ନୂଆଦିଲ୍ଲୀ: ମଧ୍ୟ ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ ବିଜେପି ନେତା ଉମା ଭାରତୀ ରାଜନେତାଙ୍କ ଅବସର ବୟସ ଓ ନିର୍ବାଚନ ଲଢିବାକୁ ନେଇ ବଡ କଥା କହିଛନ୍ତି । ଶନିବାର ଏକ ସାକ୍ଷାତକାରରେ ଏହି ବରିଷ୍ଠ ନେତ୍ରୀ କହିଛନ୍ତି ଯେ, ରାଜନୈତିକ ଦଳ ଅବସରର ବୟସ ସୀମା ସ୍ଥିର କରି ପାରିବ, ମାତ୍ର କେହି ବି ଏହା ସ୍ଥିର କରି ପାରିବେ ନାହିଁ ଯେ, କୌଣସି ବ୍ୟକ୍ତିଙ୍କ ଯୋଗଦାନର କ୍ଷମତା କେଉଁ ବୟସରେ ସମାପ୍ତ ହେବ ।
ଇଣ୍ଟରଭ୍ୟୁରେ ତାଙ୍କୁ ତାଙ୍କର ପ୍ରଥମ ବୟାନକୁ ନେଇ ପ୍ରଶ୍ନ କରାଯାଇଥିଲା । ଯେଉଁଥରେ ଉମା ଭାରତୀ କହିଥିଲେ ଯେ, ରାଜନୀତିରୁ ସନ୍ନ୍ୟାସ ନେଇ କୌଣସି ବୟସ ନ ଥାଏ । ମୁଁ ନିର୍ବାଚନ ଲଢିବି । ମୋର ରବୟସ ୬୫ ବର୍ଷ ବି ହୋଇନି । ମୁଁ ସେ ପର୍ଯ୍ୟନ୍ତ ଲଢିବି ଯେ ପର୍ଯ୍ୟନ୍ତ ମୁଁ ନିର୍ବାଚନ ଲଢିବାକୁ ପ୍ରସ୍ତୁତ । ଏଏନଆଇକୁ ଦେଇଥିବା ସାକ୍ଷାତକାରରେ ଏହି ବିଜେପି ନେତ୍ରୀ କହିଛନ୍ତି, କୌଣସି ବି ସଂଗଠନ, ରାଜନୈତିକ ଦଳ, ସଂସ୍ଥା ଅବସରର ବୟସ ସୀମା ସ୍ଥିର କରି ପାରିବେ । ମାତ୍ର କୌଣସି ବ୍ୟକ୍ତିର ଯୋଗଦାନର ସୀମା ସ୍ଥିର କରି ପାରିବେ ନାହିଁ । ଯୋଗଦାନର କୌଣସି ବୟସ ନ ଥାଏ । ରାଜନୀତି ଏକ ମଞ୍ଚ ଏବଂ ଯୋଗଦାନ ମୋର କ୍ଷମତା ।
ସେ କହିଛନ୍ତି, ମୋର ଏକ ଦୁର୍ବଳତା ମୁଁ ନିଜର ପ୍ରତିବଦ୍ଧତା ପ୍ରତି ବହୁତ ସଚ୍ଚୋଟ ରହିଥାଏ । ଯଦି ମୋତେ କୌଣସି ସଂସଦୀୟ ସିଟ୍ ପାଇଁ ନିର୍ବାଚନ ଲଢିବାକୁ କୁହାଯାଏ ତେବେ ମୁଁ ମୋର ପୂରା ସମୟ ସଂସଦୀୟ କ୍ଷେତ୍ରର ଲୋକଙ୍କୁ ସମର୍ପିତ କରିବି । ଏଥିରେ କାହାରି ସମସ୍ୟା ହେବା କଥା ନୁହେଁ ।
Also read: ପେନସନ ପାଇଁ ଆବେଦନ କଲେ ଧନଖଡ଼