ଭୁବନେଶ୍ୱର: ବାଲେଶ୍ୱର ଏଫ୍ଏମ୍ କଲେଜ ଛାତ୍ରୀ ଆତ୍ମାହୁତି ମାମଲାରେ ଦୁଇ ସହପାଠୀଙ୍କୁ ଗିରଫଦାରୀକୁ ନିନ୍ଦା କରିଛି ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ । ପୋଲିସ ଏହା ଏକ ପକ୍ଷପାତପୂର୍ଣ୍ଣ ଘଟଣା । ଏହା ଗଭୀର ରାଜନୈତିକ ଷଡ଼ଯନ୍ତ୍ର ବୋଲି କହିଛି ଏବିଭିପି ।  

ରାଜ୍ୟ ଏବିଭିପି ପକ୍ଷରୁ ଆଜି ଏକ ପ୍ରେସ୍ ବିବୃତ୍ତି ଜରିଆରେ ପୋଲିସର କାର୍ଯ୍ୟାନୁଷ୍ଠାନକୁ ନିନ୍ଦା କରାଯାଇଛି । ଯୌନ ଶୋଷଣ ପାଇଁ ଚାପ ପକାଇଥିବା କଂଗ୍ରେସ ଏବଂ ବିଜେଡି ଛାତ୍ର ସଂଗଠନର ବିଭାଗ ମୁଖ୍ୟ ଏବଂ ପଦାଧିକାରୀମାନେ ସୋସିଆଲ ମିଡିଆରେ ଛାତ୍ରୀଙ୍କ ଚରିତ୍ର ସଂହାର କରିବାକୁ ଚେଷ୍ଟା କରିବା, ସରକାର ଏବଂ ପ୍ରଶାସନର ଅବହେଳା ଦ୍ୱାରା ମାନସିକ ନିର୍ଯାତନା ଯୋଗୁଁ ଆତ୍ମହତ୍ୟା କରିବାର ହୃଦୟ ବିଦାରକ ଘଟଣା ସମଗ୍ର ସମାଜକୁ ଦୋହଲାଇ ଦେଇଛି। ଏହି ଘଟଣା କେବଳ ଏକ ଦୁର୍ଘଟଣାଜନିତ ଘଟଣା ନୁହେଁ ବରଂ ଦୀର୍ଘକାଳୀନ ମାନସିକ ଆଘାତ, ସଂସ୍ଥାଗତ ଓ ପ୍ରାଶାସନିକ ଚାପର ପରିଣାମ ଯାହା ଜଣେ ଛାତ୍ରୀଙ୍କୁ ଏତେ ଅସହାୟ ଏବଂ ଅସୁରକ୍ଷିତ ଅନୁଭବ କରାଇଥିଲା ଯେ ସେ ଏହି ଯନ୍ତ୍ରଣାଦାୟକ ପଦକ୍ଷେପ ନେଇଥିଲେ I ସୌମ୍ୟାଶ୍ରୀଙ୍କ ସହ ହୋଇଥିବା ଅନ୍ୟାୟ, ଅବହେଳା ଏବଂ ହଇରାଣ ଏହି ଦୁଃଖଦ ଘଟଣାର ମୂଳ କାରଣ । ନ୍ୟାୟ ପାଇଁ ତାଙ୍କ ପ୍ରୟାସ, ଅଭିଯୋଗ ଏବଂ ଚିତ୍କାରକୁ ବାରମ୍ବାର ଅଣଦେଖା କରାଯାଇଥିଲା, ଯାହା ତାଙ୍କୁ ଗଭୀର ମାନସିକ ସଙ୍କଟ ଆଡ଼କୁ ନେଇଯାଇଥିଲା ।

ରାଜ୍ୟ ପୋଲିସର କାର୍ଯ୍ୟପନ୍ଥାରେ ଉପରେ ପ୍ରଶ୍ନ ଉଠାଇଛି ଏବିଭିପି । କଂଗ୍ରେସ ଏବଂ ବିଜେଡି ସହ‌ଯୋଗୀ ଛାତ୍ର ସଂଗଠନର ପଦାକାରୀମାନଙ୍କ ବିରୁଦ୍ଧରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିନାହିଁ ଯେଉଁମାନେ ସୌମ୍ୟାଶ୍ରୀଙ୍କ ଚରିତ୍ରକୁ ସଂହାର ଓ ହନନ କରିଥିଲେ ଏବଂ ଯୌନ ନିର୍ଯାତନା ବିରୁଦ୍ଧରେ ତାଙ୍କର ଚାଲିଥିବା ଲଢ଼େଇକୁ ଦୁର୍ବଳ କରିବା ପାଇଁ ତାଙ୍କୁ ମାନସିକ ହଇରାଣ କରି କରିଥିଲେ I 

