ନୂଆଦିଲ୍ଲୀ: ବିହାର ବିଧାନସଭା ନିର୍ବାଚନରେ ଜନସୂରଜ ପାର୍ଟୀକୁ ଲାଗିଥିବା ଝଟକାରୁ ବାହାରି ପାରୁ ନାହାଁନ୍ତି ପ୍ରଶାନ୍ତ କିଶୋର । ମହାତ୍ମା ଗାନ୍ଧୀଙ୍କ ପ୍ରେରଣାରେ ଅନୁପ୍ରାଣିତ ହୋଇ ପୁନଃ ଜନ ଆନ୍ଦୋଳନ କରିବାକୁ ସଂକଳ୍ପ କରିଛନ୍ତି । ଏହା ସହିତ ଦଳକୁ ଆଗକୁ ନେବାକୁ ନିଜର ସମ୍ପତ୍ତି ଦାନ କରିବାକୁ ଘୋଷଣା କରିଦେଇଛନ୍ତି । 

ବିହାର ନିର୍ବାଚନରେ ୨୩୮ଟି ଆସନରେ ଲଢ଼ି ଶୂନ୍ୟରେ ପରାଜିତ ହୋଇଥିବା ପ୍ରଶାନ୍ତ କିଶୋର ଚମ୍ପାରଣ ଗାନ୍ଧୀ ଆଶ୍ରମରେ ୨୪ ଘଣ୍ଟିଆ ମୌନ ବ୍ରତ କରିଥିଲେ । ଶୁକ୍ରବାର ତାଙ୍କର ମୌନ ବ୍ରତ ସମାପନ କରିଛନ୍ତି । ଏହା ପରେ ପ୍ରଶାନ୍ତ ସାମ୍ବାଦିକ ସମ୍ମିଳନୀ କରି ଦଳର ଆଗାମୀ କାର୍ଯ୍ୟପନ୍ଥା ଉପରେ ଆଲୋଚନା କରିଛନ୍ତି । ପ୍ରଶାନ୍ତ କିଶୋର କହିଛନ୍ତି ଯେ କେବଳ ସରକାର କିମ୍ବା କ୍ଷମତା ପରିବର୍ତ୍ତନ କଲେ ବ୍ୟବସ୍ଥା ପରିବର୍ତ୍ତନ ହୁଏ ନାହିଁ; ସମାଜ ଭିତରେ ପରିବର୍ତ୍ତନ ଆଣିବା ଅତ୍ୟନ୍ତ ଜରୁରୀ । ସେଥିପାଇଁ ସେ ତାଙ୍କର ଲଢ଼େଇ ଜାରି ରଖିବେ। ଆସନ୍ତା ଜାନୁଆରୀ ୧୫ ତାରିଖରୁ ସେ ବିହାରର ସମସ୍ତ ୧ ଲକ୍ଷ ୧୮ ହଜାର ୱାର୍ଡ ପରିଦର୍ଶନ କରିବେ ଏବଂ ବିହାର ନବନିର୍ମାଣ ସଂକଳ୍ପ ଅଭିଯାନ ଅଧୀନରେ ଜନସାଧାରଣଙ୍କ ସହ ସିଧାସଳଖ ଯୋଗାଯୋଗ କରିବେ। ଏହି ସମୟ ମଧ୍ୟରେ, ସେ ଲୋକମାନଙ୍କୁ ସରକାରଙ୍କ ପ୍ରତିଶ୍ରୁତିର ପ୍ରକୃତ ସ୍ଥିତି ଉପସ୍ଥାପନ କରିବେ ଏବଂ ସେଗୁଡ଼ିକୁ ପୂରଣ କରିବା ପାଇଁ ପଦକ୍ଷେପ ନେବେ। ଦଳର ମହିଳା ମାନେ ଫର୍ମ ପୂରଣ କରାଇବେ, କାରଣ ସେମାନଙ୍କୁ ୧୦ ହଜାର ଟଙ୍କା ମିଳିବ । ଆମେରିକା ଭଳି ଦେଶକୁ ଭୋଟ ଦେବାର ଅଧିକାର ପାଇବାକୁ ବହୁତ ସମୟ ଲାଗିଥିଲା। ନିର୍ବାଚନ ପୂର୍ବରୁ, ସରକାର ଗରିବ ମହିଳାଙ୍କୁ ପ୍ରତ୍ୟେକଙ୍କୁ ୧୦,୦୦୦ ଟଙ୍କା ଦେବା ପାଇଁ ଏକ ଯୋଜନା ଆରମ୍ଭ କରନ୍ତି । ଏହା ପରେ, ଆତ୍ମନିଯୁକ୍ତି ପାଇଁ ୨ ଲକ୍ଷ ଟଙ୍କା ଦିଆଯିବ। ଏହା ସରକାରୀ ଯନ୍ତ୍ରପାତି ବ୍ୟବହାର କରି ସେମାନଙ୍କର ଭୋଟ କିଣିବା ପାଇଁ କରାଯାଏ । ସେମାନଙ୍କୁ ଜୀବିକା ନିର୍ବାହ ଗୋଷ୍ଠୀ ସହିତ ଯୋଡା ଯାଇଥାଏ ଯାହା ଦ୍ୱାରା ସେମାନେ ଟଙ୍କା ପାଇଁ ଠକାମିରେ ପଡ଼ନ୍ତି ବୋଲି କହିଛନ୍ତି ପ୍ରଶାନ୍ତ ।

ପ୍ରଶାନ୍ତ କିଶୋର ସାମ୍ବାଦିକଙ୍କ ସହିତ ବାର୍ତ୍ତାଳାପରେ କହିଛନ୍ତି ଯେ ୨୦ ବର୍ଷରେ ସେ ଯାହାବି କମାଇଛନ୍ତି, କେବଳ ଦିଲ୍ଲୀର ଘରକୁ ଛାଡ଼ି ସମସ୍ତ ଅଚଳାଚଳ ସମ୍ପତ୍ତି ଦଳକୁ ଦାନ କରିବେ । ଆଗାମୀ ୫ ବର୍ଷ ଯାଏ ନିଜ ରୋଜଗାରର ୯୦ ପ୍ରତିଶତ ଦାନ କରିବେ । ଖାଲି ସେତିକି ନୁହେଁ ସାଧାରଣ ଜନତାଙ୍କୁ ମଧ୍ୟ ବର୍ଷକୁ ଅତିକମରେ ୧୦୦୦ ଟଙ୍କା ଜନ ସୂରାଜ ଦଳକୁ ଦାନ କରିବାକୁ କର୍ମକର୍ତ୍ତାଙ୍କୁ ଆହ୍ୱାନ କରିଛନ୍ତି । ଏହା ସହିତ ବଡ଼ ସର୍ତ୍ତ ବି ରଖିଛନ୍ତି । ସେ କହିଛନ୍ତି ଯେ ଯିଏ ବର୍ଷକୁ ୧୦୦୦ ଟଙ୍କା ଦାନ କରିବ ସେ ତାକୁ ହିଁ ଭେଟିବେ । ଏବେ ସଂଘର୍ଷର ସମୟ ଆରମ୍ଭ ହୋଇଥିବା କହିଛନ୍ତି ପ୍ରଶାନ୍ତ କିଶୋର ।