ଭୁବନେଶ୍ୱର: ଦେଶକୁ ଆଗକୁ ନେବାକୁ ହେଲେ ସମସ୍ତ ବର୍ଗର ଲୋକଙ୍କୁ ସାଥୀରେ ନେଇ ଚାଲିବା ଉଚିତ । ସମସ୍ତଙ୍କୁ ନ୍ୟାୟ ଏବଂ ସେମାନଙ୍କ ଅଧିକାର ଦେବାକୁ ହେବ । ଭୁବନେଶ୍ୱର ଆୟୋଜିତ ଅନୁସୂଚିତ ଜାତି ଏବଂ ଜନଜାତି ସମ୍ମିଳନୀକୁ ଉଦଘାଟନ କରିବା ଅବସରରେ କହିଛନ୍ତି ଲୋକସଭା ବାଚସ୍ପତି ଓମ୍ ବିର୍ଲା ।
ଏହି ଗଣତନ୍ତ୍ରର ଭୂମିରେ ଆମେ ସମାଜରୁ ବଞ୍ଚିତ ହେଉଥିବା ଗରିବ, ନିଷ୍ପେଷିତ ଏବଂ ଜନଜାତି ପାଇଁ ଆମେ କରିବା । ଜନଜାତି ସମ୍ପ୍ରଦାୟଙ୍କ ଜୀବନରେ ସାମାଜିକ ଏବଂ ଆର୍ଥିକ ଶକ୍ତି ଦେବାକୁ ଆମେ କରିବା । ସେମାନଙ୍କ ଅଧିକାର ଦେବାକୁ କିପରି ଆମର ସଂସଦୀୟ କମିଟିର ଭୂମିକା ରହିବ ତାହା ଉପରେ ଆଲୋଚନା କରିବା । ଜନଜାତିଙ୍କ ସାମ୍ବିଧାନିକ ନ୍ୟାୟ ଦେବା ଏବଂ ସମସ୍ତଙ୍କୁ ସେମାନଙ୍କ ଅଧିକାର ଦେବାକୁ ହେବ ଏବଂ ତାକୁ ସୁରକ୍ଷିତ କରିବାକୁ ପଡ଼ିବ । ଜନଜାତିଙ୍କୁ ନ୍ୟାୟ ଦେବାର ଏହି ସଂସଦୀୟ କମିଟିର ଭୂମିକା ବହୁତ ମହତ୍ୱ ରଖୁଛି । ସଂସଦୀୟ କମିଟି ଦଳରୁ ଉର୍ଦ୍ଧ୍ୱରେ ରହି କାମ କରୁ ବୋଲି ବାଚସ୍ପତି ପରାମର୍ଶ ଦେଇଛନ୍ତି ।
ଭୁବନେଶ୍ୱରର ବର୍ତ୍ତମାନର ବଦଳୁଥିବା ପରିସ୍ଥିତି ଅନୁଯାୟୀ ଏହି ସମ୍ମିଳନୀରେ, କମିଟି ଯାହା ପ୍ରସ୍ତାବ ଦେବ, ତାହାକୁ କାର୍ଯ୍ୟକାରୀ କରାଯିବ। ଏହାଫଳରେ ଦେଶରେ ଏକ ସମତା ଭିତ୍ତିକ ସମାଜ ଗଠନ ପାଇଁ ଆମର ଯେଉଁ ଲକ୍ଷ୍ୟ ଅଛି ତାହା ସମ୍ପୂର୍ଣ୍ଣ ଭାବେ ପୂରଣ ହୋଇପାରିବ। ଏହାଦ୍ୱାରା ବିକଶିତ ଭାରତ ଗଠନର ଲକ୍ଷ୍ୟ ମଧ୍ୟ ସଫଳ ହେବ ବୋଲି ଶ୍ରୀ ବିର୍ଲା କହିଥିଲେ।
ବାବା ସାହେବ ଆମ୍ବେଦକରଙ୍କର ବିଚାରକୁ ନେଇ ସମ୍ବିଧାନର ମୂଳ ସିଦ୍ଧାନ୍ତ ପ୍ରସ୍ତୁତ କରାଯାଇଛି। ଦୀର୍ଘ ୭୮ ବର୍ଷ ଧରି ଏହି ସିଦ୍ଧାନ୍ତକୁ ନେଇ ଦେଶ ଆଗକୁ ବଢୁଛି। ଏହି ସିଦ୍ଧାନ୍ତ ଅନୁଯାୟୀ ଅନୁସୂଚିତ ଜାତି ଓ ଜନଜାତି ତଥା ବିଭିନ୍ନ ପଛୁଆ ବର୍ଗଙ୍କୁ ସାମାଜିକ ଓ ଆର୍ଥିକ କ୍ଷେତ୍ରରେ ନ୍ୟାୟ ଦେବା ପାଇଁ ପଦକ୍ଷେପ ନିଆଯାଉଛି। ଆଜିର ଏହି କମିଟିର ଆଲୋଚନା ଓ ଅନୁଶୀଳନରୁ ଯେଉଁ ଯେଉଁ ନୂଆ ଚିନ୍ତାଧାରାର ପରିପ୍ରକାଶ ହେବ, ତାକୁ ଗ୍ରହଣ କରି, ତଥା ବିଭିନ୍ନ ରାଜ୍ୟରେ କାର୍ଯ୍ୟକାରୀ ହେଉଥିବା ବେଷ୍ଟ ପ୍ରାକ୍ଟିସେସ୍କୁ ଅନ୍ୟାନ୍ୟ ସ୍ଥାନରେ କାର୍ଯ୍ୟକାରୀ କରାଯାଇ, ଏହି ବର୍ଗର ଲୋକଙ୍କ ପାଇଁ ଏକ ସମତା ଭିତ୍ତିକ ଓ ନ୍ୟାୟପୂର୍ଣ୍ଣ ସମାଜ ଗଠନ କରାଯାଇ ପାରିବ ବୋଲି ଶ୍ରୀ ବିର୍ଲା କହିଥିଲେ।
ଜନଜାତିଙ୍କ ଆର୍ଥିକ, ଶିକ୍ଷା ଏବଂ ସାମାଜିକ କ୍ଷେତ୍ରରେ ପରିବର୍ତ୍ତନ ଜରୁରୀ ଅଟେ । କେଉଁ ଯୋଜନା ସେମାନଙ୍କର ଆର୍ଥିକ ପରିବର୍ତ୍ତନ ଆଣିବ ଏବଂ କେଉଁ ଯୋଜନାରେ ସଂଶୋଧନ ଜରୁରୀ ତାହା ଉପରେ ଏହି ଦୁଇ ଦିନ ମଧ୍ୟରେ ଆଲୋଚନା କରିବା ।
ଏହି ଅବସରରେ ବାଚସ୍ପତି ରାଷ୍ଟ୍ରପତିଙ୍କ କଥା ମଧ୍ୟ କହିଛନ୍ତି । ଦେଶର ପ୍ରଥମ ମହିଳା ଆଦିବାସୀ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏହି ମାଟିରୁ ଆସିଛନ୍ତି । ସେ ଆମ ଦେଶକୁ ପ୍ରତିନିଧିତ୍ୱ କରୁଛନ୍ତି । ଦେଶର ଲୋକତନ୍ତ୍ର ଏବଂ ଗଣତନ୍ତ୍ରର ଶକ୍ତି ପୂରା ବିଶ୍ୱକୁ ଅବଗତ କରାଉଛନ୍ତି । ଗାଁରେ ବସି ଜଣେ ବ୍ୟକ୍ତି ମଧ୍ୟ ଦେଶର ରାଷ୍ଟ୍ରପତି ଏବଂ ପ୍ରଧାନମନ୍ତ୍ରୀ ହୋଇପାରିବ । ଏହାହିଁ ହେଉଛି ଆମର ଲୋକତନ୍ତ୍ର । ଯଦି ଆମକୁ ଦେଶକୁ ଆଗକୁ ବଢ଼ାଇବାକୁ ହେଲେ ଆମକୁ ପଛୁଆ ବର୍ଗ ଏବଂ ଦଳିତମାନଙ୍କୁ ଆଗକୁ ବଢ଼ାଇବାକୁ ବଢ଼ିବ । ସେମାନଙ୍କୁ ଆବଶ୍ୟକତା ଅନୁସାରେ ନ୍ୟାୟ ଦେବାକୁ ପଡ଼ିବ ।
ଏସସିଏସଟିଙ୍କ ହେଉଥିବା ବଜେଟ ଆବଣ୍ଟନର ସମୀକ୍ଷା ହେବା ଉଚିତ । ଯେଉଁ ଯୋଜନା ଗୁଡ଼ିକ ଅଛି ତାର କାର୍ଯ୍ୟକାରିତା ହେବା ଜରୁରୀ । ସମସ୍ତ ବିଧାୟକ ଏବଂ ସାଂସଦକୁ ସମସ୍ତ ଯୋଜନା ସମ୍ପର୍କରେ ଅବଗତ ହେବା ଜରୁରୀ ଏବଂ ତାହାକୁ କିପରି ଲୋକଙ୍କ ପାଖରେ ପହଁଚାଯାଇ ପାରିବ ତାହା ଉପରେ କାର୍ଯ୍ୟ କରିବା ଉଚିତ ବୋଲି କହିଛନ୍ତି ବାଚସ୍ପତି ।