ପାରାଦୀପ : ଆଜିଠୁ ଜୁନ୍ ୧୪ ତାରିଖ ଯାଏ ମାଛଧରା ଉପରେ ଲାଗିଲା କଟକଣା। ରାଜ୍ୟର ସବୁ ମାଛଧରା ବନ୍ଦର ପାଇଁ ଏଇ କଟକଣା ଲାଗୁ କରିଛନ୍ତି ରାଜ୍ୟ ସରକାର। ତେବେ ଆସନ୍ତା ଦୁଇମାସ ମାଛ ମାନଙ୍କର ଅଣ୍ଡାଦାନ ସମୟ। ଏହି ସମୟରେ ମାଛ ବଂଶ ବୃଦ୍ଧି ସମୟ ତେଣୁ ଯାଆଁଳା ସୁରକ୍ଷା ପାଇଁ ଆଜିଠୁ କଟକଣା ଲଗାଇଛନ୍ତି ସରକାର। ଏନେଇ ପାରାଦୀପ ନେହେରୁ ବଙ୍ଗଳା, ଅଠରବାଙ୍କି ବାଲିପ୍ଲଟ, ଚଉମୁହାଣି ଓ ଷଣ୍ଢକୁଦରେ ଡାକବାଜି ଯନ୍ତ୍ର ସାହାଯ୍ୟରେ ପ୍ରଚାର କରାଯାଇଛି। ତେବେ ମାଛଧରା ବନ୍ଦ ହେବା ପରେ ଏହି ସମୟରେ ବୋଟ୍ ଓ ଡଙ୍ଗା ଗୁଡିକର ମରାମତି କାମ ମଧ୍ୟ ଆରମ୍ଭ ହେବ। ଏହାସହିତ ମାଛଧରାଳିଙ୍କୁ ବନ୍ଦର ଯିବାକୁ ମଧ୍ୟ ବାରଣ କରାଯାଇଛି। ଯଦି ସରକାର ନିୟମକୁ କୌଣସି ମାଛଧରାଳୀ ଅବଜ୍ଞା କରନ୍ତି ତେବେ ତାଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯିବ।