ଫାୟାରିଂ କରି ଲୁଟ କଲେ ଦୁର୍ବୁତ୍ତ । ଏମିତି ଏକ ଅଭାବନୀୟ ଘଟଣା ଘଟିଛି , କଟକ ମତଗଜପୁର ଠାରେ । ସୂଚନା ଅନୁସାରେ , ୬ ଜଣ ଅଭିଯୁକ୍ତ ୩ଟି ବାଇକରେ ଆସିଥିଲେ ।

ଗତ ୬ ତାରିଖରେ ଅଳଙ୍କାର ବ୍ୟବସାୟୀ ବିକାଶ ପାତ୍ର ନିଜର ଦୁଇ ଚକିଆ ଗାଡିରେ ମତଗଜପୁର ଦେଇ ବ୍ୟବସାୟ କରିବା ପାଇଁ ଯାଉଥିଲେ  । ଠିକ ସେହି ସମୟରେ ୩ଟି ବାଇକରେ ୬ ଦୁର୍ବୃତ୍ତ ତାଙ୍କୁ ପିଛା କରିଥିଲେ । ଡକାୟତମାନେ ମତଗଜପୁର ରେଳଫାଟକ ପାର ହେବା ପରେ ବିକାଶ ଚଳାଉଥିବା ଗାଡ଼ିକୁ ପଛପଟୁ ଧକ୍କା ଦେଇଥିଲେ । ବିକାଶ ତଳେ ପଡ଼ିଯିବାରୁ ତାଙ୍କୁ ମାଡ଼ ମାରିଥିଲେ ଓ  ବାଇକର ଡିକି ଭାଙ୍ଗି ସେଥିରେ ଥିବା ୩୧ ଗ୍ରାମର ସୁନା ଓ ୧୮ଶହ ଗ୍ରାମର ରୁପା ଅଳଙ୍କାର ସହ ନଗଦ ୨୫ ହଜାର ଟଙ୍କା ଲୁଟ କରି ନେଇଯାଇଥିଲେ  । ବିକାଶ ପ୍ରତିବାଦ କରିବାରୁ ଦୁର୍ବୃତ୍ତମାନେ ୪ ରାଉଣ୍ଡ ଗୁଳି ଚାଳନା କରି ଫେରାର ହୋଇଯାଇଥିଲେ । ଫାୟାରିଂ ଘଟଣାରେ ଅନ୍ୟତମ ମୁଖ୍ୟ ଅଭିଯୁକ୍ତକୁ ଗତ ଶୁକ୍ରବାର ରାତିରେ କମିଶନରେଟ୍ ପୋଲିସ୍ ଏନକାଉଣ୍ଟର କରିଥିଲା  । ଆଉ ଆଜି ୫ ଜଣ ଅଭିଯୁକ୍ତଙ୍କୁ ଗିରଫ କଲା କନ୍ଦରପୁର ଥାନା ପୋଲିସ୍ । ଏ ଘଟଣାର ଅଧିକ ତଦନ୍ତ କରୁଛି ପୋଲିସ ।  

ଆଗକୁ ପଢନ୍ତୁ :- ସୁନ୍ଦରଗଡ଼ରେ ଚିନ୍ତା ବଢ଼ାଉଛି ସ୍କ୍ରବ ଟାଇଫସ୍ ଆକ୍ରାନ୍ତଙ୍କ ସଂଖ୍ୟା