତୀ ସମୟରେ ସେ ସମସ୍ତ ଆତଙ୍କୀ ସଙ୍ଗଠନ ପାଇଁ କାମ କରୁଥିଲା । ଏଲଓସି ପାର କରାଇ ଆତଙ୍କବାଦୀଙ୍କୁ ଭାରତରେ ପ୍ରବେଶ କରାଇବାରେ ବାଗୁର ବହୁତ ବଡ଼ ଭୂମିକା ଥିଲା । ପ୍ରାୟ ୧୦୦ରୁ ଅଧିକ ଅନୁପ୍ରବେଶ ଯୋଜନାକୁ ସଫଳ କରିବାରେ ସେ ସଫଳ ହୋଇଛି । ସେଥିପାଇଁ ଆତଙ୍କବାଦୀମାନେ ତାକୁ ହ୍ୟୁମାନ୍ ଜିପିଏସ୍ ନାଁ ଦେଇଥିଲେ ।
ଗତ ଏକ ବର୍ଷ ହେବ ସିଏ ଖସି ପଳାଇବାରେ ସଫଳ ହେଉଥିଲା । ବାଗୁ ଖାନ ଏନକାଉଣ୍ଟର ଆତଙ୍କବାଦୀ ସଙ୍ଗଠନ ପାଇଁ ଏକ ଶକ୍ତ ଝଟକା ବୋଲି କୁହାଯାଉଛି ।