ଢେଙ୍କାନାଳ : ଢେଙ୍କାନାଳ ବିଜେଡିକୁ ବଡ ଝଟକା । ପଦ ହରାଇଲେ ଢେଙ୍କାନାଳ ସଦର ବ୍ଲକ ଅଧ୍ୟକ୍ଷା ରାଜଶ୍ରୀ ନାୟକ । ଅନାସ୍ଥା ଭୋଟିଂର ଆଜି ଫଳ ପ୍ରକାଶ ପାଇଛି । ଏଥିରେ ଅଧ୍ୟକ୍ଷାଙ୍କ ବିପକ୍ଷରେ ୪୪ ଭୋଟ୍ ପଡିଥିବା ବେଳେ ସପକ୍ଷରେ ୧୭ ଭୋଟ୍ ପଡିଛି । ଗୋଟିଏ ଭୋଟ୍ ନାକଚ ହୋଇଛି । ଏହିପରି ଭାବେ ଅନାସ୍ଥା ଭୋଟ୍ ହାରି ନିଜର ପଦ ହରାଇଛନ୍ତି ବିଜେଡିର ଅଧ୍ୟକ୍ଷା । 

ଅନାସ୍ଥା ଭୋଟରେ ୨ ବିଧାୟକ, ଢେଙ୍କାନାଳ ସାଂସଦଙ୍କୁ ମିଶାଇ ୬୧ ଜଣ ଭୋଟ୍ ଦେଇଥିଲେ । ସଦର ବ୍ଲକ ଅଧ୍ୟକ୍ଷା ପଦ ହରାଇଥିବା ନିର୍ବାଚନ ରିଟର୍ଣ୍ଣିଂ ଅଫିସର ସୂଚନା ଦେଇଛନ୍ତି । ଏହା ପୂର୍ବରୁ ଅଧ୍ୟକ୍ଷାଙ୍କ କାର୍ଯ୍ୟଶୈଳୀକୁ ପ୍ରତିବାଦ କରି ଅନେକ ଦିନ ଧରି ସଭ୍ୟମାନେ ବିରୋଧ କରି ଆସିଥିଲେ । ଧିରେ ଧିରେ ଅଧ୍ୟକ୍ଷାଙ୍କ ବିରୋଧରେ ସମିତି ସଭ୍ୟ ମେଳି ହୋଇଥିଲେ । ଏହା ପରେ ଅଧ୍ୟକ୍ଷା ରାଜଶ୍ରୀ ନାୟକଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଣିଥିଲେ । ଆଉ ଅନାସ୍ଥାରେ ଶୋଚନୀୟ ଭାବେ ହାରିଛନ୍ତି ଅଧ୍ୟକ୍ଷା ରାଜଶ୍ରୀ ନାୟକ । ଏହା ଜିଲ୍ଲା ବିଜେଡିକୁ ବଡ ଝଟକା କୁହାଯାଉଛି ।