ବଣାଇ: ପୁଣି ଗୁରୁ ନାଁରେ କଳଙ୍କର ଦାଗ । ଗୁରୁ ଶିଷ୍ୟ ଭଳି ପବିତ୍ର ସମ୍ପର୍କରେ ଲାଗିଲା କଳା ଦାଗ । ଛାତ୍ରୀଙ୍କୁ ଅସଦାଚରଣ କରିଥିବା ନେଇ ସଂସ୍କୃତ ଶିକ୍ଷକଙ୍କ ନାଁରେ ସାଙ୍ଘାତିକ ଅଭିଯୋଗ କରିଛନ୍ତି ୬ରୁ ୭ ଜଣ ଛାତ୍ରୀ । ଏପରି ଏକ ଘଟଣା ସୁନ୍ଦରଗଡ଼ ଜିଲ୍ଲା ଗୁରୁଣ୍ଡିଆ ବ୍ଲକରେ ଘଟିଛି ।

ସୂଚନା ଅନୁସାରେ, ଗୁରୁଣ୍ଡିଆ ବ୍ଲକର ଏକ ଉଚ୍ଚ ବିଦ୍ୟାଳୟର ଛାତ୍ରୀଙ୍କୁ ସଂସ୍କୃତ ଶିକ୍ଷକଙ୍କ ଅସଦାଚାରଣ କରିଥିବା ଅଭିଯୋଗ ହୋଇଛି । ସ୍କୁଲ ପ୍ରଶାସନ ପକ୍ଷରୁ ଉକ୍ତ  ଶିକ୍ଷକଙ୍କୁ ତାଗିଦ କରାଯାଇଥିଲା କିନ୍ତୁ କିଛି ବି ସୁଧାର ଆସିନଥିଲା । ଏନେଇ ଗୁରୁଣ୍ଡିଆ ଥାନାରେ ଉକ୍ତ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ଏତଲା ଦେଇଥିଲେ । ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି କିନ୍ତୁ ସ୍କୁଲ ବନ୍ଦ ଥିବା କାରଣରୁ ତଦନ୍ତ ଠିକ ଭାବରେ ହୋଇପାରୁନି । ସ୍କୁଲ ଖୋଲିଲେ ଏନେଇ ଅଧିକ ତଦନ୍ତ କରାଯିବ ବୋଲି ସୂଚନା ମିଳିଛି ।

ଅଧିକ ପଢନ୍ତୁ : ପାର୍ବଣ ପୂର୍ବରୁ ଆକ୍ସନ ମୋଡରେ ପୋଲିସ: ୨୦ରୁ ଅଧିକ ପଏଣ୍ଟରେ ହେବ ଚେକିଂ ପ୍ରକ୍ରିୟା