ଭୁବନେଶ୍ୱର: ଓଡ଼ିଶାର ୨ ଜିଲ୍ଲା ପାଇଁ ପୁଣି ଜାରି ହୋଇଛି ନାଓକାଷ୍ଟ ସତର୍କ ସୂଚନା। ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର (RMC) ପୂର୍ବାନୁମାନ କରିଛି ଯେ ଆସନ୍ତା ୩ ଘଣ୍ଟା ମଧ୍ୟରେ ମୟୂରଭଞ୍ଜ ଓ କେନ୍ଦୁଝର ଜିଲ୍ଲାର କେତେକ ସ୍ଥାନରେ ବଜ୍ରପାତ ଓ ଘଡ଼ଘଡ଼ି ସହ ହାଲୁକାରୁ ମଧ୍ୟମ ଧରଣର ବର୍ଷା ହୋଇପାରେ।

ପାଣିପାଗ ବିଭାଗ କହିଛି, ବର୍ଷା ସହ ବିଜୁଳି ଚମକିବାର ଆଶଙ୍କା ଥିବାରୁ ଲୋକମାନେ ସତର୍କ ରହିବା ଆବଶ୍ୟକ। ବିଶେଷ କରି ଖୋଲା ପଡ଼ିଆ, ଚାଷଜମି ଓ ଗଛ ତଳେ ଆଶ୍ରୟ ନେବାକୁ ବାରଣ କରାଯାଇଛି।

ପାଣିପାଗ ବିଭାଗର ପରାମର୍ଶ

• ଅନାବଶ୍ୟକ ବାହାରକୁ ଯାଆନ୍ତୁ ନାହିଁ
• ବଜ୍ରପାତ ସମୟରେ ସୁରକ୍ଷିତ ସ୍ଥାନରେ ରୁହନ୍ତୁ
• ପାଣିପାଗ ଅପଡେଟ୍ ଉପରେ ନଜର ରଖନ୍ତୁ
• ଯାତ୍ରା କରିବା ପୂର୍ବରୁ ସ୍ଥାନୀୟ ପାଗ ସ୍ଥିତି ଯାଞ୍ଚ କରନ୍ତୁ

ଆସନ୍ତା କିଛି ଘଣ୍ଟା ପର୍ଯ୍ୟନ୍ତ ଏହି ଦୁଇ ଜିଲ୍ଲାରେ ପାଗ ଅସ୍ଥିର ରହିପାରେ ବୋଲି RMC ସୂଚନା ଦେଇଛି।