ପାରାଦ୍ଵୀପ: ପୋଲ ଉପରୁ ନଦୀକୁ ଡ଼େଇଁ ଯୁବକଙ୍କ ଜୀବନ ହାରିବା ଉଦ୍ୟମ, ଅନ୍ୟ ଜଣେ ବ୍ୟକ୍ତି ଯୁବକଙ୍କୁ ଉଦ୍ଧାର କରିବାକୁ ନଦୀକୁ ପଶିଥିଲେ ମଧ୍ୟ ଉଦ୍ଧାର କରିଵାରେ ବିଫଳ ହୋଇଛନ୍ତି । ସୂଚନା ଅନୁସାରେ, ପାରାଦୀପ ଉପକଣ୍ଠ ଭୁତମୁଣ୍ଡାଇ ପୋଲ ଉପରୁ ମହାନଦୀ କୁ ଡେଇଁ ପଡିଲେ ଯୁବକ ।

ଖବର ପାଇବା ପରେ ଘଟଣା ସ୍ଥଳରେ ଅଗ୍ନିଶମ ବିଭାଗ ପହଞ୍ଚିବା ସହିତ ଖୋଜାଖୋଜି ଆରମ୍ଭ କରିଛି । କିଛି ଦେଖଣାହାରୀଙ୍କ କହିବା ଅନୁଯାଇ, ଜଣେ ଯୁବକ ଆସି କିଛି ସମୟ ପୋଲ ଉପରେ ଠିଆ ହୋଇଥିଲା। ହଠାତ ପୋଲ ଉପରୁ ପାଣିକୁ ଡ଼େଇଁ ପଡ଼ିଥିଲେ । ଯୁବକଟି ପାଣିକୁ ଡ଼େଇଁ ପଡିବା ଦେଖି ଅନ୍ୟ ଜଣେ ବ୍ୟକ୍ତି ଯୁବକକୁ ଉଦ୍ଧାର ଜରିବାକୁ ପାଣିକୁ ଡ଼େଇଁଥିଲେ ମଧ୍ୟ ଉଦ୍ଧାର କରିବାରେ ବିଫଳ ହୋଇ ଫେରିବା ପରେ ଅଗ୍ନିଶମ ବାହିନୀ ତରଫରୁ ଉଦ୍ଧାର କାର୍ଯ୍ୟ ଜାରି ରହିଛି । ଯୁବକ ଜଣକ ହେଲେ ମଙ୍ଗରାଜପୁର ଗ୍ରାମର ବିଭୁ ମାଝୀ । ଦୁର୍ଘଟଣା ରେ ଭଉଣୀର ମୃତ୍ୟୁ ପରେ  ମାନସିକ ରୋଗ ପାଇଁ ଚିକିତ୍ସିତ ହେଉଥିଲେ ବିଭୁ । ଆଜି ଘରୁ ପଳାଇ ଆସି ମହାନଦୀ କୁ ଡେଇଁ ପଡିଥିଲେ। ଅଗ୍ନିଶମ ବାହିନୀ ପକ୍ଷରୁ ଖୋଜାଖୋଜି ଜାରି ରହିଛି ।