ସୁନ୍ଦରଗଡ଼: ଦିନକୁ ଦିନ ବଢିଚାଲିଛି ହାତୀ ମାନଙ୍କର ଦୌରାମ୍ୟ। କେତେବେଳେ ଚାଷ ଜମିରେ ପଶି ଜଙ୍ଗଲ ନଷ୍ଟ କରିଦେଉଛନ୍ତି ତା କେତେବେଳେ ନିରୀହ ଲୋକଙ୍କୁ ନିଜ ଶିକାର କରୁଛନ୍ତି। ସେହିଭଳି ସୁନ୍ଦରଗଡ଼ ଜିଲ୍ଲା ବଣାଇ ରେଞ୍ଜ ଜକେଇକେଲାର ଘଟିଛି ଅଘଟଣ। ହାତୀ ଆକ୍ରମଣରେ ଚାଲିଗଲା ଜଣଙ୍କ ଜୀବନ। ତେବେ ମୃତ ବ୍ୟକ୍ତି ଜଣଙ୍କ ଉକ୍ତ ଗାଁର ଧରଣୀଧର ପାତ୍ର ବୋଲି ଜଣାପଡିଛି। 

ସୂଚନା ଅନୁସାରେ, ଆଜି ସକାଳେ ଧରଣୀଧର କୌଣସି କାମ ଲାଗି ଘରୁ ବାହାରୁଥିଲେ। ଏହି ସମୟରେ ହଠାତ୍‌ ହାତୀ ଆସି ଧରଣୀଧରଙ୍କୁ ଆକ୍ରମଣ କରିଥିଲା। ଯାହାଫଳରେ ଘଟଣାସ୍ଥଳରେ ହିଁ ଧରଣୀଧରଙ୍କର ମୃତ୍ୟୁ ହୋଇଥିଲା। ଧରଣୀଧରଙ୍କ ମୃତ୍ୟୁ ପରେ ପୁରା ଅଞ୍ଚଳରେ ଶୋକର ଛାୟା ଖେଳିଯାଇଛି। ତେବେ ଏପର୍ଯ୍ୟନ୍ତ ବନବିଭାଗ କିମ୍ବା ପୋଲିସର କୌଣସି ଅଧିକାରୀ ଘଟଣାସ୍ଥଳରେ ପହଞ୍ଚିଥିବା ନେଇ ସୂଚନା ମିଳିଛି। ତେଣୁ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ତେଜନା ଦେଖିବାକୁ ମିଳିଛି।