କିନ୍ତୁ ପୋଲିସ ସୌମ୍ୟାଶ୍ରୀଙ୍କୁ ରକ୍ଷା କରିବାକୁ ଚେଷ୍ଟା କରିବାକୁ ଯାଇ ନିଜେ ପୋଡ଼ି ହୋଇଥିବା ଏବିଭିପି କାର୍ଯ୍ୟକର୍ତ୍ତାମାନଙ୍କୁ ଗିରଫ କରିଛି I ଏହି ମନୋଭାବ କେବଳ ପୋଲିସର ବିଫଳତାକୁ ଦର୍ଶାଏ ନାହିଁ ବରଂ ଏହା ପକ୍ଷପାତୀ ମନୋଭାବକୁ ମଧ୍ୟ ପ୍ରକାଶ କରେ I

ଏବିଭିପିକ ରାଷ୍ଟ୍ରୀୟ ସାଧାରଣ ସମ୍ପାଦକ ଡକ୍ଟର ବୀରେନ୍ଦ୍ର ସିଂହ ସୋଲାଙ୍କି ଘଟଣାର ଏକ ନିରପେକ୍ଷ ଏବଂ ବ୍ୟାପକ ତଦନ୍ତ ଦାବି କରିଛନ୍ତି । ସେହିପରି ଏବିଭିପି ଓଡ଼ିଶା ପୂର୍ବ ପ୍ରାନ୍ତର ସମ୍ପାଦକ ସୁଶ୍ରୀ ଦୀପ୍ତିମୟୀ ପ୍ରତିହାରୀ ଏହି ମାମଲାରେ ପୋଲିସକୁ ପୂର୍ଣ୍ଣ ସହଯୋଗ କରିବାକୁ ପ୍ରସ୍ତୁତ ଅଛନ୍ତି ବୋଲି କହିଛନ୍ତି । କିନ୍ତୁ ଯଦି ଏବିଭିପିର କାର୍ଯ୍ୟକର୍ତ୍ତାମାନଙ୍କୁ ହଇରାଣ କରାଯାଏ ଏବଂ ନିର୍ଦ୍ଦୋଷଙ୍କୁ ଫସାଇବା ପାଇଁ ଚେଷ୍ଟା କରାଯାଏ ଦୃଢ଼ ବିରୋଧ କରାଯିବ । ପୀଡିତାଙ୍କ ନ୍ୟାୟ ପାଇଁ ଲଢ଼େଇ ଜାରି ରଖିବ, କିନ୍ତୁ ଯଦି ପୋଲିସ ଦଳୀୟ ମନୋଭାବ ଅବଲମ୍ବନ କରେ, ତେବେ ଏବିଭିପି ଚୁପ ବସିବ ନାହିଁ ବୋଲି ଚେତାଇ ଦେଇଛି । ପରିଷଦ ଏହାକୁ କୌଣସି ପରିସ୍ଥିତିରେ ସହ୍ୟ ସହ୍ୟ କରିବ ନାହିଁ I ପୀଡିତାଙ୍କୁ ରକ୍ଷା କରିବାକୁ ଆଗକୁ ଆସିଥିବା ଲୋକଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଅତ୍ୟନ୍ତ ଦୁର୍ଭାଗ୍ୟଜନକ । ଯଦି ଏପରି ମାମଲାରେ, ସହକର୍ମୀମାନଙ୍କୁ ଅପରାଧୀ ବୋଲି କୁହାଯାଏ, ତେବେ ଭବିଷ୍ୟତରେ କୌଣସି ପୀଡିତାଙ୍କୁ ସାହାଯ୍ୟ କରିବାକୁ କେହି କେହି ଆଗକୁ ଆସିବେ ନାହିଁ ।"