ଗଞ୍ଜେଇ ଚକୋଲେଟ ବିକ୍ରି କରି ଯବାକଙ୍କୁ ଗିରଫ କରିଛି ପୋଲିସ। ତେବେ ହାଇଦ୍ରାବାଦରେ ଏହିପରି ଗଞ୍ଜେଇ ଚକୋଲେଟ ପାନ ଦୋକାନରେ ବିକ୍ରି ହେଉଛି। ଏହିପରି ଚକୋଲେଟ ଜରିରେ ଗଞ୍ଜେଇ ବିକ୍ରି ହେଉଛି। ତେବେ ଗିରଫ ବ୍ୟକ୍ତି ଜଣଙ୍କ ବାଲେଶ୍ୱରର ଜିଲ୍ଲାର ଅନନ୍ତ ବାରିକ ବୋଲି ଜଣାପଡିଛି। ହାଇଦ୍ରାବାଦର ବାଲାନଗର ଅଞ୍ଚଳରୁ ଅନନ୍ତ ବାରିକକୁ ପୋଲିସ ଗିରଫ କରିଛି। ଏହାସହିତ ସେଠାରୁ ବିପୁଳ ପରିମାଣର ଗଞ୍ଜେଇ ଚକୋଲେଟ ମଧ୍ୟ ଜବତ କରିଛି ପୋଲିସ।   

ସୂଚନା ଅନୁସାରେ , ହାଇଦ୍ରାବାଦରୁ ପୋଲିସ ଜବତ କଲା ୧୪୦ଟି ଗଞ୍ଜେଇ ଚକୋଲେଟ। ତେବେ ଏହି ଗଞ୍ଜେଇ ଚକୋଲେଟ ବିକ୍ରି କରୁଥିବା ଗଞ୍ଜେଇ ବେପାରୀକୁ ଗିରଫ କରିଛି ପୋଲିସ। ଗଞ୍ଜେଇ ଚକୋଲେଟ ବିକ୍ରି କରୁଥିବା ବ୍ୟକ୍ତି ବାଲେଶ୍ୱରର ଜିଲ୍ଲାର ଅନନ୍ତ ବାରିକ ବୋଲି ଜଣାପଡିଛି। ହାଇଦ୍ରାବାଦରେ କଲେଜ ଛାତ୍ରଛାତ୍ରୀଙ୍କ ମଧ୍ୟରେ ଏହି ଗଞ୍ଜେଇ ଚକୋଲେଟ ଆଦୃତ ବୋଲି ଜଣାପଡିଛି। ତେବେ ଏହି ଗଞ୍ଜେଇ ଚକୋଲେଟ ଚାରମିନାର ଗୋଲ୍ଡ ମୁନାକ୍କା ନାମରେ ବେଶ ପରିଚିତ। ଏହି ଚକୋଲେଟ ୨୦ ଟଙ୍କାରେ ୫ ଗ୍ରାମ ପରିମାଣରେ ବିକ୍ରି ହୋଇଥାଏ। ତେବେ ଏହି ସବୁ ଚକୋଲେଟ ବାଲେଶ୍ୱରରେ ତିଆରି ହେଉଥିବା ଜଣାପଡିଛି । ଯାହା ଦାଦନ ଶ୍ରମିକଙ୍କ ଜରିଆରେ ହାଇଦ୍ରାବାଦକୁ ଚାଲାଣ ହେଉଛି। ତେବେ ପୋଲିସ ଏହି ଘଟଣା ବାବଦରେ ବିଭିନ୍ନ ଛାନଭିନ ଆରମ୍ଭ କରିଛି।