ଭୁବନେଶ୍ୱର: ମଧ୍ୟପ୍ରାଚ୍ୟ ଯୁଦ୍ଧରେ  ଓଡ଼ିଶାର ଶକ୍ତି କ୍ଷେତ୍ର ଉପରେ ସମ୍ଭାବ୍ୟ ପ୍ରଭାବର ମୁକାବିଲା ପାଇଁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆଜି ଏକ ଜରୁରୀ ବୈଠକ ଡାକିଛନ୍ତି। ଆଜି ସନ୍ଧ୍ୟାରେ ଲୋକସେବା ଭବନରେ ହେବାକୁ ଥିବା ଏହି ବୈଠକରେ ସମସ୍ତ ଜିଲ୍ଲାର କଲେକ୍ଟରମାନେ ଭିଡିଓ କନଫରେନ୍ସିଂ ମାଧ୍ୟମରେ ଯୋଗଦେବେ। ଯୁଦ୍ଧ ସ୍ଥିତି  ଯୋଗୁଁ ଗ୍ୟାସ ଏବଂ ପେଟ୍ରୋଲିୟମ ଯୋଗାଣରେ ସମ୍ଭାବ୍ୟ ବାଧା ସୃଷ୍ଟି ହେବା ନେଇ କେନ୍ଦ୍ରର ସତର୍କତା ପରେ, ଶକ୍ତି ସଙ୍କଟର ମୁକାବିଲା ପାଇଁ ରଣନୀତି ଉପରେ ଆଲୋଚନା କରିବା ଏହି ବୈଠକରେ ଲକ୍ଷ୍ୟ ରଖାଯାଇଛି।

ବିଭାଗୀୟ ମୁଖ୍ୟମାନେ ଯୋଗଦେବାକୁ ଥିବା ଏହି ବୈଠକରେ ପ୍ରତ୍ୟେକ ଜିଲ୍ଲାର ପରିସ୍ଥିତିର ମୂଲ୍ୟାଙ୍କନ କରାଯିବ ଏବଂ ଅତ୍ୟାବଶ୍ୟକ ସାମଗ୍ରୀର ସୁଗମ ଯୋଗାଣ, କଳାବଜାରୀ ରୋକିବା ଏବଂ ସମ୍ଭାବ୍ୟ ତୈଳ ଏବଂ ଇନ୍ଧନ ଅଭାବକୁ ଦୂର କରିବା ପାଇଁ ପଦକ୍ଷେପ ସମ୍ପର୍କରେ ଆଲୋଚନା କରାଯିବ। ପରିସ୍ଥିତିର ମୁକାବିଲା ପାଇଁ ଏକ ରୋଡ ମ୍ୟାପ୍ ପ୍ରସ୍ତୁତ କରାଯିବ।

ଏହି ସମୟରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଭାବକୁ ହ୍ରାସ କରିବା ପାଇଁ ରାଜ୍ୟଗୁଡ଼ିକୁ ଟିମ୍ ଇଣ୍ଡିଆ ଭାବରେ ଏକାଠି କାମ କରିବାକୁ ଅନୁରୋଧ କରିଛନ୍ତି। ମୁଖ୍ୟମନ୍ତ୍ରୀ ମାଝୀ ପୂର୍ବରୁ ଏକ ସମ୍ପ୍ରତିକ ଆଲୋଚନା ସମୟରେ ପ୍ରଧାନମନ୍ତ୍ରୀଙ୍କୁ ଓଡ଼ିଶାର ପ୍ରସ୍ତୁତି ବିଷୟରେ ଅବଗତ କରାଇଥିଲେ। ରାଜ୍ୟ ସରକାର ଅତ୍ୟାବଶ୍ୟକୀୟ ସାମଗ୍ରୀ ଯୋଗାଣରେ ସ୍ଥିରତା ସୁନିଶ୍ଚିତ କରିବା ଏବଂ ମୂଲ୍ୟବୃଦ୍ଧି ଏବଂ କଳାବଜାରୀ ରୋକିବା ପାଇଁ ସକ୍ରିୟ ପଦକ୍ଷେପ ନେଉଛନ୍ତି। ଆଜିର ବୈଠକରେ କଣ ନିଷ୍ପତି ନିଆଯାଉଛି, ତାହା ଉପରେ ନଜର ରହିଛି।