ଭୁବନେଶ୍ୱର: ଖଣି ମନ୍ତ୍ରୀ ବିଭୂତି ଜେନା ବଡ଼ ନିଷ୍ପତ୍ତି ନେଇଛନ୍ତି। ସେ ଆଉ ନିର୍ବାଚନ ଲଢ଼ିବେନି ବୋଲି ଗଣମାଧ୍ୟମକୁ ସୂଚନା ଦେଇଛନ୍ତି। ତେବେ ହଠାତ୍ କଣ ଘଟିଲା କାହିଁକି ସେ ଏଭଳି ନିଷ୍ପତି ନେଲେ, ତାହା ରାଜନୈତିକ ମହଲରେ ଚର୍ଚ୍ଚା ପାଲଟିଛି।

ଅଧିକ ପଢନ୍ତୁ: ଦେବଗଡ଼ରେ ଅଛି ସୁନା ଖଣି, ବିଧାନସଭାରେ ସ୍ପଷ୍ଟ କଲେ ଖଣି ମନ୍ତ୍ରୀ 

ଆଜି (ଶନିବାର) ଗଣମାଧ୍ୟମକୁ ସୂଚନା ଦେଇ ଖଣି ମନ୍ତ୍ରୀ ବିଭୂତି ଜେନା କହିଛନ୍ତି, "ମୁଁ ନିଜେ ଆଉ ନିର୍ବାଚନ ନ ଲଢ଼ି ଯୁବବର୍ଗଙ୍କ ପାଇଁ ବାଟ ଛାଡ଼ିବି। ସେ କହିଛନ୍ତି ଯେ, ମୋର ଆଉ ନିର୍ବାଚନ ଲଢ଼ିବାର ଇଛା ନାହିଁ। ଆସନ୍ତା ବର୍ଷ ମୋତେ ୬୦ ବର୍ଷ ହେବ। ୪୫ ବର୍ଷୀୟ ଯୁବକ ରାଷ୍ଟ୍ରୀୟ ଅଧ୍ୟକ୍ଷ, ଯୁବକମାନେ ଆଗକୁ ଆସିବା ଦରକାର। କିନ୍ତୁ ସେ ଦଳ ନଛାଡିବା ନେଇ ମଧ୍ୟ ଏକ ପ୍ରକାର ସ୍ପଷ୍ଟ କରିଛନ୍ତି। ଆଗକୁ ଦଳ ଯେଉଁ ଦାୟିତ୍ୱ ଦେବ ମୁଁ ତାକୁ ସୁଚାରୁରୂପେ କରିବି। ନିର୍ବାଚନ ଲଢ଼ିବି ନାହିଁ ବୋଲି ମାନସିକ ପ୍ରସ୍ତୁତି କରିସାରିଛି" ବୋଲି ଖଣି ମନ୍ତ୍ରୀ କହିଛନ୍ତି। ଖଣିମନ୍ତ୍ରୀଙ୍କ ଏହି ନିଷ୍ପତି ଏବେ ରାଜନୈତିକ ମହଲରେ ଆଲୋଚନାର ପରିସରଭୁକ୍ତ ହୋଇଛି।

ଅଧିକ ପଢନ୍ତୁ: ରାଜ୍ୟରେ ଖୁବ୍‌ଶୀଘ୍ର ନୂଆ ଅବକାରୀ ଆଇନ ଲାଗୁ ହେବ - ପୃଥ୍ୱୀରାଜ ହରିଚନ୍ଦନ