ନୀଳଗିରି : ବାରମ୍ବାର ମନ୍ଦିର ଲୁଟୁଛନ୍ତି ଲୁଟେରା। ଭଗବାନଙ୍କୁ ବି ଛାଡ଼ୁନାହାନ୍ତି ଦୁର୍ବୁତ୍ତ। ତେବେ ସେହିଭଳି ନୀଳଗିରିରେ ୨ଟି ମନ୍ଦିରରୁ ସିରିଜ ଲୁଟ ହୋଇଛି। ବିଳମ୍ବିତ ରାତିରେ ମନ୍ଦିରରେ କଳାକନା ବୁଲାଇଛନ୍ତି ଲୁଟେରା। ଠାକୁରଙ୍କ ସୁନା ମୁକୁଟ,ଲକ୍ଷାଧିକ ଟଙ୍କାର ଅଳଙ୍କାର ଓ ଦାନବାକ୍ସ ଲୁଟିନେଲେ। ତେବେ ପୋଡାଶୂଳ କାଳୀ ମନ୍ଦିର ଓ ଶନି ମନ୍ଦିରରୁ ଲୁଟ ହୋଇଥିବା ସୂଚନା ମିଳିଛି।  

ସୂଚନା ଅନୁଯାୟୀ , ରବିବାର ବିଳମ୍ବିତ ରାତିରେ ନୀଳଗିରି ଥାନା ଅଧୀନ ପୋଡାଶୂଳ କାଳୀ ମନ୍ଦିର ଓ ଚତର ଛକରେ ଥିବା ଶନି ମନ୍ଦିରରୁ ଲୁଟ ହୋଇଛି। ଲୁଟେରାମାନେ ମନ୍ଦିରର ତାଲା ଭାଙ୍ଗି ଅଳଙ୍କାର ବାକ୍ସ ଓ ହୁଣ୍ଡି ବାକ୍ସରୁ ସମସ୍ତ ଅଳଙ୍କାର ଓ ଟଙ୍କା ଲୁଟିବା ପରେ ନିକଟ ବିଲରେ ହୁଣ୍ଡି ଏବଂ ବାକ୍ସକୁ ଫୋପାଡି ଦେଇ ଫେରାର ମାରିଥିଲେ। ସକାଳୁ ସ୍ଥାନୀୟ ପୂଜକ ମନ୍ଦିର ପୂଜା କରିବାକୁ ଆସି ଏ ଘଟଣା ବାବଦରେ ଜାଣିବା ପରେ ସ୍ଥାନୀୟ ଲୋକଙ୍କୁ ଅବଗତ କରିଥିଲେ। ଏହାପରେ ନୀଳଗିରି ପୋଲିସ ଘଡଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।