ଭୁବନେଶ୍ୱର: ପାର୍ବଣ ଋତୁ ପାଇଁ କମିଶନରେଟ ପୋଲିସ ତରଫରୁ ସହରର ବିଭିନ୍ନ ସ୍ଥାନରେ ଜାରି ରହିଛି ଚେକିଙ୍ଗ ପ୍ରକ୍ରିୟା । ଚେକିଙ୍ଗରେ ଗାଡି ଚାଳକଙ୍କ ଗାଡ଼ି ଡିକି ଗୁଡ଼ିକ ଖୋଲିଯାଇ ଚେକିଂ କରିବା ସହ ଡ୍ରିଙ୍କ ଆଣ୍ଡ ଡ୍ରାଇଭ୍ କୁ ମଧ୍ୟ ଚେକିଙ୍ଗ କରାଯାଉଛି । ବିଭିନ୍ନ ଜୋନର ଏସିପି ଏବଂ ଥାନାଧିକାରୀ ନାକା ଚେକିଙ୍ଗରେ ସାମିଲ ଅଛନ୍ତି । ପାର୍ବଣକୁ ଦୃଷ୍ଟିରେ ରଖି ବେଆଇନ ନିଶା କାରବାର ତଥା ଅପରାଧିକ କାର୍ଯ୍ୟକଳାପ ଉପରେ ନଜର ରଖିବା ପାଇଁ କରାଯାଉଛି ଚେକିଙ୍ଗ । ଅପରାଧୀ ମାନେ ଯେଉଁଭଳି କୌଣସି ଅପରାଧ ନକରି ପାରିବେ ସେଥି ପାଈଁ ପୋଲିସ ତତ୍ପର ରହିଛି ବୋଲି କଟକ ଡିସିପି ପ୍ରତିକ୍ରିୟା ଦେଇଛନ୍ତି ।
ତେବେ ପାଟ୍ରୋଲିଂ ଟିମ୍ କୁ ସକ୍ରିୟ କରିଛି ପୋଲିସ । ସହରର ୯ଟି ମୁଖ୍ୟ ଅଞ୍ଚଳ ଏବଂ ପ୍ରବେଶ ପ୍ରସ୍ଥାନ ପଥରେ ଚେକିଙ୍ଗ ବ୍ଲକିଂ କାର୍ଯ୍ୟ ଆରମ୍ଭ କରିଛି କମିଶନରେଟ ପୋଲିସ । ସେହିଭଳି ୨୦ରୁ ଅଧିକ ପଏଣ୍ଟରେ ଏହି ପ୍ରକ୍ରିୟା ଜାରି ରହିବ ବୋଲି ସୂଚନା ମିଳିଛି । ସହରର ସମ୍ବେଦନଶୀଳ ଅଞ୍ଚଳଗୁଡିକ ଉପରେ ପାର୍ବଣ ସମୟରେ କମିଶନରେଟ ପୋଲିସର କଡା ନଜର ରହିଛି ବୋଲି ମଧ୍ୟ କଟକ ଡିସିପି ସୂଚନା ଦେଇଛନ୍ତି । ଆଉ ଏହା ସହିତ ଜେଲ ଫେରନ୍ତା ଅପରାଧୀଙ୍କ ଉପରେ ବି ନଜର ରଖିଛି ପୋଲିସ ।