ଢେଙ୍କାନାଳ : ଦୀର୍ଘ ୧୪ ଦିନ ପରେ ଜାମିନରେ ଜେଲରୁ ଫେରିଲେ ବହୁ ଚର୍ଚ୍ଚିତ ମଦନ ମୋହନ ପରିଡା ଓରଫ ବାବା ମଧୂ ମଙ୍ଗଳ। ବାବାଙ୍କ ନାମରେ ଆସିଥିଲା ଦୁଷ୍କର୍ମ ଭଳି ସଙ୍ଗୀନ ଅଭିଯୋଗ। ବାବା ମଠକରଗୋଳା ଗାଁ ସ୍ଥିତ ମଠରେ ଯୌନ ଶୋଷଣ କରିଥିବା ଅଭିଯୋଗ ଆସିଥିଲା। 

 ବାବାଙ୍କୁ ଫସେଇ ଦିଆଯାଇଥିବା ବାବା ଗଣମାଧ୍ୟମରେ କହିଛନ୍ତି। ତେବେ କାମାକ୍ଷାନଗର ଜେଲରୁ ବାବା ମୁକୁଳିବା ପରେ ତାଙ୍କ ଅନୁଗାମୀ ମାନେ ବାବାଙ୍କୁ ପାଛୋଟି ନେଇଥିଲେ।

ସୂଚନା ଥାଉକି, ଜଣେ ବିବାହିତା ମହିଳାଙ୍କୁ ଠାକୁର ନୀତିକାନ୍ତି କରିବା ଆଳରେ ମଠରେ ରଖି ଯୌନ ନିର୍ଯାତନା ଦେଉଥିଲେ । ମହିଳା ଜଣଙ୍କ ପ୍ରତିବାଦ କରିବାରୁ ବାବା ତାଙ୍କୁ ଜୀବନରେ ମାରିଦେବାକୁ ମଧ୍ୟ ଧମକ ଦେଇଥିଲେ। ତେବେ ବାବାର ମଠରୁ କୌଣସି ପ୍ରକାରରେ ପୀଡିତା ଜଣଙ୍କ ଖସି ଆସି ସ୍ଥାନୀୟ ସରପଞ୍ଚଙ୍କୁ ଅଭିଯୋଗ କରିବାରୁ କାମାକ୍ଷାନଗର ଥାନା ପୋଲିସ ମହିଳାଙ୍କୁ ଉଦ୍ଧାର କରିଥିଲା । ଏ ସମ୍ପର୍କରେ ମହିଳାଙ୍କ ଅଭିଯୋଗ ମୁତାବକ କାମାକ୍ଷାନଗର ଥାନାରେ ଅଭିଯୁକ୍ତ ବାବା ମଧୁ ମଙ୍ଗଳ ଦାସ ନାମରେ ଏକ ମାମଲା ରୁଜୁ କରି ଗିରଫ କରାଯାଇଥିଲା।